2 KORIN 6:4 - Lai (Hakha) Common Language Bible 2006

⁴ Kan i zuammi tu cu zei kan tuahnak hmanh ah Pathian sal kan si ti langhter kha a si i hnahnawhnak le harnak le retheihnak kha lungsau thinfual in kan in hna.

Laibaibal Thiang (BSI)

⁴ Pathian rianṭuantu sinâk he â tlakin zeithil pauh ah mi mit hmai kan zoh tawn. Thinfual te i teminnâk, harnâk, chamhbaunâk, vansannâk ah siseh,

2 KORIN 6:4 ပူးပေါင်းရင်းမြစ်များ

ISAIAH 61:6

Nang tu cu Bawipa tlangbawi tiah ti na si lai i miphun hna rumnak cu na ei lai, na ta an si caah khan na hmai a hngal lai.

JOEL 1:9

Biakinn chung i pekchanh awkah rawl siseh, mitsur hang siseh a um lo; Bawipa sinah a pechantu tlangbawi hna, ṭap tuah u.

JOEL 2:17

Bawipa rianṭuantu tlangbawi hna kha innleng le biakṭheng karah khan dir hna seh law ṭap hna seh law, “Maw Bawipa, na mi, nangmah na mi hi run kan zoh tuah; Miphun dang nih capo ah an kan ser i, ‘Khuazei ah dah nan Pathian cu a um kun?’ an kan ti nakhnga lo, Ningzahnak ah cun kan phakter sawh hlah,” tiah ti hna seh.

LUKA 21:19

Fek tein dir ko u, zeicahtiah hitihin pei nan nunnak cu nan khamh lai cu,” tiah a ti.

JOHAN 16:33

Nannih nih keimah he nan i pehnak thawngin lungdaihnak nan hmuh nakhnga, hihi kan chimh hna. Vawlei nih hin harnak an pek hna lai, sihmanhsehlaw ṭih hlah u. Vawlei cu ka tei cang,” tiah a ti.

LAMKALTU 2:22

“Israel mi hna, hi ka bia hi ngai tuah u. Nazareth khuami Jesuh cu Pathian nih rian a fialmi a si ti kha, Pathian nih amah thawngin a tuahmi khuaruahharnak tehna, hmelchunhnak tehna le thil lianngan hna nih khan an langhter ko; hi ka chimmi hi nanmah hrimhrim nih nan hngalhmi an si, zeicahtiah nanmah lak hrimhrim ah a rak tuahmi thil an si.

LAMKALTU 20:34

Hi ka kutte hin rian ka ṭuan i keimah le ka hawile nih kan herhmi vialte kha keimahte nih ka chuahpi ti cu nanmah hrimhrim nih nan hngalh ko.

LAMKALTU 9:16

Cun keimah hrimhrim nih keimah ruangah a in lai dingmi thil vialte kha ka hmuhsak lai,” tiah a ti.

ROM 14:18

Cu bantukin Khrih rian a ṭuanmi paoh cu Pathian nih a lawmh hna i minung nih an thangṭhat hna.

ROM 16:10

Khrih zumhnak ah a fel ngaingaimi Apelles kha na kut kan tlaih. Aristobulus innchungkhar kha nan kut kan tlaih hna.

ROM 3:5

Ahmaan lomi thil kan tuahmi nih ahmaanmi thil Pathian nih a tuahnak fiang chinchin in a langhter ah tah, zeitin? Zeidah kan chim khawh lai? Pathian nih kannih cu dan a kan tat tikah a palh a si maw? (Minung biachim in hei chim ko ning law.)

ROM 5:8

Asinain Pathian nih cun zeitluk in dah a kan dawt kha hitihin a langhter: kannih cu misual kan si ko rih lioah hin Khrih cu kan caah a thi.

1 KORIN 3:5

A ngaingai ti ahcun, Apollo cu ahodah a si? Paul cu ahodah a si? Pathian sal pei kan va si ko cu, Pathian an zumhtertu hna kha. Bawipa nih a kan pekmi rian cio kha pei kan hei ṭuan ko cu:

1 KORIN 4:1

Kannih cu Khrih sal, Pathian biathli kengtu ah khan nan kan ruah awk a si.

1 KORIN 9:11

Nan lakah thlarau thlaici kha kan tuh, nan sinin vawlei cung thil kan zun ahcun cucu a tam tuk maw?

2 KORIN 11:23

Khrih sal an si maw? Annih nakin sal ṭha deuh ka si — mihrut ka lo ai ne. Anmah nakin fak deuh piin rian ka ṭuan, thong voi tam deuh ka tla, tuknak voi tam deuh ka ing, thihnak ing dengmang in voi tam deuh ka um.

2 KORIN 11:27

Rian hrang ṭuan awk a um tawn, zan it loin voi tampi ka um a herh tawn, tihal le rawlṭam voi tampi ka in; rawl ei awk ngei lo le i dornak ngei lo le puan ngei loin ka um tawn.

2 KORIN 11:9

Nan sin i ka um lioah khan, phaisa ka herh tikah nanmah cu hna kan hnawh hna lo, Masidonia in a rami kan unau pawl nih ka herhmi vialte cu tlamtling tein an rak ka phorh. Kan hnulei i a si cang bantukin kan hmailei zongah siseh ti ka duh: nan caah thilrit ka si bal lai lo.

2 KORIN 12:10

Ka derthawmnak ah siseh, nihsawhnak le harnak le hremnak le temhinnak ka hmuhmi ah siseh, Khrih ruangah kaa lawm ko; zeicahtiah ka derthawm tikah hin ka ṭhawn a rak si.

