2 KORIN 9:12 - Lai (Hakha) Common Language Bible 2006

¹² Zeicahtiah nan tuahmi nih hin Pathian mi hna an herhbaunak lawng kha a bawmh si loin Pathian sin i chimmi lunglawmhnak bia tampi zong kha a chuahter.

Laibaibal Thiang (BSI)

¹² Zeitintiah hi bomhnâk rian nih hin mithiang hna chamhbaunâk a tlinter lawng si loin Pathian sinah lawmhnâk bia chim awk a liam in a liamter,

2 KORIN 9:12 ပူးပေါင်းရင်းမြစ်များ

2 KORIN 1:11

Nannih nih nan thlacamnak in nan kan bawmh caah, a kan khamh ṭhan ko lai ti zong kha kan i ruahchan. Cucaah cun kan ca i thla tampi nan cammi cu Pathian nih an leh hna lai i thluachuahnak a kan pek lai; cun kanmah ruangah mi tampi nih Pathian cu lawmhnak in an thangṭhat lai.

2 KORIN 1:5

Khrih nih a inmi temhinnak tampi cu kannih zong kan i hrawm ve bantukin Khrih hnangamnak zong cu kan i hrawm ve.

2 KORIN 8:4

Pathian mi Judea ram i a ummi hna bawmh awkah khan anmah lungtho tein tinvo kan phaw ve u tiah an kan nawl.

2 KORIN 9:1

Judea ram i a ummi Pathian mi hna sinah kan kuatmi bawmhnak kong hi, a ngaingai ti ahcun, keimah nih nan sinah ka ṭial a herh lem lo.

FILIPI 2:25

Cun kan nau Epafroditas hi nan sin i rak thlah a herh tiah ka ruah, amah cu ka ṭuannak i a ṭuan vemi, ral ka dohnak i a do vemi a si i keimah bawmh awkah nan hun thlahmi a si.

1JOHAN 3:17

Mipa pakhat cu mirum a si nain a unau herhbaunak kha a hmuh tikah a lung innka a khar ahcun, zeitindah Pathian ka dawt tiah a ti khawh lai?