2 KORIN 9:8 - Lai (Hakha) Common Language Bible 2006

⁸ Pathian nih cun nan herh leng tiangin an pek khawh ko hna, cucaah nanmah ca i nan herhmi caah khan nan i zat tiangin nan ngei zungzal ko lai i thil ṭha tuah nan duhmi ca i nan herhmi caah khan a zat leng tiang hmanh nan ngei ko lai.

Laibaibal Thiang (BSI)

⁸ Cun rian ṭha kha tampi in nan ṭuan khawh nâkhnga le, zeizong vialte tling tein nan ngeih khawh nâkhnga, Pathian nih a zângfahnâk cu nan cungah tam piin an pêk hna lai.

2 KORIN 9:8 ပူးပေါင်းရင်းမြစ်များ

2 CHANRELNAK 25:9

Cun Amaziah nih Pathian mi cu a thawh i, “Sihmanhsehlaw Israel ralkapbu ka pek cangmi talen za khat tluk cu zeitindah ka tuah kun lai?” tiah a ti. Pathian mi nih cun a leh i, “Mah hi nak hin tam deuh pei Bawipa nih cun an pek khawh cu,” tiah a ti.

SALM 84:11

Bawipa cu a kan hupphengtu le a sunglawimi kan siangpahrang a si, amah nih thluachuah a kan pek i vel le thangṭhatnak kan hmuh. A dingmi thil a tuahtu paoh cu thil ṭha kha pe loin a um hna lo.

PHUNGTHLÛKBIA 10:22

Bawipa thluachuahnak cu rumtertu a si i ngaihchiatnak zeihmanh a ratter chih hna lo.

PHUNGTHLÛKBIA 11:24

Mi pakhatkhat nih siang tein a ṭhenh lengmang hna i a rum chin, a dang pakhat nih tinsih in a um i herhbaunak lawng kha aa miak ko.

PHUNGTHLÛKBIA 28:27

Sifakmi a pechan lengmangmi cu a chambau bal lai lo, sihmanhsehlaw a mit a chinhkanhtu hna cu chiatserhnak tampi a hmu lai.

PHUNGTHLÛKBIA 3:9

Bawipa cu na chawva le na thilri theitlai hmasa bik hna in upat tuah;

HAGGAI 2:8

Ngun cu keimah ta a si, sui cu keimah ta a si, tiah ralkapbu Bawipa nih a ti.

MALAKHI 3:10

Cheu hra cheu khat cu a dihlak in thawhlawm inn ah rak pu u, cun ka inn chungah cun rawl um seh. Ka hneksak tuah ngat u, van innka cu kan hunpiak hna le hunpiak hna lo; thluachuah vanluhnak cu kan thlethnawh hna le hnawh hna lo zoh tuah ngat u, tiah ralkapbu Bawipa nih a ti.

LAMKALTU 9:36

Cun Joppa khua ah hin Jesuh zummi nu pakhat a min Tabitha a simi a um, (amah cu Grik holh cun Dorkas ti a si i a sullam cu sazuk tinak a si.) ṭhatnak tuah le sifak bawmh ah khan a caan vialte cu a hman dih tawn.

1 KORIN 15:58

Cucaah ka u le ka nau hna, fek tein dir u law zeihmanh nih in ṭhial kho hna hlah seh. Bawipa rian teimak tein nan ṭuannak ah cun i manh lo ngaiin um zungzal ko u, Bawipa rian nan ṭuanmi cu alak a si bal lo ti kha nan hngalh.

2 KORIN 13:3

Khrih nih biachimtu ah a hmang maw hmang lo hngalh kan duh, nan timi vialte kha nan hmuh lai. Khrih nih nan sin i rian a ṭuan tikah a derthawm lo, a ṭhawnnak tu kha nan lakah a langhter.

