2 KORIN 5:12 - Lai (Hakha) Common Language Bible 2006

¹² Kanmah le kanmah kha nanmah sin i i thangṭhat kan i zuam ṭhan a si lo, nanmah tu nih kan thangṭhat u tiah caan ṭha kan in pek hna a si. Cuticun lenglei thil lawng a duh i lungchung thil a ruat set ṭung lomi pawl kha an bia nan leh khawh hna lai.

Laibaibal Thiang (BSI)

¹² Zeitintiah nan sinah kan i thangṭhat ṭhân zong a si lo, lungthin i i biatak ṭung lo in, lenglei lawng i a porhlaw mi hna lakah kanmah thawngin hmaihngalnâk le a lehnâk cânrem serpiak kan duh ruang i ka chimmi a si.

2 KORIN 5:12 ပူးပေါင်းရင်းမြစ်များ

PHUNGTHLÛKBIA 27:2

Nangmah kaa nih si loin midang tu nih in thangṭhat deuh hna seh, nangmah hmur nih si loin khual tu nih in thangṭhat deuh hna seh.

2 KORIN 1:14

Atu cu nan kan hngalhnak hi a tlam a tling lo ngai, sihmanhsehlaw tlamtling tein nan hun kan hngalh te lai ti kha ka zumh i Bawipa Jesuh ni ah cun kan i chawrmi cu nanmah nan si lai bantukin nan i chawrmi zong kanmah kan si ve te lai.

2 KORIN 10:12

Cu tluk sang i aa chiami hna he cun kan i tahchunh ngam in kan i rel chih ngam taktak lai lo! An va hrut thiam dah. Anmah tahnak dingah khan anmah lila nih pei tahnak tlangrel cu an i ser ko cu.

2 KORIN 10:18

Zeicahtiah mi cu amah le amah kha ka ṭha tiin aa ruah tikah hin Pathian nih a cohlan a si lo i Bawipa nih a ṭha ti in a ruah lawngah hin a cohlan a si.

2 KORIN 10:7

Thil cu a sining taktak in zohhmanh u sih: Pakhat nih aa thawh i Khrih ta ka si, a ti. Cu pa nih cun amah kha ṭha tein i ruat ta rih tuah seh, zeicahtiah amah cu Khrih ta a si tluk te khan kannih zong kan si ve ko.

2 KORIN 10:8

Bawipa nih a ka pekmi nawlngeihnak cu a hlei deuh in ka hman a si zong hmanh ah ka ning a zak lo, cu nawlngeihnak ka hmuhmi cu nanmah ṭhehnak nawlngeihnak si loin nanmah saknak nawlngeihnak tu a si.

2 KORIN 12:11

Mihrut rianṭuan in rian ka ṭuan ai — nanmah nih cun pei nan ka hruhter ai cu. Nanmah hi a ka thangṭhattu ding nan si nain a ka hruhtertu nan si. Zeihmanh ka si lo nain “lamkaltu” ṭha khun, nan timi hna kha ka tluk lonak hna zeihmanh a um lo.

2 KORIN 3:1

Hiti kan ti tikah hin mah thangṭhat kan lo hoi hnga maw? Midang bantukin kannih zong nanmah ṭialpiakmi siseh, nanmah sin kuatmi siseh, thangṭhatnak ca i ken kan herh ve dahra?

2 KORIN 6:4

Kan i zuammi tu cu zei kan tuahnak hmanh ah Pathian sal kan si ti langhter kha a si i hnahnawhnak le harnak le retheihnak kha lungsau thinfual in kan in hna.

FILIPI 1:26

Cucaah nan sin i ka um ṭhan tikah, keimah ruang i Khrih Jesuh chung i nan i lawmhnak kha a karh chinchin lai.