2 KORIN 7:8 - Lai (Hakha) Common Language Bible 2006

⁸ Zeicahtiah kha ka ca nih khan nan ngaih an chiatter hna hmanh ah ka ṭial kha kaa ngaihchih lo. Nan ngaih an chiatter hna ti ka theih ah khan cun ka ngaih a chia.

Laibaibal Thiang (BSI)

⁸ Ka cakuatmi nih nan lung a fahter tiah hngalh hmanhning law, kâ ngaihchih lo. A hramthawkah cun kâ ngaihchih. Zeitintiah kha cakuat nih khan cân toi te lawng nan ngaih an chiatter hna, tiah ka hngalh.

2 KORIN 7:8 ပူးပေါင်းရင်းမြစ်များ

ṬAHNAK HLA 3:32

Fak piin dan a tat hna lai nain A dawtnak a tam rup in an cungah zaangfahnak a ngei lai;

JOHAN 16:6

Cun atu cu kan chimh hna caah nan ngaih a chia.

JOHAN 21:17

Cun Jesuh nih cun, “Johan fapa Simon, na ka daw maw?” tiah a ti ṭhan hoi. Jesuh nih, voi thum tiang, na ka daw maw, tiah a hal caah khan Peter cu a ngaih a chia i, “Bawipa, nangmah nih zeizong vialte na hngalh dih, kan dawt cu na hngalh ko hen cu,” a ti. Jesuh nih cun, “Ka tuu kha zohkhenh hna.

2 KORIN 7:11

Nan ngaihchiatnak hi zeitindah Pathian nih a hman kha zohhmanh u: zeitluk in dah an biatakter hna, nan sual lonak kha zeitluk in dah a langhter. Nan thin an phawh hna, an lauter hna, nan ka ngaihnak kha a ṭhanter, dinnak tuah awkah an ṭanter hna i thil ṭhalo kha dantat zau an duhter hna. Hi thil hi a ning piin zoh tikah palhnak nan ngeih lo kha nan langhter.

2 KORIN 7:12

Cucaah kha ca kha kan kua ko hna nain, sualnak a tuahtupa le a cungah sualnak tuah a simipa kong kha biapi bik in ka ruahmi an si lo. Kaa tinhmi cu, zeitluk in dah nan ka ṭanh ti kha Pathian mithmuh i nan sin i fianter kha a si.

2 KORIN 7:6

Sihmanhsehlaw lung a dongmi lung ṭhawnnak a pe tawntu Pathian nih cun, Titas a ratnak thawng khan lung ṭhawnnak a kan pek ṭhan.

2 KORIN 7:7

Titas nih cun, zeitluk in dah hmuh nan kan duh le, zeitluk in dah nan ngaih a chiat le zeitluk in dah nan kan ṭanpi kha a kan chimh i atu cu hlan nak hmanh khan kaa lawm deuh.

2 KORIN 7:9

Sihmanhsehlaw atu cu kaa lawm ko — nan ngaih an chiatter hna ruangah khan si loin nan ngaihchiatnak nih nan ziaza an thlen hna caah khan kaa lawmhnak cu a si. Nan ngaihchiatnak cu Pathian nih a hman i cucaah kan tuahmi ruangah zeihmanh nan sung lo.

BIAPHUAN 3:19

Ka dawtmi cu ka chimhhrin hna i dan ka tat tawn hna. Cucaah cun i biatak law na sualnak kha mertak hna.