2 KORIN 5:14 - Lai (Hakha) Common Language Bible 2006

¹⁴ Mi vialte caah mi pakhat a thi i a thihnak ah cun mi vialte an thi ve ti kha kan hngalh caah Khrih nih kan ca i a ngeihmi dawtnak nih cun a kan uk.

Laibaibal Thiang (BSI)

¹⁴ Zeitintiah Krih dawtnâk nih hranhrâm lo in aka fial, hi ti hin kan ruah: Mi vialte aiawh in Mi pakhat a thih ahcun, mi vialte kha an thi.

2 KORIN 5:14 ပူးပေါင်းရင်းမြစ်များ

1 CHANRELNAK 11:18

Khi tikah miṭhawng pathum hna nih khan Filistin mi hna riahhmun chung cun an va lan i Bethlehem tikhor, hauka pawng i a ummi chung khan ti cu an va than an va lak i David sinah an ratpi. Sihmanhsehlaw David nih din a duh lo; Bawipa hmaiah khan a bungh i,

JOB 32:18

Zeicahtiah bia in a khah in ka khat i ka chung thli nih a tawn in a ka tawn.

SOLOMON HLA 1:4

Zaṭial kut in ka hruai law kal hawl si, Mangbawi phunsang na suan run remh dal, chungchin ah ka luhpi ai law. Nang hnen ah cun kan meremte le lungriam in, Na vel ṭha cu mitsur hang nakin hei thangṭhat deuh sih, Ai! nang cu leng duhran cem na si.

ISAIAH 53:6

Kannih cu kan dihlak in a tlaumi tuu bantuk kan si; kan duhnak cio paoh ah khan kan rak kal. Cucaah dantatnak cu Bawipa nih amah cung tu ah khan a tlunter i cu dantatnak cu kanmah tu nih kan in awk a rak simi kha a si.

MATTHAI 20:28

Cuticun pei Mi Fapa hi a si cu, rian ṭuanpiak dingah ka rat ṭung lo, mi tampi an rian ṭuanpiak awk le annih tlanhnak ca i ka nunnak pek awkah pei ka rat cu,” tiah a ti hna.

LUKA 15:24

Zeicahtiah hi ka fapa hi a rak thi, sihmanhsehlaw atu cu a nung ṭhan; a rak tlau, sihmanhsehlaw atu cu ka hmuh ṭhan cang,’ a ti. Cun cuticun puai tuah hram cu an thawk.

LUKA 15:32

Sihmanhsehlaw na nau cu a rak thi i pei atu cu a nun ṭhan cu, a rak tlau i pei atu cu hmuh ṭhan a si cu, cucaah kan thlathlauh i kan i lawmh awk a si hrim ko,’ tiah a leh,” tiah a ti.

LUKA 24:29

sihmanhsehlaw an tlaih i, “Kan sinah tlung ve ko, zanlei a si cang i a muih zong a mui dengmang cang,” an ti. Cucaah anmah sinah cun a tlung.

JOHAN 1:29

A thaizing ah Johan nih cun Jesuh cu a sin i a rat kha a rak hmuh i, “Zohhmanh u, Pathian Tuufa, vawlei sualnak a kalpitu khi!

JOHAN 11:25

Jesuh nih Martha cu, “Keimah hi thawhṭhannak le nunnak cu ka si. Keimah a ka zummi paoh cu a thih hmanh thi seh law a nung lai;

JOHAN 5:25

Biatak kan chimh hna: Mithi nih Pathian Fapa aw an theih i a thimi paoh an nun lainak caan kha a ra lio i a phan cang.

LAMKALTU 18:5

Silas le Timote kha Masidonia ram in an rak phanh tikah Paul nih a caan kha a dihlak in phungchimnak ah khan a hman i Jesuh cu Messiah kha a si ti kha Judah mi kha a chimh lengmang hna.

ROM 2:2

“Hi bantuk thil a tuahmi hna cu Pathian nih sual a phawt hna tikah Pathian cu ahmaan ko ti kha kan hngalh,” na ti.

ROM 5:15

Sihmanhsehlaw cu hna pahnih cu an i khat lo, zeicahtiah Pathian laksawng cu Adam sualnak bantuk kha a si lo. Kha mipa pakhat sualnak ruangah khan mi tampi an thi taktak ko. Sihmanhsehlaw kha pa ṭhat lonak nakkhan Pathian vel cu tam piin a ngan deuh i cu bantuk ṭhiamṭhiam cun mipa pakhat Jesuh Khrih vel thawngin mi tampi cungah a tlungmi Pathian laksawng cu a ngan deuh.

