2 KORIN 5:5 - Lai (Hakha) Common Language Bible 2006

⁵ Cu bantukin i thlennak ding ca i a kan timtu cu Pathian a si i kan ca i a kan chiahpiakmi thil vialte aamahkhan caah a Thlarau cu a kan pek.

Laibaibal Thiang (BSI)

⁵ Cubangin cu thil ca i a kan timlamtu cu Pathian a si i a kan ham chungnâk ca i Thlarau a kan petu cu a si.

2 KORIN 5:5 ပူးပေါင်းရင်းမြစ်များ

ISAIAH 29:23

Kan pek laimi hna nan fale kha nan hmuh hna lai i keimah cu Israel Pathian thiang ka si kha nan hngalh lai. Nan ka upat lai i nan ka ṭihzah lai.

ISAIAH 60:21

Na mi nih an dihlak in ahmaanmi thil kha an tuah lai i ram kha zungzal in an co lai. Ka lianhngannak kha mi vialte sin i langhter awkah annih cu ka phun hna i ka ser hna.

ISAIAH 61:3

Zion i ngaihchia in a ummi vialte hna cu vutcam caah pangpar ṭhi, mitthli caah lawmhnak chiti le thangṭhatnak hla pek awkah a ka thlah. Annih cu Bawipa hrimhrim nih a phunmi thingkung bantuk an si lai. Thil ṭha kha an tuah lai i Pathian cu a tuahmi thil ruangah khan an thangṭhat lai.

ROM 8:23

Cu ti a hrum a aimi cu sermi thil lawng an si lo, Thlarau cu Pathian laksawng hmasater caah a hmumi kanmah zong hi, Pathian nih a fa ah ser i kan pum hi a ning piin luatter ding kan hngah lioah hin kan hrum kan ai ve ko.

2 KORIN 1:22

Pathian nih cun amah ta kan sinak hmelchunhnak kha kan cungah a khenh i kan ca i a kan chiahpiakmi a dihlak aamahkhan caah khan kan lung chungah Thiang Thlarau kha a kan pek.

2 KORIN 4:17

Cun harnak hmete caan tawite kan inmi nih hin, hi harnak nakin a let tampi in a ngan deuhmi zungzal sunparnak cu a kan pek lai.

EFESA 2:10

Kannih cu Pathian kutchuak kan si i Pathian nih thil ṭha tuah dingah a rak kan tinh bantukin Khrih he kan i pehtlaihnak thawngin thil ṭha cu kan tuah khawhnak hnga a kan ser ṭhanmi kan si.

EFESA 4:30

Cun Pathian Thiang Thlarau kha a ngaihchiatter hlah u; zeicahtiah Pathian ta nan si hmelchunhnak le Pathian nih an luatter hna Ni cu a phan lai ti aamahkhan cu Thlarau cu a si.

1JOHAN 3:24

Pathian nawl a ngaimi paoh cu Pathian chungah an um i an chungah Pathian kha a um. Cun Pathian kan chungah a um ti kan hngalhnak cu hihi a si: Thlarau a kan pekmi thawngin kannih nih kan hngalh.