2 KORIN 5:16 - Lai (Hakha) Common Language Bible 2006

¹⁶ Cucaah ahohmanh hi, minung rel in kan tah ti hna lo. Voi khat cu Khrih kha minung rel in kan rak tah ve, sihmanhsehlaw atu cu cu bantuk cun kan tah ti lo.

Laibaibal Thiang (BSI)

¹⁶ Cucaah atu thawk cun ahohmanh hi vawlei phungin kan zoh ti hna lo. Krih zong minung hngalh in rakhngal cang hmanh ning law, atu ah cun cu lam cun ka hngal ti lo.

2 KORIN 5:16 ပူးပေါင်းရင်းမြစ်များ

NAMBAR 10:30

Sihmanhsehlaw amah nih, “Ka kal lai lo; keimah ka ram le ka rualchan hna sinah ka kal lai,” tiah a ti.

MATTHAI 10:37

“Ahohmanh a nu siseh, a pa siseh, keimah nakin a daw deuhmi cu ka mi si awk aa tlak lo; ahohmanh a fapa siseh, a fanu siseh, keimah nakin a daw deuhmi cu ka mi si awk aa tlak lo.

JOHAN 15:14

Kan fialmi hna nan tuah ahcun nannih cu ka hawile nan si.

JOHAN 2:4

Jesuh nih cun, “Ka nu, zeidah tuah awk ti kha, na ka chimh awk a si lo, ka caan pei a phan rih lo cu,” tiah a ti.

JOHAN 6:63

Nunnak petu cu Pathian Thlarau a si; minung ṭhawnnak hi cu zeihmanh a ṭhahnem lo. Nannih kan chimhmi hna bia hi Thlarau le nunnak cu an si.

JOHAN 8:15

Nannih nih cun minung phungning lawnglawng in biakhiahnak nan tuah, kei tu nih cun aho cung hmanh ah biakhiahnak ka tuah lo.

2 KORIN 11:18

Asinain minung sining kong ah aa porhlawmi tam tuk an um caah kei zong kaa porhlaw ve ko lai.

GALATI 5:6

Khrih Jesuh he kan i pehtlaih ahcun cuarpartan cu kan caah sullam zeihmanh a ngei lo, tan lo zong zeihmanh a ngei hlei lo; biapi a simi cu, dawtnak in rian a ṭuanmi zumhnak kha a si.

DEUTERONOMI 33:9

A nu le a pa hna le An unau hna le A fale hna nakin Nangmah kha an in ṭanh deuh, Zeitintiah na nawlbia kha an ngaih i na biakamnak kha an zulh.

FILIPI 3:4

A ngaingai ti ahcun cu bantuk thil hna aa bochan khomi ka si ve ko. Lenglei phunglam kaa bochan khawh a timi an um ahcun, cu bantuk ti khawhnak cu tam deuh chinchin ka ngei:

KOLOSE 3:11

Cu a phichuak cu hihi a si: Jentail mi ti a um ti lo, Judah mi ti a um ti lo, cuarpartan ti a um ti lo, tan lomi ti a um ti lo, mihrut, Sithian mi, miluat, sal, ti a um ti lo, zeizong vialte cu Khrih a si ko i zeizong vialte chungah Khrih cu a um ko.

JEIM 3:17

Sihmanhsehlaw cunglei in a rami fimnak cu a hmasa bik ah a thiang i cun daite le nem tein a um i hawikom cungah a ṭha; midang zaangfahnak khan a khat i thil ṭha kha tampi a tlai; thleidannak zeihmanh a ngei lo i a zer zong a zer lo.

1 SAMUEL 2:29

A si kun ahcun zeicahdah ka umnak ah pekchanh awk tiin nawl ka pekmi ka raithawinak hna le pekchanhnak hna cu hakkauh mit in nan zoh i keimah nakin na fapale hna cu na upat deuh hna i ka mi Israel mi nih an pekchanhmi thil lak i a ṭha bik hna cun nan i cenh?