2 KORIN 4:1 - Lai (Hakha) Common Language Bible 2006

¹ Pathian nih a kan zaangfah caah cu rian cu a kan ṭuanter i kan hnabei a dong bal lo.

Laibaibal Thiang (BSI)

¹ Cucaah zângfahnâk kan hmuhning cio in hi rian hi kan hmuh bangin kan lung a dong bal lo.

2 KORIN 4:1 ပူးပေါင်းရင်းမြစ်များ

ISAIAH 40:30

A nomi hmanh kha an tha a der tawn i tlangval hmanh kha an tha a ba kho.

ISAIAH 40:31

Sihmanhsehlaw Bawipa aa bochanmi cu thazang thar an la. Mupi bangin an zuang lai; an tlik tikah an baa lai lo, an kal tik zongah an tha a di lai lo.

JEREMIAH 45:3

Naa thawh i, ‘Ngaihchia ka hei si hringhran dah! Ka fahnak cungah Bawipa nih ngaihchiatnak a ka chap; ka aihramnak nih hin a ka nor ko cang i dinhnak zeihmanh ka hmu lo,’ na ti.

LUKA 18:1

Lungdong loin thla nan cam zungzal awk a si, ti cawnpiaknak caah Jesuh nih hi bianabia hi a chimh hna.

1 KORIN 3:5

A ngaingai ti ahcun, Apollo cu ahodah a si? Paul cu ahodah a si? Pathian sal pei kan va si ko cu, Pathian an zumhtertu hna kha. Bawipa nih a kan pekmi rian cio kha pei kan hei ṭuan ko cu:

1 KORIN 7:25

Aa ṭhi-um rih lomi hna kongah hin, Bawipa sinin hmuhmi bia zei ka ngei lo nain Bawipa vel thawngin zumhawktlak a si vemi bantukin ka ruahnak ka chim lai:

2 KORIN 3:12

Hi ruahchannak kan ngeih caah hin kan ral a ṭha ngam.

2 KORIN 3:6

biakam thar rian a kan ṭuanter khotu cu, cu Pathian cu a si. Cu biakam thar chung i a ummi cu ṭialmi nawlbia kha si loin Thlarau tu a si. Ṭialmi nawlbia nih cun thihnak kha a chuahpi, sihmanhsehlaw Thlarau nih cun nunnak kha a chuahpi.

2 KORIN 4:16

Hi ruangah hin pei kan lung a dongh bal lonak cu a si cu. Kan mihring sinak cu duhsah tein zor chin lengmang hmanh seh law kan thlarau sinak cu ni khat hnu ni khat a thar chin lengmang.

2 KORIN 5:18

Hi thil vialte a tuahtu cu Pathian a si i Pathian nih cun Khrih thawngin kannih a ral a simi cu a hawi ah a kan thlen i midang zong a hawi i ser ve awk rian cu a kan pek.

GALATI 6:9

Cucaah ṭhatnak tuah kha baa hlah u sih; kan ngol lo ahcun a theitlai kan zun caan kha a phan ve ko lai.

EFESA 3:13

Cucaah nan ca i harnak ka in caah hin nan lung dong hlah u, nanmah ca ṭhatnak lawngte ah a si ko.

FILIPI 4:13

Ṭhawnnak a ka petu Khrih thawngin thil zeipaoh ka tuah khawh ko hna.

2 THESALON 3:13

U le nau hna, ṭhatnak tuah kha ba hlah u.

1TIMOTE 1:13

Hlanah cun ka rak thangchiat i ka rak hrem i ka rak serhsat, asinain Pathian cu ka cungah zaangfahnak a ngei; cu bantukin ka rak tuah cu amah kha ka rak zumh lo i ka tuahmi cu zeidah a si ti awk ka rak hngalh lo caah a si.

HEBRU 12:3

A inmi thil kha ruat hna hmanh u, misual mi nih kha tlukin an huatnak a in peng ko kha ruat hmanh u. Cucaah cun lungdong in maw ngol sual lai u ci.

1 PETER 2:10

Hlanah cun nannih cu Pathian mi nan rak si lo, sihmanhsehlaw atu cu nan si cang; hlanah cun Pathian zaangfahnak kha nan rak hngal lo, sihmanhsehlaw a tu cu zaangfahnak kha nan hmuh cang.

BIAPHUAN 2:3

Na lung a sau, keimah ruangah harnak na in i na lung a dong lo.