2 KORIN 12:12

Nanmah sin i lungsau thinfual in rian ka ṭuannak ah khan lamkaltu ngaingai ka sinak cu a lang ko, cucu hmelchunhnak hna le khuaruahharmi thil le thil lianngan tuahmi hna nih khan an fianter ko.

2 KORIN 2:17

Kannih cu Pathian bia kha, thil man fawi bantuk men in a tawngthammi hna bantuk kan si lo; kannih cu Pathian nih khan a kan thlah caah, amah hmaiah Khrih sal bantukin lungthin tak tein bia kan chim.

2 KORIN 3:6

biakam thar rian a kan ṭuanter khotu cu, cu Pathian cu a si. Cu biakam thar chung i a ummi cu ṭialmi nawlbia kha si loin Thlarau tu a si. Ṭialmi nawlbia nih cun thihnak kha a chuahpi, sihmanhsehlaw Thlarau nih cun nunnak kha a chuahpi.

2 KORIN 4:17

Cun harnak hmete caan tawite kan inmi nih hin, hi harnak nakin a let tampi in a ngan deuhmi zungzal sunparnak cu a kan pek lai.

2 KORIN 4:2

Ningzak a simi thil, a thli tein tuahmi thil vialte kha kan hlawt hna i ahohmanh hleng lo tein kan um, Pathian bia zong kha hlennak ah kan hmang bal lo. Biatak kha hlangfang tein kan chim i cuticun Pathian hmaika ah kan minung hawi cu nanmah nih nan chiaṭha thleidannak ningin kan chiat le kan ṭhat cu ruat ko u, kan ti hna.

2 KORIN 4:8

Khatlei khatlei in an kan rial dip lengmang, sihmanhsehlaw kan kek ngaingai bal lo; lungawṭawm in kan um tawn, sihmanhsehlaw kan hnabei a dong bal lo;

2 KORIN 7:11

Nan ngaihchiatnak hi zeitindah Pathian nih a hman kha zohhmanh u: zeitluk in dah an biatakter hna, nan sual lonak kha zeitluk in dah a langhter. Nan thin an phawh hna, an lauter hna, nan ka ngaihnak kha a ṭhanter, dinnak tuah awkah an ṭanter hna i thil ṭhalo kha dantat zau an duhter hna. Hi thil hi a ning piin zoh tikah palhnak nan ngeih lo kha nan langhter.

KOLOSE 1:11

Zeizong vialte kha lungsau thinfual in nan in khawh nakhnga, amah thazang chungin a chuakmi thazang nih in ṭhawnter ko hna seh.

KOLOSE 1:24

Nan ca i temhinnak ka huahmi ah hin kaa lawm ko. Zeicahtiah ka pum in ka inmi temhinnak ah hin, Khrih nih a pum a simi khrihfabu ca i a inmi temhinnak a baumi kha ka tlinter.

1THESALON 3:7

Cucaah cun u le nau hna, harnak le temhnak kan huahmi ah hin nanmah kongah kan lung a ṭhawng ko.

1THESALON 5:14

U le nau hna, a tha a thumi kha chimhring hna u, a ral a chiami kha ralṭhatnak pe hna u, thazang a dermi kha bawm hna u, pakhat le pakhat lungsau thinfual in um u.

1TIMOTE 2:15

Sihmanhsehlaw nu cu fa an ngeih ruangah hin khamh an si lai — toidornak lungthin in zumhnak le dawtnak le thiannak chungah an um ahcun khamh an si lai.

1TIMOTE 4:6

Kan u le kan nau pawl kha, hi cawnpiaknak hi na chimh hna ahcun nangmah cu Khrih Jesuh sal ṭha na si lai, thlarau lei i naa cawmnak ah zumhnak bia le na zulhmi cawnpiaknak ahmaan taktakmi kha, va hmang hna.

1TIMOTE 6:11

Sihmanhsehlaw nang cu Pathian mi na si caah hi thil vialte hi hrial hna. Dinnak le Pathian hmaizahnak le zumhnak le dawtnak le in-khawhnak le lungnemnak kha tuah i zuam hna.

2TIMOTE 1:8

Cucaah kan Bawipa kong chim cu na ningzak hlah, a ca i thongtlapa keimah zong hi ka zahpi hlah. Pathian nih thazang an pekning in Thawngṭha ca i temhnak in kha ngamh lehlam ko.

2TIMOTE 2:24

Bawipa sal cu, aa si lengmangmi a si awk a si lo. Mi vialte cungah zaangfahnak a ngeimi, lung a saumi cawnpiaktu ṭha,

2TIMOTE 4:5

Sihmanhsehlaw nang cu zeitik caan paoh ah daite le khualu khuataw khak tein um ko; harnak kha in i zuam, Thawngṭha karhter kha fak piin i zuam, Pathian nih an kawh chan rian vialte kha ṭuan.

HEBRU 12:1

Hi tlukin vanrang zat in a tammi tehte bu nih khan kannih cu an kan kulh. Cucaah cun lam a kan dawntu thil paohpaoh le kan tlaihchan pengmi sualnak vialte kha hlaw hna u sih law kan hmai i chiahmi tlikzuamnak ah khan i zuam u sih.

BIAPHUAN 1:9

Kei cu nan unau Johan kha ka si. Jesuh ah kan i pehtlaihnak thawngin hremnak nan innak ah ka ing ve, nan umnak a Pennak chungah khan ka um ve i temhinnak nan inmi kha ka ing ve. Pathian bia ka chim ca le Jesuh nih a phuanmi biatak ka phuan ruangah, Patmos tikulh ah khan an ka chiah.

BIAPHUAN 3:10

Lungsau in um tuah, tiah kan timi kha na zulh caah, vawleicung mi vialte hneksaknak ding caah vawlei cung dihlak ah a tlung laimi harnak caan kha tong loin kan luatter lai.