2 KORIN 6:10 - Lai (Hakha) Common Language Bible 2006

¹⁰ kan ngaihchiatnak cu an tuah nain kan lung aa lawm zungzal, sifak ngai kan lo sihmanhsehlaw mi tampi kan rumter hna, zeihmanh a ngei lomi ko kan lo, asinain a taktak ti ahcun kan ngeih lomi a um lo.

Laibaibal Thiang (BSI)

¹⁰ ngaihchia bangin, i lawmpeng ṭungin, sifak mi bangin, mitampi rumter ṭungin, zeihmanh ngei lo bangin, zeizong vialte ngei ṭungin kan um tawn.

2 KORIN 6:10 ပူးပေါင်းရင်းမြစ်များ

SALM 84:11

Bawipa cu a kan hupphengtu le a sunglawimi kan siangpahrang a si, amah nih thluachuah a kan pek i vel le thangṭhatnak kan hmuh. A dingmi thil a tuahtu paoh cu thil ṭha kha pe loin a um hna lo.

PHUNGTHLÛKBIA 13:7

Mi a cheukhat cu mirum bantukin an i umter, sihmanhsehlaw zeihmanh an ngei lo, a cheukhat cu sifak bantukin an i um ter, sihmanhsehlaw chawva tampi an ngei.

PHUNGTHLÛKBIA 16:16

Fimnak ngeih hi sui nakin a ṭha deuh, hngalhthiamnak ngeih hi ngun nakin thim deuh awk a si.

MATTHAI 5:12

Nan lung i lawm u law nan thanuam ko u, zeicahtiah vancung khua ah laksawng tampi chiahpiak nan si ko. Cu bantuk cun pei nan hlan i a rak ummi profet hna kha an rak hrem hna cu,” tiah a ti.

MATTHAI 5:4

A ṭap a hrammi cu lunglawmmi nan va si dah! Pathian nih an hnemh hna lai.

LUKA 6:21

Nannih atu i rawl a ṭammi hna i lawm u, Nan paw a khim lai. Nannih atu i a ṭapmi hna i lawm u, Nan ni lai.

JOHAN 16:22

Cu bantuk cun nannih zong nan si lai: atu cu nan ngaih a chia, sihmanhsehlaw kan hmuh ṭhan hna lai i nan lung cu lunglawmhnak in a khat lai; cu lunglawmhnak cu ahohmanh nih an in chuh khawh lomi hna lunglawmhnak phun a si lai.

LAMKALTU 16:25

Zanṭim hrawngah khin Paul le Silas cu thla an cam i Pathian sinah thangṭhatnak hla an sa i thongtla dang nih khan an ngaih hna.

LAMKALTU 3:6

Cun Peter nih a thawh i, “Sui le ngun zeihmanh ka ngei lo, sihmanhsehlaw ka ngeihmi cu kan pek lai: Nazareth khuami Jesuh Khrih min in, tho law kal, kan ti,” tiah a ti.

LAMKALTU 5:41

Khawngsil pumhnak cun lamkaltu pawl cu an chuak i Jesuh min ruangah Pathian nih ningzah in awk nan i tlak tiah a ruah hna caah an i lawm ngaingai.

ROM 11:12

Judah mi sualnak nih hin vawlei cungah thluachuahnak tampi a tlunter i thlarau lei in mipam an sinak nih Jentail mi cu thluachuahnak tampi a phorh hna ahcun Judah mi cu tling tein an i tel ve tikah cun thluachuahnak cu zeitluk in dik a ngan chinchin lai!

ROM 12:15

Aa lawmmi sinah vaa lawm ve u, a ṭapmi sinah va ṭap ve u.

ROM 15:13

Thiang Thlarau ṭhawnnak thawngin nan i ruahchannak cu a ṭhan lengmang nakhnga, ruahchannak hram Pathian nih cun, amah nan zumhnak thawngin lunglawmhnak le daihnak he in khahter ko hna seh.

ROM 8:32

A Fapa hrimhrim hmanh kha a zuah ṭung lo, kan dihlak caah pei a pek kha! A Fapa kha a kan pek — thil vialte zong hi a lak in a kan pe hnga lo maw?

ROM 9:2

Ka miphun, ka thi le ka sa a simi hna caah ka ngaih a chia hringhran ko i ka lung chung fahnak cu a dong lo.

1 KORIN 1:5

Zeicahtiah Khrih thawngin zeizong vialte ah nan rum cang, holh lei le hngalhnak lei zongah nan rum cang.

2 KORIN 2:4

Ca kan kuat hna ah khan lungthin fak ngai le awlokchong ngai le mitthli tla bu in ka ṭial, cu ka ṭialmi cu nanmah ngaihchiatter dingah khan si loin, zeitluk in dah kan dawt hna, ti kha nan hngalh khawhnak hnga ka duh caah a si.