2 KORIN 8:19

Cun cu pinah Pathian sunparnak ding ca i kannih nih hi dawtnak rian kan ṭuannak ah hin, kan sin i tlawng ve dingin le bawmh kan in duh hna kha langhtertu dingah, khrihfabu hna nih khan amah cu an thim i an thiah.

2 KORIN 8:2

Harnak an innak nih khan fak piin a hneksak hna; asinain an i lawmhnak cu a ngan tuk caah an si a fak ngaingai ko nain thawhlawm ah an siang ngaingai.

2 KORIN 8:7

Zumhnak ah siseh, biachimnak ah siseh, hngalhnak ah siseh, midang bawmh duhnak ah siseh, kanmah nan kan dawtnak ah siseh, nan rum ngaingai ko. Cucaah cun hi dawtnak rian zongah hin a siangmi nan si awk kha kan in duh hna.

2 KORIN 9:11

Zeitik caan paoh ah minunsiang nan si khawh nakhnga Pathian nih cun a za in an rumter zungzal hna lai i kan sinin an hmuhmi nan laksawng ruangah khan Pathian cu mi tampi nih an lawmh lai.

EFESA 2:10

Kannih cu Pathian kutchuak kan si i Pathian nih thil ṭha tuah dingah a rak kan tinh bantukin Khrih he kan i pehtlaihnak thawngin thil ṭha cu kan tuah khawhnak hnga a kan ser ṭhanmi kan si.

EFESA 3:20

Kan chungah rian a ṭuantu a ṭhawnnak thawngin kan hal khawh leng le kan ruah khawh lengin thil a tuah khotu Pathian cu,

FILIPI 4:11

Cun cu pinah, an ka hramkau lo, ti ruahnak ka ngeih caah hihi ka chimmi a si fawn lo, zeicahtiah ka ngeihmi paoh ah lungsi tein um ding kha ka thiam cang.

KOLOSE 1:10

Cuticun Bawipa duhning in nan nung kho lai i amah duhnak kha nan tuah zungzal khawh lai. Thil ṭha tuahnak kip ah nan nunning cu zumh awk tlak a si lai i Pathian nan hngalhnak ah khan nan ṭhang lai.

2 THESALON 2:17

a ṭhami kha nan tuah ngam nakhnga le nan chim ngam nakhnga ralṭhatnak in pe ko hna seh.

2TIMOTE 2:21

Ahohmanh a man a sungmi le a thiangmi thil lak i aa tel kho ve ding, inn Bawi nih a hman awkah aa tlakmi si ve dingah cun, cawnpiaktu ṭhalo vialte kha a kal tak hna awk a si; cun hmaizah awk tlak a simi rian zei rian paoh caah khan aa tlakmi a si lai.

2TIMOTE 3:17

Cucaah cun Pathian rianṭuantu a simi cu zeizong zeizong ah tlamtlingmi a si awk le thil ṭha phun zakip tuah khawh awkah thilthuam tling tein a ngeimi a si awk a si.

TITAS 2:14

Kannih cu ṭhat lonak chungin chanh awkah le amah ta a simi mithiang si awkah le ṭhatnak tuah a duhmi siter awkah, kan caah a nunnak kha a pek.

TITAS 3:14

Kan mi hna cu rian ṭha ṭuan kha cawnpiak hna; an nunnak ca i a herh taktakmi hmuh khawhnak kha chim hna; pakpalawng in um men hna hlah seh.

TITAS 3:8

Hi bia hi biatak a si. Hi bia hi biapi in na rak lak hna awkah ka duh. Pathian a biami nih cun hmaizah awk tlak a simi rian kha ṭuan hna seh law, cu rian cu anmah caah hmaizah awk tlakmi rian a si ti lawng si loin an minung hawi ca zong i a ṭhahnemmi rian a simi kha si hna seh.

1 PETER 4:10

Pathian laksawng kengtu ṭha bantukin Pathian sinin nan hmuhmi laksawng kha midang ca ṭhatnak ah hmang cio u.