2 KORIN 6:5 - Lai (Hakha) Common Language Bible 2006

⁵ An kan tuk, thong ah an kan thlak, zapi bawmh in an kan bawmh; kan thazang celh lo tiangin an kan ṭuanter, hngilh lo le rawl loin kan um.

Laibaibal Thiang (BSI)

⁵ tuknâk, thongtlaknâk, buaibainâk, zângba i ṭuannâk, mitkuh vuai lonâk, rawlulhnâk,

2 KORIN 6:5 ပူးပေါင်းရင်းမြစ်များ

1 SIANGPAHRANG 22:27

cun siangpahrang nih hi bangin, ‘Hi pa hi thong ah rak thla u law rawl tlawmte le ti tlawmte lawng, daihnak in ka ra kir ṭhan hlantiang, rak pe u, a ti,’ tiah va chim hna u,” tiah a ti.

2 CHANRELNAK 16:10

Khi tikah Asa cu hmutu cungah khan a thin a hung i hi kong ah a cungah a thin a hun caah thong chungah hreng a khenh. Cun Asa nih mi cheukhat cungah hi caan ah hin hremnak zong a tuah.

ISAIAH 53:5

Sihmanhsehlaw hma a in cu kan sual ruangah a rak si i tuknak a huah cu kan ṭhat lo ruangah a rak si. A inmi dantatnak in luatnak kan hmu i an tuknak vual in damnak kan hmu.

JEREMIAH 33:1

Jeremiah cu ralvengtu hna inntual i hren a si ko rih lioah khan Bawipa bia cu a voi hnihnak a sinah a ra.

JEREMIAH 38:6

Cucaah cun Jeremiah cu an lak i ralvennak inntual i a ummi tikhor ah khan an thlak, hri in an vun thlak. Khor chungah cun ti a um lo, nawncek lawng a um i nawncek chungah cun Jeremiah cu a pil.

MATTHAI 14:10

Cucaah Johan cu thong chungah khan a lu a va tanter hna.

MATTHAI 14:3

Herod nih khan Johan cu a rak tlaihter hna i thong ah an thlak. Cu ti i a tuahnak cu a nau Filip nupi Herodias ruangah khan a si.

MATTHAI 9:15

Jesuh nih cun, “Nupi ṭhit rawl danghnak puai ah, nupi ṭhitu a um chungah cun zeitindah an sawmmi hna cu ngaihchia in an um lai? Sihmanhsehlaw nupi ṭhitu an sinin aa ṭhen caan kha a phan ve te lai i cu tikah cun rawl cu an ul te ko lai.

LAMKALTU 13:3

Rawl an ulh i thla an cam dih in an cungah an kut an chuan i an thlah hna.

LAMKALTU 14:19

Pisidia ram Antiok khua le Ikonium khua in Judah mi tlawmpal kha an ra i mizapi cu anmah leiah an ṭanter khawh hna, Paul kha lung in an cheh i a thi cang rua tiah an ruah caah khua lengah khan an hnuh.

LAMKALTU 14:23

Khrihfabu kip ah khan khrihfa upa an chiah hna i thlacamnak le rawl ulhnak he, an i bochanmi Bawipa kut chungah khan, an chiah hna.

LAMKALTU 17:5

Sihmanhsehlaw Judah mi kha an nah a chuak i khualak i a vak sawhsawhmi zeiruaramlo minung pawl kha an pumh hna i cu hna cu an au an khuang i khua kha a ning piin hnahnawhnak an tuah. Jason inn kha an va nam i an i ruahnak ah cun khika ah khan Paul le Silas kha an rak um lai i mizapi hmaiah kan chuahpi hna lai an ti.

LAMKALTU 20:31

Cucaah ralring tein um ko u, mitthli he chun zan in kum thum chung nan dihlak in kan cawnpiak hna kha philh hlah u.

LAMKALTU 23:10

An i alnak cu a fak tuk hringhran i ralkapbu haotu nih khan Paul cu an thleh an baoh dih sual lai ti kha a phan caah a ralkap hna kha, mibu chungah cun vung kal u law Paul kha vung la u law ralhruang chungah khan hun luhpi u, tiah a fial hna.

LAMKALTU 23:35

“Taza an cuaitu hna an rat tikah na bia cu kan ceihpiak te lai,” tiah a ti. Cun Paul cu Herod Siangpahrang inn ah khan va cawng u, tiah ralkap kha a fial hna.

LAMKALTU 24:27

Kum hnih a luan tikah Feliks cu Porsias Festas nih a hun thlen. Feliks nih Judah mi nih ka duh hna seh ti kha a duh caah Paul kha thong chungah khan a chiahtak.

LAMKALTU 26:10

cucu Jerusalem i ka rak tuahmi kha a si. Tlangbawi upa hna sin khan nawl peknak ca ka lak i Pathian mi tampi kha thong ah ka thlak hna; cun annih kha thah awk tlak an si tiah bia khiah a si tikah kei zong nih ka hna a rak tlakpi ve hna.

LAMKALTU 26:29

Paul nih cun, “A fawi ah siseh, a har ah siseh, Pathian sinah ka thlacamnak cu nangmah le nihin i ka bia a theimi vialte hi keimah bantuk si ve u law ti hi a si — hi thir cincik bel chim lo hin,” tiah a ti.

