2 KORIN 4:8 - Lai (Hakha) Common Language Bible 2006

⁸ Khatlei khatlei in an kan rial dip lengmang, sihmanhsehlaw kan kek ngaingai bal lo; lungawṭawm in kan um tawn, sihmanhsehlaw kan hnabei a dong bal lo;

Laibaibal Thiang (BSI)

⁸ Kapkip in dihchih kan si nain, kan kuai lo, a ruah awk kan hngal lo nain kan lung a dong lo.

2 KORIN 4:8 ပူးပေါင်းရင်းမြစ်များ

SALM 129:2

I thawh law, “Ka no lio tein ka ral nih fak piin an ka hrem zungzal, sihmanhsehlaw an ka tei lo.

SALM 37:33

sihmanhsehlaw Bawipa nih a ral kut chungah khan miṭha cu a kaltak lo, tazacuai a si zongah khan sual phawtnak a phakter lo.

PHUNGTHLÛKBIA 14:26

Bawipa ṭihnak aa bochanmi miṭhawng cu, A tefa hna caah himnak a si.

PHUNGTHLÛKBIA 18:10

Bawipa min cu a fekmi innsang a si, miding cu khika ah khan an va tli i an him.

ISAIAH 40:31

Sihmanhsehlaw Bawipa aa bochanmi cu thazang thar an la. Mupi bangin an zuang lai; an tlik tikah an baa lai lo, an kal tik zongah an tha a di lai lo.

HABAKKUK 3:17

Theipi kung cu par loin, Mitsur ruang zongah a thei um hmanh hlah seh, Oliv thing cu tlai loin Lo zongah tirawl zeihmanh chuak loin um hmanh seh, Kawm chung saṭil run kha um loin Saṭil inn ah saṭil kha um hmanh hna hlah seh law,

JOHAN 14:18

“Nanmahte lawngin kan kaltak hna lai lo; nan sinah ka ra kir ṭhan lai.

1 KORIN 10:13

Tukforhnak nan cung i a tlungmi hi midang zong nih an in cio tawnmi an si ko. Pathian nih a biakamnak cu a zulh ko lai i nan in khawh leng tiangin tukforhnak cu nan cungah a tlunter lai lo. Tukforhnak nan in tikah in khawhnak thazang an pek hna lai i chuah khawhnak lam zong an serpiak hna lai.

2 KORIN 12:10

Ka derthawmnak ah siseh, nihsawhnak le harnak le hremnak le temhinnak ka hmuhmi ah siseh, Khrih ruangah kaa lawm ko; zeicahtiah ka derthawm tikah hin ka ṭhawn a rak si.

2 KORIN 6:12

Kan lung kan in kharkanh hna lo, nanmah bel nih nan lung nan kan kharkanh.

2 KORIN 6:4

Kan i zuammi tu cu zei kan tuahnak hmanh ah Pathian sal kan si ti langhter kha a si i hnahnawhnak le harnak le retheihnak kha lungsau thinfual in kan in hna.

2 KORIN 7:5

Masidonia kan phak hnu hmanh ah dinh mui kan hmu hlei lo. A kenkip ah harnak a um, pakhat le pakhat an i si, kan lung chungah phannak a um.

GALATI 4:20

Atute ah hin nan sinah hei um in nan cung i ka lungput hi thlen khawh hei si seh law ka hei duh dah! Nan kongah hin ka lungre a thei ko!

1 SAMUEL 28:15

Cun Samuel nih Saul cu, “Zei-cahdah na hun ka chuahternak hin hna na ka hnawh?” tiah a ti. Saul nih a leh i, “Harnak nganpi chungah ka um; zeitintiah Filistin mi nih an ka tuk i Pathian nih hnulei a ka chit cang i profet hna sinin siseh, mang in siseh a ka let ti lo; cucaah nangmah cu zeidah ka tuah awk a si kha a ka chimtu dingah kan kawh,” tiah a ti.

1 SAMUEL 30:6

Cun David cu a lungre a thei ngaingai; zeitintiah mi vialte kha an fapa hna le an fanu hna kongah khan an ngaih a chiat ngaingai caah mi nih khan amah kha lung i cheh awk an ceih lengmang. Sihmanhsehlaw David cu Bawipa a Pathian ah khan aa hriim ṭhan.

1 SAMUEL 31:4

Cun Saul nih a ralthuam putu sinah khan, “Na nam kha i zuh law, tleng lak in ka chun, cu lo ahcun, cuarpartan lo pawl hi an ra lai i an ka chunh ṭhiamṭhiam ṭung lai i lentecelhnak ah an ka ser sual hnga,” tiah a ti. Sihmanhsehlaw a ralthuam putu nih khan a tuah duh lo, zeicahtiah a thin a phang ngaingai. Cucaah Saul nih amah vainam kha aa lak i a bawhkhuh.