ROM 6:13

Cun nan pum a zeihmanh kha thil ṭhalo tuahnak ding caah sualnak kha pe ti hlah u. Thihnak in nunnak ah thawhter ṭhanmi bantukin Pathian sin tu ah i pe u law dinnak tuahnak ding caah nan pum cu a ningpi in Pathian cu pe ko u.

ROM 6:6

Kan minung hlun cu Khrih he vailam cungah thah a si cang ti kha kan hngalh. A sualmi kan minung hlun cu zeicahdah thah a si ti ahcun, sualnak sal kan si tinak hnga lo caah a si.

1 KORIN 16:22

Bawipa a daw lomi cu an cungah chiat si ko seh. Maranatha — Kan Bawipa, ra cang ko!

1 KORIN 2:14

Sihmanhsehlaw Thlarau a ngei lomi nih cun Pathian Thlarau sinin a rami laksawng cu an hmu kho lo. Fiang in an hngal kho ngaingai hna lo; laksawng a sunning kha thlarau lei lawngin hngalh khawh a si caah annih caah cun pakpalawng men a si ko.

2 KORIN 3:7

Nawlbia cu lungtlap cungah khan cafang in ṭial a rak si i cu nawlbia cu annih kha pek a si lioah khan Pathian sunparnak cu a lang. Moses hmai i a rak ummi ceunak cu a lang. Moses hmai i a rak ummi ceunak cu a ziam zau ko nain cu ceunak cu a rak ṭhawn tuk caah khan Israel mi nih Moses kha dengteo in an rak zoh ngam lo. Thihnak tluntertu a simi Nawlbia hmanh, cu bantuk sunparnak he a rat a si ahcun,

2 KORIN 3:9

Minung sual vun phawtnak rian hmanh cu tlukin a sunlawi ahcun, minung thian vun chehnak rian cu zeitluk in dah a sunlawi chinchin.

GALATI 2:20

cucaah a nungmi cu keimah kha ka si ti lo, ka chung i a ummi Khrih tu hi a si deuh. Atu i ka nunmi nunning hi, a ka daw i ka ca i a nunnak a pemi Pathian Fapa zumhnak thawngin ka nung.

EFESA 6:24

A thi kho lomi dawtnak in kan Bawipa Jesuh Khrih a dawmi nan dihlak cungah Pathian vel cu um ko seh.

KOLOSE 2:13

Hlan ah cun nannih cu phung leng um Jentail mi nan si ca le nan sualnak ruangah, thlarau lei in a thimi nan rak si. Sihmanhsehlaw atu cu Khrih sinah Pathian nih an nunter cang hna. Pathian nih kan sualnak vialte cu a kan ngaihthiam.

KOLOSE 3:3

Zeicahtiah nan thi cang i nan nunnak cu Khrih he Pathian chungah aa thup.

1TIMOTE 2:6

amah cu mi vialte tlanhnak caah a lu aa pemi a si. Cu nih cun, caan a tlin tikah Pathian nih mi vialte kha khamh a duh hna ti kha a langhter i

1TIMOTE 5:6

Asinain nuamhnak lei i aa pemi nuhmei cu a nung nain a thi cangmi a si.

TITAS 3:3

Zeitintiah kanmah hrimhrim zong kha kan rak hrut, nawl ngai loin khua kan rak sa i kan rak palh. Pumsa duhnak le nuamhnak sal kan rak si. Mi kha kan rak nahchuah hna i ziar kan rak ngeih hna; mi nih an rak kan huat i kannih zong nih kan rak huat hna.

HEBRU 2:9

A sullam cu Jesuh ah khan kan hmuh. Caan tawite chung cu vancungmi nak niam deuh ah khan a ser taktak i cucu Pathian vel thawngin mi vialte kan ca i a thihnak ding caah khan a si. Cun thihnak a inmi ruangah khan atu cu sunparnak le upatnak kha luchin ah chinh a si cang ti kha kan hmuh.

HEBRU 6:10

Pathian cu miding lo a si lo. Rian nan rak ṭuanmi le nan Khrihfa hawi nan rak bawmh tawn hna i atu zongah nan bawmh ko rih hna thawngin nan langhtermi amah nan dawtnak kha a philh lai lo.

1 PETER 1:8

Jesuh cu nan hmu naloin nan dawt, cun nan hmu ṭhiamṭhiam lo nain amah cu nan zumh.

1JOHAN 5:19

Vawlei hi a pumpi in Miṭhalopa kut tangah a um nain kannih cu Pathian mi kan si ti kha kan hngalh.