LAMKALTU 28:30

Kum hnih chung Paul cu khika ah inn aa hlan i a um; amah chawnhbiak awkah a rami vialte kha a rak lawmh hna.

LAMKALTU 5:18

Lamkaltu kha an tlaih hna i zapi thong ah an thlak hna.

1 KORIN 15:10

Sihmanhsehlaw Pathian vel thawngin atu i ka sining hi ka si, cun ka cung i vel a ka ngeihmi cu alak ka siter ve lo. Lamkaltu a dang hna nakkhan fak deuh in rian ka ṭuan, asinain a ngaingai ti ahcun keimah nih ka ṭuan ti awk a si lo, Pathian vel ka chung i rian a ṭuanmi ṭuannak tu kha a si deuh.

1 KORIN 4:11

Nihin tiang hrimhrim hin rawlṭam le tihal in kan vak; hni le puan tlek fiamfuam in kan um; an kan tuk an kan velh; khua khat hnu khua khat kan vak lengmang;

1 KORIN 7:5

Kan caan cu thlacamnak ah hman kan duh tiin pakhat le pakhat kha i reem hlah u; nan pahnih in caan khatkhat chung kha cuticun kan um lai tiah hnatlaknak nan ngeih hmasa ṭung lo ahcun; cu hmanh ah nan i sum khawh lo sual i Satan tukforhnak chungah nan tlak nakhnga lo, nu le va sinak kha thawk ṭhan ko u.

2 KORIN 11:27

Rian hrang ṭuan awk a um tawn, zan it loin voi tampi ka um a herh tawn, tihal le rawlṭam voi tampi ka in; rawl ei awk ngei lo le i dornak ngei lo le puan ngei loin ka um tawn.

EFESA 3:1

Hi thil vialte hi ka lung chungah i chiah in, nanmah Jentail mi hna ruang i Khrih Jesuh ca thongtla a simi keimah Paul nih, Pathian sinah thla ka cam.

DEUTERONOMI 25:3

Voi sawm li tiang tuk khawh a si lai, sihmanhsehlaw cu nak tam cu a si lai lo; hi nak tam deuh in tuk lengmang a si ahcun, nan unau cu nanmah mithmuh ah zohhnawmh tuk a si sual lai.

FILIPI 1:13

Kha ti ka cung i thil a tlungmi ruangah khan siangpahrang inn a cawngtu vialte hna le a dang vialte hna zong nih Khrih sal ka si ruang i thong tlaknak ka in hi an hngalh.

1THESALON 2:9

U le nau hna, har lengmang in rian kan ṭuan kha nan hngalh ko. Pathian sinin a rami Thawngṭha kan in chimh hna tikah khan, kannih cu nan caah thilrit kan sinak hnga lo, chun he zan he rian kan ṭuan.

1TIMOTE 4:10

Cu ruangah cun sifahnak kan in le fak piin rian kan ṭuan hi a si. Kannih nih kan i ruahchannak cu mi vialte khamhtu a si i a nungmi Pathian cungah khan kan bunh i cu a nungmi Pathian cu a zummi hna khamhtu kha a si khun.

2TIMOTE 1:8

Cucaah kan Bawipa kong chim cu na ningzak hlah, a ca i thongtlapa keimah zong hi ka zahpi hlah. Pathian nih thazang an pekning in Thawngṭha ca i temhnak in kha ngamh lehlam ko.

2TIMOTE 2:9

Thawngṭha ka chim ruangah temhinnak ka huah i misual bantukin thir cikcin in an ka khih. Sihmanhsehlaw Pathian bia cu thir cikcin in hren khawh a si lo.

2TIMOTE 4:5

Sihmanhsehlaw nang cu zeitik caan paoh ah daite le khualu khuataw khak tein um ko; harnak kha in i zuam, Thawngṭha karhter kha fak piin i zuam, Pathian nih an kawh chan rian vialte kha ṭuan.

HEBRU 11:36

A cheu cu nihsawhnak le fung tuknak kha an ing i a cheu cu ṭemnak le thongthlaknak kha an ing.

HEBRU 13:17

Nan hruaitu pawl kha an bia ngai hna u law an nawl zul hna u. An rianṭuan ningcang kha Pathian hmaiah chim an duh te lai caah, i din loin nannih kha an in zohkhenh hna. An nawl nan ngaih hna ahcun an rian kha lunglawm tein an ṭuan lai, nan ngaih hna lo ahcun ngaihchia in an um lai i cucu nan caah a ṭhahnem lai lo.

HEBRU 13:23

Kan unau Timote kha thong chungin a chuak cang ti theihter kha kan duh hna. A rat manh ahcun, nanmah tlawn i ka rat tikah ka rak i ratpi lai.

BIAPHUAN 2:10

Sifahnak na in dingmi kha zeihmanh ṭih hna hlah. Hi bia hi ngai hmanh. Khuachia nih khan nangmah hneksaknak caah nanmah lak i a cheu cu thong ah a thlak hna lai; harnak na inmi cu ni hra chung a si lai. Thih tiangin ka cungah zumhawktlak tein um ko; cun nunnak suiluchin kha kan pek lai.