2 KORIN 7:1 - Lai (Hakha) Common Language Bible 2006

¹ Ka dawtmi ka hawile hna, hi biakamnak vialte hi kanmah pei pek kan si cu. Cucaah pum siseh, thlarau siseh, a thurhnawmhtertu paohpaoh kha i thianh u sih law Pathian ṭih bu tein um u sih.

Laibaibal Thiang (BSI)

¹ Cucaah ka dawtmi hna, cubantuk biakam cu kan ngeih caah taksa le thlarau thûrtertu vialte chungin i thianter usih law, Pathian ṭih bu tein thianhlimnâk hi tlinter u sih.

2 KORIN 7:1 ပူးပေါင်းရင်းမြစ်များ

2 CHANRELNAK 19:9

Cun nawl a pek hna i, “Hi bangin Bawipa ṭih buin zumhawktlak tein, nan lung dihlak in nan tuah lai:

SALM 119:9

Zeitindah tlangval nih thiang tein a um lai? Na nawl ngaihnak thawngin thiang tein a um lai.

SALM 19:9

Bawipa biak cu a ṭha, cu biaknak cu zungzal in a hmun lai. Bawipa biakhiahnak cu an ding, zungzal in ahmaanmi an si.

SALM 51:10

Maw Pathian, ka chungah hin lungthin thar ka serpiak law a thar le zumhtlak a simi ruahnak ka chungah chia ko.

PHUNGTHLÛKBIA 16:6

Pathian leiah felte le zumhawktlak tein um ko law na sualnak cu an ngaihthiam lai. Cun Bawipa kha ṭih law ṭhat lonak nih an tlunhnawh lai lo.

PHUNGTHLÛKBIA 20:9

Aho tal nih, “Ka lung cu ka thianter i ka sualnak in ka thiang cang,” an ti kho lai maw?

PHUNGTHLÛKBIA 30:12

Anmah an i hmuhnak ah cun a thiang i, an fihnunnak aa thianh ṭung lomi an um fawn;

PHUNGTHLÛKBIA 8:13

Bawipa ṭihzah cu sualnak huat khi a si. Porhlawtnak, ruamkainak le sualnak lam le biadik lo kha ka huat hna.

PHUNGCHIMTU 11:10

Zeihmanh nan lungre i theihter hlah u, zeihmanh fahnak i pekter hlah u. Saupi na no ti lai lo.

ISAIAH 1:16

Thiang tein i kholh u. Nan tuah lengmang ka hmuhmi ṭhat lonak hi ngol hna u. Ṭhat lonak cu tuah ti hna hlah u law

ISAIAH 55:7

Miṭhalo nih an zulhmi an lam kha hlaw hna seh law an ruahning kha thleng hna seh. Bawipa kan Pathian leiah cun i mer hna seh, amah cu mi zaangfah a thiam i khulrang in mi a ngaithiam khotu a si.

JEREMIAH 13:27

Va cungin pa nan i duhnak, hor au in nan aunak, nan thurhnawmhnak hna hi ka huat hna. Tlang cungah le ram lakah thil ṭhalo nan tuahmi kha ka hmuh hna. Aize, Jerusalem, nang cu khua thurhnawm na si ai! Zei can dah, zei can dah na rauh rih lai?

JEREMIAH 4:14

Maw Jerusalem, palhnak na tuahmi kha na lung chungin i thianh law, Khamh na si ko rih hnga dah kaw! Zei can dah na ruahnak ṭhalo cu na chungah a cam lai?

LEVITIKAS 13:58

Sihmanhsehlaw puan tahmi siseh, phiarmi siseh, saphaw in sermi paoh siseh, nan suk tikah zawtnak nih a kaltakmi cu, a voi hnihnak nan suk ṭhan lai i a thiang lai.”

MATTHAI 12:33

“Thingkung cu a kung na ṭhatter ahcun a thei a ṭha, a kung na chiatter ahcun a thei a chia. Thingkung cu a tlai in hngalh khawh a si.

MATTHAI 5:48

Vancung khua i a ummi nan Pa a tlin bantukin nannih zong nan tlin awk a si.

MATTHAI 5:8

Lungthin a thiangmi cu lunglawmmi nan va si dah! Pathian kha nan hmuh lai.

LAMKALTU 9:31

Cuticun Judea ram le Galilee ram le Samaria ram i a ummi khrihfabu vialte nih khan daihnak caan an hmu. Bawipa kha ṭihzah ngaiin an um i Thiang Thlarau bawmhnak thawngin an ṭhang i an karh.

ROM 5:20

Nawlbia cu a rung um i palhnak kha a karh chinchin, sihmanhsehlaw sualnak a karhnak hmun ah khan Pathian vel cu a karh chinchin ve.