2 KORIN 4:15

Hi vialte hi nanmah caah a si dih; Pathian vel nih mi tam chin lengmang a phak hna bantukin mi tam chin lengmang nih Pathian sunparnak cu an lawmh lai i an thangṭhat lai.

2 KORIN 4:7

Asinain hi thlarau rothil a kengtu kannih hi tlak um bantuk men kan si, cu nih cun thil ti khawhnak ṭhawnnak hi kanmah ta si loin Pathian ta a si ti kha a langhter.

2 KORIN 8:9

Nannih nih kan Bawipa Jesuh Khrih vel kha nan hngalh ko: a rum nain nanmah ruangah sifak ah a cang, cuti a can cu a sifahnak khan nannih kha rumter an duh hna caah a si.

EFESA 3:16

Nan chunglei minung sinak ah a ṭhawngmi nan si nakhnga le zumhnak thawngin Khrih cu nan lungthin chungah khua a sak nakhnga, cun a sunparnak ro bukbau chungin A Thlarau thawngin ṭhawnnak an pek hna nakhnga, Pathian cu ka nawl. Nan hrih nan hram cu dawtnak chungah fek tein nan bunh nakhnga le

EFESA 3:8

Pathian mi hna lak i a hme bik nak hmanh in a hme deuhmi ka si ko nain, Khrih a rumnak a dong kho lomi Thawngṭha cu Jentail mi hna sinah chim awk le

FILIPI 2:17

Ka nunnak thisen hi nan zumhnak nih Pathian a pekmi raithawinak sa cungah toih a si hmanh ah cucu ka lawmhmi a si ko lai i cu kaa lawmhnak cu nan dihlak in kan hrawm hna.

FILIPI 4:4

Bawipa chung i nan nunnak ah khan i lawm zungzal ko u ti kan duh hna. I lawm ko u, tiah ka nolh ṭhan rih ko lai.

KOLOSE 1:24

Nan ca i temhinnak ka huahmi ah hin kaa lawm ko. Zeicahtiah ka pum in ka inmi temhinnak ah hin, Khrih nih a pum a simi khrihfabu ca i a inmi temhinnak a baumi kha ka tlinter.

KOLOSE 3:16

Khrih bia cu nan chungah tam piin a fimnak he khan um seh. Fimnak in pakhat le pakhat i chim u law i cawnpiak u. Thangṭhatnak hla, Pathian biaknak hla le hla thiang kha sa hna u; Pathian kha lawmhnak in hla in thangṭhat u.

1THESALON 1:6

Kanmah le Bawipa kha kan nawl nan kan cawn i temhinnak tampi nan huah nain Thiang Thlarau sinin a rami bia kha lawm tein nan cohlan.

1THESALON 5:16

A zungzal in i lawm u,

1TIMOTE 4:8

Pum in thiam lakin cawnmi kha santlaihnak a ngei, asinain cu bantuk santlaihnak cu donghnak a ngei; sihmanhsehlaw biaknak ṭhathnemnak cu donghnak a ngei lo, zeicahtiah cu biaknak chungah cun Pathian nih atu kan nunnak ca he hmailei kan nunnak ca he bia a kan kamh.

1TIMOTE 6:18

Ṭhatnak tuah le thil ṭha tuahnak i rum le nunsian le thil ṭhenh sian kha na chimh hna lai.

HEBRU 10:34

Thongtlami kha an thongtlak nan inpi hna i nan thil an in chuh hna tikah lunglawm tein nan pek hna, hi thil hna nakin a ṭha deuhmi thil le a hmun kho deuhmi thil nan ngeih kha nan hngalh.

JEIM 2:5

Ka dawtmi ka u le ka nau hna, ngai hmanh u. Pathian nih hi vawlei cung i misifak hna hi, zumhnak i a rummi si awk le amah a dawtu a kamhmi hna Pennak kha a comi si awkah a thim hna.

1 PETER 4:13

Khrih inmi temhnak kha nan in ve caah a lawmh tu in i lawm u, zeicahtiah a sunparnak cu a langh tikah lunglawmhnak in nan khat lai.

BIAPHUAN 2:9

Na harnak kha ka hngalh ko hna; sifak na si kha ka hngalh — sihmanhsehlaw a ngaingai ti ahcun a rummi na si. Judah mi a si lo nain Judah mi ka si aa timi hna nih an in thangchiatnak kha ka hngalh; annih cu Satan ta a simi bu an si!

BIAPHUAN 21:7

Teitu a simi paoh nih hihi ka sinin an hmuh lai: Keimah cu an Pathian ka si lai i annih cu ka fa an si lai.