2 KORIN 7:9 - Lai (Hakha) Common Language Bible 2006

⁹ Sihmanhsehlaw atu cu kaa lawm ko — nan ngaih an chiatter hna ruangah khan si loin nan ngaihchiatnak nih nan ziaza an thlen hna caah khan kaa lawmhnak cu a si. Nan ngaihchiatnak cu Pathian nih a hman i cucaah kan tuahmi ruangah zeihmanh nan sung lo.

Laibaibal Thiang (BSI)

⁹ Atu ahcun kâ lawm cang: ngaihchiatter nan si ruangah si loin, nan ngaihchiatnâk nih ngaihchihnâk i an hruai hna caah a si. Pathian duh ningin ngaihchiatter nan si ah khan kanmah lei ah sunghmi zeihmanh nan ngei lo.

2 KORIN 7:9 ပူးပေါင်းရင်းမြစ်များ

SALM 38:18

Ka sualnak cu ka phuan hna. asinain lungrethei in ka um ṭhiamṭhiam.

PHUNGCHIMTU 7:3

Ngaihchiat hi lunglawmh nakin a ṭha deuh, zeicahtiah ngaihchiatnak nih cun na hmai cu a ngaih a chiatter ko nain na hngalhnak kha a haarter lai.

ZEKHARIAH 12:10

sihmanhsehlaw David ciruang hna le Jerusalem khua i a ummi hna cungah cun zaangfahnak le zawnruahnak thlarau kha ka thlet lai. Khi tikah An rak ka chunhmi keimah kha an ka zoh lai i Mi nih an fa ngeih chunte an ṭah bang le an fater an ṭah bangin an ka ṭah lai.

MATTHAI 3:8

Nan sualnak nan i ngaihchihnak cu nan theitlai in langhter ngat u.

LUKA 15:10

Cu bantuk ṭhiamṭhiam in, aa ngaihchihmi misual pakhat ruangah Pathian vancungmi hna cu an i lawm,” tiah a ti.

LUKA 15:32

Sihmanhsehlaw na nau cu a rak thi i pei atu cu a nun ṭhan cu, a rak tlau i pei atu cu hmuh ṭhan a si cu, cucaah kan thlathlauh i kan i lawmh awk a si hrim ko,’ tiah a leh,” tiah a ti.

LUKA 15:7

Cu bantuk ṭhiamṭhiam in, ngaihchih a herh lomi miding sawm kua le pakua hna nakin aa ngaichihmi misual pakhat ruangah vancung khua ah lunglawmhnak tam deuh a um lai,” tiah a ti.

LAMKALTU 20:21

Judah mi nan si ah, Jentail mi nan si ah, Pathian hmaiah nan sualnak kha i ngaihchih i kan Bawipa Jesuh zumh ding kha, nan dihlak in kan forh hna.

2 KORIN 1:12

Kan i uanmi cu hihi a si: hi vawlei cung kan nunning ah hin le nanmah he kan i pehtlaihnak ning ah hin kan umtu ziaza cu vawlei cung fimnak nih si loin Pathian vel a ṭhawnnak nih a uk i hlangfang le lungthin tak tein nan sinah khua kan sa, hihi kan chiaṭha thleidannak nih fiang tein a kan hngalhpimi a si.

2 KORIN 2:16

A tlau lio lengmangmi hna caah cun thihnak rimchia a si i khamh a si lio lengmangmi hna caah cun nunnak petu rimhmui a si. Cu bantuk rian cu aho nih dah a tuah khawh lai?

2 KORIN 7:8

Zeicahtiah kha ka ca nih khan nan ngaih an chiatter hna hmanh ah ka ṭial kha kaa ngaihchih lo. Nan ngaih an chiatter hna ti ka theih ah khan cun ka ngaih a chia.