2 KORIN 7:7 - Lai (Hakha) Common Language Bible 2006

⁷ Titas nih cun, zeitluk in dah hmuh nan kan duh le, zeitluk in dah nan ngaih a chiat le zeitluk in dah nan kan ṭanpi kha a kan chimh i atu cu hlan nak hmanh khan kaa lawm deuh.

Laibaibal Thiang (BSI)

⁷ a ratnâk lawng si loin nanmah ruang i a hnangamnâk nih aka lawmhter ngai ngai, nanka ngaih ning le, nanka tuarpi ning le kan ca i ṭhahnem nan ngaih ning hna a kan chimh i cu nih cun ka hna a ngamter chinchin.

2 KORIN 7:7 ပူးပေါင်းရင်းမြစ်များ

SALM 141:5

Miṭha nih cun dawtnak in ka si hna seh law dan ka tat ko hna seh, sihmanhsehlaw miṭhalo nih cun ka lu ah sathau ka thuh hna hlah seh, zeicahtiah cu bantukin ka cungah an tuah ahcun, thil ṭhalo an tuahmi i aa tel vemi ah an ka ser khawh sual ai hnga.

SALM 30:5

A thinhun cu caan tawite chung lawng a si; a ṭhatnak tu nih cun chantlung a nguh. Zan ah mitthli tlaknak um hmanh seh law zinglei ah cun lawmhnak a ra ṭhan ve.

SALM 38:18

Ka sualnak cu ka phuan hna. asinain lungrethei in ka um ṭhiamṭhiam.

SALM 51:1

Pathian, a fekmi na dawtnak ruangah ka cungah zaangfahnak ngei ko; na zaangfahnak a ngan caah ka sualnak cu ka thianhpiak ko hna.

MATTHAI 26:75

Peter nih cun Jesuh nih, “Ar a khuan hlanah ‘Amah cu ka hngal lo,’ tiah voi thum na ka ti lai,” tiah a rak chimmi kha a lung ah a hung pem. A chuak i fak piin a ṭap.

MATTHAI 5:4

A ṭap a hrammi cu lunglawmmi nan va si dah! Pathian nih an hnemh hna lai.

LUKA 22:44

Lungthin fak ngaingai in fak chinchin in thla a cam i a thlan cu vawlei ah thi dor bantukin a tla.)

LAMKALTU 11:23

A va phak i zeitluk in dah Pathian nih annih kha thluachuahnak a pek hna ti kha a hmuh tikah a lung aa lawm i annih cu an dihlak tein Bawipa cu an lungthin a dihumnak in i tlaih awk le a sinah zumhawktlak tein um awk kha a forh hna.

ROM 1:12

Ka chim duhmi cu, pakhat le pakhat kan i bawm cio hnga; ka zumhnak nih nannih an bawmh hna hnga i nan zumhnak nih kei zong a ka bawmh ve hnga, ti hi a si.

1 KORIN 5:2

Zeitindah nan i porhlawt khawh ṭheo rih ee? Ngaihchiatnak in nan khah awk tu a si nain; cu bantuk thil a tuahmi cu nan bu chungin nan chuah awk a si.

2 KORIN 1:14

Atu cu nan kan hngalhnak hi a tlam a tling lo ngai, sihmanhsehlaw tlamtling tein nan hun kan hngalh te lai ti kha ka zumh i Bawipa Jesuh ni ah cun kan i chawrmi cu nanmah nan si lai bantukin nan i chawrmi zong kanmah kan si ve te lai.

2 KORIN 1:4

Harnak kan innak kip ah a kan hnemh caah kannih zong nih harnak a phunphun in a ingmi kha kan hnemh khawh ve hna i kan hnemh hnanak ah cun Pathian sinin hnemhnak kan hmuhmi kha kan hman.

2 KORIN 2:9

Kha ca kan kuat hna kha, zeitluk fang dah hneksak innak ah hin nan si ti le kan chimhmi hna kha nan zul maw zul lo ti hngalh ka duh caah a si.

2 KORIN 5:2

Atu cu hi kan pum hin kan hrum lengmang i vancung i a ummi kan inn cu kan cungah hin run kan khuh hna seh ti cu kan duh hringhran;

2 KORIN 7:6

Sihmanhsehlaw lung a dongmi lung ṭhawnnak a pe tawntu Pathian nih cun, Titas a ratnak thawng khan lung ṭhawnnak a kan pek ṭhan.

2 KORIN 7:8

Zeicahtiah kha ka ca nih khan nan ngaih an chiatter hna hmanh ah ka ṭial kha kaa ngaihchih lo. Nan ngaih an chiatter hna ti ka theih ah khan cun ka ngaih a chia.

2 KORIN 8:16

Nanmah bawmhnak ah kanmah tlukin Titas lung a thawhtertu Pathian cu lawm ko u sih.

FILIPI 1:20

Ka duhnak ngan bik le si kho seh ti ka duh bikmi cu, ka rian hi a tlam tlinh kho ning ti hi a si i a zungzal in, cun atu thengte chinchin ah hin, ka nun zongah ka thih zongah, ralṭhatnak in khah i ka pum hrimhrim in Khrih cu upatnak pek kha a si.

KOLOSE 2:5

zeicahtiah ka pum in a dang ah um hmanh ning law ka thlarau cun nan sinah ka um ko i Khrih chung i a ummi nan zumhnak ah fek tein hmunkhat ah nan dir ti kha ka hmuh caah ka lung aa lawm.

1THESALON 3:6

Sihmanhsehlaw Timote cu naite ah khan nan sinin a ra phan i nan zumhnak kong le dawtnak nan ngeihmi kong thawngṭha kha a rak phorh. Kanmah kha ṭha lei in nan kan ruah zungzalnak le hmuh kan in duh tluk hna in nannih zong nih hmuh nan kan duh venak kha a kan chimh.

1THESALON 3:8

Bawipa chungah fek tein nan dir ti theih cu kan caah nunnak thaw a si.

HEBRU 2:1

Cucaah a ping i kan kal sual nakhnga lo kan theihmi biatak kha fek chinchin in kan i tlaih awk a si.

JEIM 5:17

Elijah kha kanmah bantuk minung a si ve ko. Ruah sur hlah seh tiah biatak tein thla a cam i kum thum le a cheu ruah sur loin a um.

2 JOHAN 1:4

Kan Pa nih a kan fial bantukin na fale cheukhat cu biatak in an nung ti kha ka theih tikah ka lung aa lawm tuk hringhran.

JUDAS 1:3

Ka dawtmi ka hawile hna, kan dihlak in kan i hrawmmi khamhnak kong kha ca in, in chim hna ning ti cu ka duh zungzalmi a si. Sihmanhsehlaw atu ah hin, Pathian nih voi khat ah za lak in a mi a pekmi hna zumhnak kha rak ṭanh u, tiah in chimh hna kha a herh hringhran in ka hngalh caah cu kong cu ca in kua loin kan um kho hna lo.