2 KORIN 8:19 - Lai (Hakha) Common Language Bible 2006

¹⁹ Cun cu pinah Pathian sunparnak ding ca i kannih nih hi dawtnak rian kan ṭuannak ah hin, kan sin i tlawng ve dingin le bawmh kan in duh hna kha langhtertu dingah, khrihfabu hna nih khan amah cu an thim i an thiah.

Laibaibal Thiang (BSI)

¹⁹ cu lawng si loin, Bawipa sunlawinâk le timhcia i nan um langhternâk ah hi thil pêk la dingin khual kan tlawnnâk ah i tel ve dingin kawhhran nih an thimmi a si,

2 KORIN 8:19 ပူးပေါင်းရင်းမြစ်များ

LAMKALTU 14:23

Khrihfabu kip ah khan khrihfa upa an chiah hna i thlacamnak le rawl ulhnak he, an i bochanmi Bawipa kut chungah khan, an chiah hna.

LAMKALTU 15:22

Cun lamkaltu hna le upa hna nih khan khrihfabu an dihlak he, an bu chungin mi i thim i Paul le Barnabas sinah Antiok khua i thlah kha an hna a tla. Barsabbas ti zongah timi Judas le Silas kha an thim hna; annih cu an pahnih in unau pawl hna nih khan an upat ngaingaimi an si.

LAMKALTU 15:25

Cucaah kannih cu kan i pum i nan sin i thlah ding lamkaltu hna thim awkah khan kan hna a tla. Annih cu kan dawtmi kan unau hna Barnabas le Paul,

LAMKALTU 19:22

Cucaah amah a bawmtu pahnih Timote le Erastas kha Masidonia leiah a thlah hna i amah tu cu Asia ram chungah khan caan tam deuh a run hmang.

LAMKALTU 19:29

Cuti i an i tuainak cu khuachung kha a khat dih. Mibu nih cun Paul sin i khual a tlawng vemi Masidonia mi pahnih, Gaius le Aristarkas kha an tlaih hna i bual ah khan an tlikpi hna.

ROM 5:11

Cu lawng cu a si rih lo, kannih cu Pathian hawikom i a kan sertu kan Bawipa Jesuh Khrih thawngin Pathian ah cun kan i lawm.

ROM 5:3

Cun harnak kan inmi zongah hin kan i lawm ko, zeicahtiah harnak nih cun in khawhnak kha a kan ngeihter i

2 KORIN 4:15

Hi vialte hi nanmah caah a si dih; Pathian vel nih mi tam chin lengmang a phak hna bantukin mi tam chin lengmang nih Pathian sunparnak cu an lawmh lai i an thangṭhat lai.

2 KORIN 8:11

Cucaah cun rak pehzulh u law rian cu rak lim u. Nan rak thawk lio bantuk khan a lim lei zongah lungthawhnak rak ngei peng u law nan ngeihmi ning cio ah pek rak i zuam u.

2 KORIN 8:12

Pek duhnak lungthin nan ngeih ahcun nan ngeih lomi thil zoh in si loin nan ngeihmi thil zoh in Pathian nih nan laksawng cu an cohlanpiak hna lai.

2 KORIN 8:20

Hi siang ngaiin pekmi laksawng kan hmannak ah hin ahohmanh nih an kan soi khawh nakhnga lo ralring tein kan ṭuan.

2 KORIN 9:2

Bawmh nan duh hna ti kha ka hngalh ko i cucaah cun Masidonia ram mi hna sin zongah cun nanmah kong cu ka vaa porhlaw. “Grik ram i a ummi kan unau pawl cu nikum khan bawmh an i timhnak cu a si cang,” tiah ka ti hna. Nan lungṭhawhnak nih khan a tam deuh cu an lung a canghter ve hna.

2 KORIN 9:8

Pathian nih cun nan herh leng tiangin an pek khawh ko hna, cucaah nanmah ca i nan herhmi caah khan nan i zat tiangin nan ngei zungzal ko lai i thil ṭha tuah nan duhmi ca i nan herhmi caah khan a zat leng tiang hmanh nan ngei ko lai.