1 KORIN 6:20

a man in cawkmi nan si. Cucaah nan pum cu Pathian sunparnak caah hmang u.

2 KORIN 1:20

zeicahtiah amah cu Pathian biakamnak dihlak ah khan “E” a si. Cu ruangah cun kannih nih Jesuh Khrih thawngin Pathian thangṭhatnak ah khan, “Amen,” kan ti tawn kha a si.

EFESA 2:3

A ngaingai ti ahcun, kan dihlak hin anmah bantuk cu kan rak si i kan i chuahkehpimi kan pumsa duhnak zulh khan khua kan rak sa i kan pum le kan lungthin duhnak he aa tlakmi paoh kha kan rak tuah. Midang cio bantukin kannih zong Pathian thinhunnak ing ding kan rak si.

1THESALON 3:13

Cuticun nan lung kha in ṭhawnter hna seh law kan Bawipa Jesuh cu a mi vialte hna he a rat tikah Bawipa kan Pathian hmaiah mitling le mithiang nan si lai.

1THESALON 4:7

Pathian nih sualnak tuah lengmang dingin a kan au lo, mithiang si ding tu ah a kan auh.

1THESALON 5:23

Daihnak a kan petu Pathian nih cun amah ta ah in ser hna seh law nan sining piin, nan thlarau he nan nunnak he nan pum he, kan Bawipa Jesuh rat ni ah cun, palhnak um loin, in chia hna seh.

HEBRU 12:23

Pathian fapa upa bikbik, vancung ah an min aa ṭial cangmi hna lunglawm in an i pumhnak kha nan phan cang. Mi vialte biaceihtu a simi Pathian le mitling i sermi hna miding mi thlarau hna sin kha nan phan cang.

HEBRU 12:28

Cucaah cun kannih nih hninh khawh lomi pennak kha kan hmuh caah i lawm u sih.

HEBRU 4:1

Atu cu Pathian nih dinnak a rak chimmi kha kan hmuh nakhnga, a biakam kha a kan pek i cu kamhmi dinhnak chungah cun a lut lomi nan um sual nakhnga lo, ralring tein um u sih.

HEBRU 6:9

Kan dawtmi kan hawile hna, hi bantukin bia chim hmanh u sih law, nannih kong tu ah cun kan hna a ngam ko. Nannih cu, thluachuahnak a ṭha deuhmi, khamhnak a ngeimi nan si ti kha kan hngalh.

JEIM 4:8

Pathian cu naih u law an naih ve hna lai. Misual mi hna, nan kut kha i ṭawl u. Miziathiam hna, nan lung kha i thianh u.

1 PETER 1:15

Nannih an kotu hna Pathian cu a thian bantukin nannih zong thiang ve u.

1 PETER 1:17

Pathian sin i thla nan cam tikah, amah cu kan Pa tiah nan kawh; amah nih cun mi vialte kha an tuahning cio ah duhdanh zeihmanh um loin bia a ceih hna. Cu Pathian cu a sin i thla nan cam tikah, kan Pa, tiin nan kawh ṭung ahcun, hi vawleicung nan nun lioah hin amah upat bu tein nan um awk a si.

1 PETER 1:22

Biatak nih an fialmi hna nan zulhnak thawngin nanmah cu nan i thianh cang i zumhnak ah nan unau a simi hna cungah khan dawtnak taktak nan ngeih caah, pakhat le pakhat i daw tuah u.

1 PETER 2:11

Ka dawtmi ka hawile hna, hi vawlei cungah khual le ralzam nan si bantukin thlarau he aa do zungzalmi pumsa duhnak kha i teiter hna hlah u, tiah kan nawl hna.

1 PETER 5:10

Sihmanhsehlaw caan tlawmpal nan in hnuah cun, velngeihnak in a khatmi Pathian, Khrih he nan i pehtlaihnak thawngin zungzal a hmunmi a sunparnak i hrawm dingin aan kotu hna nih cun tlinnak an pek hna lai i fehnak le thazang le a fekmi hram bunhnak an pek hna lai.

1JOHAN 1:7

Sihmanhsehlaw ceunak chung i a um bantukin kannih zong ceunak chung i kan um ahcun pakhat le pakhat hawikomhnak kan ngei i a Fapa Jesuh thi nih khan kan sualnak vialte in a kan thianh.

1JOHAN 1:9

Sihmanhsehlaw Pathian sinah kan sualnak cu kan phuan hna ahcun, a dingmi le zumh awk tlakmi a si caah, a biakam kha let loin kan sualnak kha a kan ngaihthiam lai i kan palhnak vialte kha a kan thianhpiak dih lai.

1JOHAN 3:3

Khrih zohchih in, cu ruahchannak a ngeimi paoh cu, Khrih kha a thianhlim bantukin thianghlim tein a um ve.