2 KORIN 9:4 - Lai (Hakha) Common Language Bible 2006

⁴ Cu ti si loin Masidonia mi kha kaa ratpi hna i timhnak zeihmanh ngei loin nan rak um ṭung ahcun, nan i tim ṭheo lai ti ruahnak kan ngeih ṭung caah khan, kan ning a zak tuk lai, nanmah cu vun chim lo kanmah hrimte kan ning a zak tuk lai.

Laibaibal Thiang (BSI)

⁴ Culoahcun Masidonia in mi zeimaw nih an ka zulh sual lai i timh cia i nan um lo an hmuh sual ahcun kannih (nannih kan ti hna lo) nanmah â hmaihngalpitu hi kan ning a zak sual lai.

2 KORIN 9:4 ပူးပေါင်းရင်းမြစ်များ

ROM 15:26

Cucu zeidah a si tiah, Masidonia ram le Grik ram i a ummi Khrihfabu hna nih Jerusalem khua i a ummi Pathian mi hna lak i sifakmi hna bawmhnak ah anmah lungtho tein an thawhmi thawhlawm a um.

1 KORIN 16:2

Zarhpi ni fate in, nan hmuhmi a tlawm a tam ning cio khan phaisa nan rak thawh lai i nan rak khon lai, ka rat tikah phaisa khawlh herh ti lo dingin,

2 KORIN 11:17

Atu i ka chim lengmangmi hi Bawipa nih chim seh ti a ka duhmi cu a si hrim lai lo, hiti kaa porhlawt lengmang ah hin mihrut bantukin bia ka chim lengmang taktak ko.

2 KORIN 8:24

An cungah nan dawtnak kha rak langhter u law khrihfabu vialte nih cucu fiang tein an hngalh lai i nanmah kong i kan i porhlawtnak kha ahmaan tiah an hmuh lai.

2 KORIN 9:2

Bawmh nan duh hna ti kha ka hngalh ko i cucaah cun Masidonia ram mi hna sin zongah cun nanmah kong cu ka vaa porhlaw. “Grik ram i a ummi kan unau pawl cu nikum khan bawmh an i timhnak cu a si cang,” tiah ka ti hna. Nan lungṭhawhnak nih khan a tam deuh cu an lung a canghter ve hna.

FILEMON 1:19

Ka kut hrimhrim in Keimah Paul nih kan cham lai, tiin ka ṭial hih. (Na nunnak hrimhrim na ka bat kha cu, kan chimh ṭhan awk a herh lem lo.)