2 KORIN 6:14 - Lai (Hakha) Common Language Bible 2006

¹⁴ A zum lomi hna he i fon cetcut tuk in rian ṭuan ṭi hlah u; cucu a si kho lomi thil a si. Zeitindah a dingmi thil le a ding lomi thil cu hawikom an si khawh lai? Zeitindah ceunak le muihnak cu hmunkhat ah an um ṭi khawh lai?

Laibaibal Thiang (BSI)

¹⁴ Zumlotu hna he ruang lo ngaiin hngawngkual banhṭi hlah u. Dinnâk le dinlonâk nih zeidah an i hrawm khawh? Asilo ah muinâk le ceunâk nih zeidah pehtlaihnâk an ngeih.

2 KORIN 6:14 ပူးပေါင်းရင်းမြစ်များ

GENESIS 24:3

Van le vawlei uktu Pathian Bawipa min in chiatser in, ka sinah bia i kam ti kan duh. Cu bia kamter kan duhmi cu hihi a si: atu i ka umnak Kanaan ram mi hi ka fapa Isak nupi caah na ṭhi hrimhrim hna lai lo.

1 SIANGPAHRANG 18:21

Cun Elijah cu mi vialte pawngah khan a ra i, “Zei can dah bei lengmang in ruahnak pahnih he nan kal lai? Bawipa cu Pathian a si ahcun, amah cu zul u; sihmanhsehlaw Baal cu Pathian a si ahcun, amah cu zul fawn ko u,” tiah a ti hna. Mi zapi nih cun bia kaa khat hmanh an let lo.

2 CHANRELNAK 19:2

Sihmanhsehlaw hmutu Hanani fapa Jehu nih amah cu ton awkah a kal i Siangpahrang Jehoshafat cu a thawh i, “Miṭhalo cu bawmh i Bawipa a huami hna cu dawt awk a si maw? Hi ruangah hin nangmah cungah Bawipa thinhunnak cu a chuak cang.

EZRA 10:19

An nupile cu hlawt awk kha bia an i kam i an phungbuar thawinak cu tuurun chungin tuukawng pakhat, an mawhnak caah cun a si.

SALM 106:35

an ṭhit an vat lehlam hna i an ziaza kha an i cawn.

SALM 119:63

Na rian a ṭuanmi hna cu ahohmanh an si ah ka hawikom an si, na phunglam a zulmi hna i an hawikom ka si.

SALM 16:3

Bawipa mi, zumhawktlak a simi hna cu, zeitluk in dah an ṭhat! Anmah he um ṭi cu kaa lawmhnak ngan bik a si.

EXODUS 34:16

An fanule kha nan fapale nupi ah nan ṭhit sual hna lai i hi ramdang mi nu hna nih hin an pathian an biak hna tikah hlawhhlangnu bantukin um hna lai fawh kaw nan fapale kha keimah cungah zumhawktlak loin an umter hna lai i an pathian tu kha an biakter sual hna lai.

PHUNGTHLÛKBIA 22:24

Thinhun a hmang lengmangmi cu va kom hlah, thin tawimi zong va kom hlah,

PHUNGTHLÛKBIA 29:27

Miding mi nih miding lomi kha an huat hna, miṭhalo nih miding mi kha an huat ve hna.

LEVITIKAS 19:19

“Ka nawlbia kha nan ulh lai. Na saṭil cu phun dangdang he fa na ngeihter hna lai lo; na lo ah thlaici phun hnih na tuh lai lo; thil phun hnih in tahmi puan zong naa aih fawn lai lo.

MALAKHI 2:11

Judah cu zumhawktlak lo a si ko, Israel ram chung le Jerusalem khua chungah mi nih fihnung a simi thil kha an tuah hna; Judah nih ramdang pathian fanu kha a duh hna i a ṭhit hna ruangah Bawipa thiannak kha a buar cang.

MALAKHI 2:15

Pathian nih nangmah cu amah he pum khat le thlarau khat in an ser lo maw? Cu bantukin a tuahmi ah cun aa tinhmi zeidah a si? Aa tinhmi cu Pathian a ṭihzahmi fale ngeih kha a si. Cucaah ahohmanh nih nan nupile kha zumhawktlak loin nan umtak hna lai lo.

JOHAN 7:7

Nannih cu vawlei nih hin an hua kho hna lo, sihmanhsehlaw na umtu ningcang a ṭha lo tiah ka chimh lengmang caah kei cu a ka huat.

LAMKALTU 4:23

An thlah cangka hna in Peter le Johan cu an bu sinah khan an va kir i tlangbawi upa pawl le upa hna nih an chimmi kha an va chimh hna.

1 KORIN 10:21

Bawipa hrai le khuachia hrai cu nan din kep kho hna lai lo; Bawipa cabuai le khuachia cabuai zong nan hman kep kho hna lai lo.

1 KORIN 15:33

Ahohmanh i hlenter hna hlah u. “Hawi ṭhalo nih ziaza ṭha a hrawh,” ti pei a si kha.

1 KORIN 5:9

Ca kan kuatmi hna chungah khan, misual mi hna he i kom hlah u, tiah ka ti.

1 KORIN 6:6

Nannih nih cuticun tuah loin, unau le unau cu taza nan i cuai i a zum lomi tu kha nan biathlektu ah nan hman hna.

1 KORIN 7:39

Minu cu a va a nun chungah cun a luat lo, sihmanhsehlaw a va a thih ahcun a duhmi pa he i ṭhit awk kha a luat, amah belte an i ṭhitnak cu Khrihfa ṭhitumnak a si awk a si.

FILIPI 2:15

Hrokhrawlnak le ṭhat lonak in a khatmi chan ah hin sualnak ngei lo le a thiangmi si u law Pathian fale bantukin nung u. Nunnak bia nan pek hnanak ah hin

JEIM 4:4

Zumh awk tlak lo minung hna! Vawlei he i hawikomh hi Pathian he i ral a si ti kha nan hngal lo maw? Vawlei hawikom si a duhmi paoh nih cun Pathian ral ah an i ser ko.