2 KORIN 7:5 - Lai (Hakha) Common Language Bible 2006

⁵ Masidonia kan phak hnu hmanh ah dinh mui kan hmu hlei lo. A kenkip ah harnak a um, pakhat le pakhat an i si, kan lung chungah phannak a um.

Laibaibal Thiang (BSI)

⁵ Zeitintiah Masidonia ram i ka rat lio zongah, kan pum cu â din manh hrimhrim lo, kap kip in buaiter kan si zungzal. Lenglei ah i sualnâk hna a um. chunglei ah ṭihphannâk a um fawn.

2 KORIN 7:5 ပူးပေါင်းရင်းမြစ်များ

GENESIS 8:9

sihmanhsehlaw ti nih khan vawlei kha a rak khuh dih rih caah futnak hmun a hmu lo. Cucaah Noah nih khan a kut in a hei banh i lawng chungah cun a luh ṭhan.

JOB 18:11

Ṭihnak nih a kenkip in an chuahhnawh i a hnulei in an dawi lengmang.

ISAIAH 33:12

Thung ser awkah an khanghmi lung bantukin nan mot lai i vutcam ah cang lakin a kangmi hlingbur bantukin nan lo lai.

JEREMIAH 20:10

Mi tampi a thli tein an i ceih kha ka theih i, Amah cu sual puh ko u! Sual kan puh ko lai,’ an ti. Ka hawikom vialte nih pelhhreuh kaa lamh sual nakhnga ding lawngte kha an bawh i, ‘Hlen khawh a si ko hmanh maw, cu ti a si khawh ahcun kan tlaih khawh lai i a cungah phu kan hlam khawh lai,’ an ti.

JEREMIAH 45:3

Naa thawh i, ‘Ngaihchia ka hei si hringhran dah! Ka fahnak cungah Bawipa nih ngaihchiatnak a ka chap; ka aihramnak nih hin a ka nor ko cang i dinhnak zeihmanh ka hmu lo,’ na ti.

JEREMIAH 6:25

Lo ah kal hlah u, lam zongah i chawk hlah u, Zeicahtiah ral cu vainam i put in a kenkip ah aa chawk ko.

JEREMIAH 8:18

Zeitindah ka ngaihchiatnak hi ka in khawh lai? Ka lung si a vang.

LAMKALTU 20:1

Hnahnawhnak kha a daih tikah Paul nih khan a zummi kha a kawh hna i thazang peknak bia a chimh hna hnuah, dam tein rung um u, tiah a ti hna i Masidonia ram leiah khan a kal.

ROM 15:26

Cucu zeidah a si tiah, Masidonia ram le Grik ram i a ummi Khrihfabu hna nih Jerusalem khua i a ummi Pathian mi hna lak i sifakmi hna bawmhnak ah anmah lungtho tein an thawhmi thawhlawm a um.

1 KORIN 15:31

Ka u le ka nau hna, nifate in pei ka thih deng lengmang ko hi. Ka u le ka nau hna, nanmah cu kan Bawipa Khrih Jesuh chungah kaa porhlawtmi nan si caah hitihin bia ka chim hi a si.

1 KORIN 16:5

Masidonia ram kha ka tanpah lai caah Masidonia ram ka tlawn dih cun nan sinah ka ra lai.

2 KORIN 2:13

Sihmanhsehlaw kan nau Titas kha ka hmuh lo caah ka lungre a thei ngaingai. Cucaah cu ka mi cu, dam tein rung um u, tiah ka titak hna i Masidonia ram ah khan ka lan.

2 KORIN 2:3

Cucaah cun kha ca nan sin i ka rak ṭial kha a si. Nan sin rat i a ka lawmhtertu ding va si nalak i ka ngaihchiattertu si ding cu kaan duh ti hna lo. Zeicahtiah kaa lawmh tikah nannih zong nan dihlak in nan i lawm ti kha ka hngalh.

2 KORIN 2:9

Kha ca kan kuat hna kha, zeitluk fang dah hneksak innak ah hin nan si ti le kan chimhmi hna kha nan zul maw zul lo ti hngalh ka duh caah a si.

GALATI 4:11

Nan ca i har lengmang in ka ṭuanmi vialte kha pakpalawng ah nan canter sual lai ti ka phang ko.

DEUTERONOMI 32:25

Tlangval he ngaknu he, Hnuktlai lio he ṭuakpar he, Lengah vainam nih a thah hna lai i Inn chungah tuksapur thil a um lai.

1THESALON 3:5

Cucaah Timote cu nan sinah ka hun thlah. Um sawhsawh cu ka ing kho ti lo i nan zumhnak zeidah a lawh hnga ti hngalh duh ah amah cu ka ratter. Khuachia nih an tukforh hna zong a si kho ko i kan rian ṭuanmi kha pakpalawng ah a cang dih sual lai ti zong ka phang.