2 KORIN 2:3 - Lai (Hakha) Common Language Bible 2006

³ Cucaah cun kha ca nan sin i ka rak ṭial kha a si. Nan sin rat i a ka lawmhtertu ding va si nalak i ka ngaihchiattertu si ding cu kaan duh ti hna lo. Zeicahtiah kaa lawmh tikah nannih zong nan dihlak in nan i lawm ti kha ka hngalh.

Laibaibal Thiang (BSI)

³ Hihi câ ka ṭial chan cu a si, culoahcun ka rat tikah, ka lunglomhnâk dingah, ngaihchiatnâk tu ka hmuh sual lai, kâ lawmh taktak ahcun nan dihlak lawmhnâk zong a si lai, tiah ka zumh.

2 KORIN 2:3 ပူးပေါင်းရင်းမြစ်များ

1 KORIN 4:21

Zeidah nan i thim lai? Fungfek he maw ka rat lai dawtnak le nemnak lungthin he dah ka rat lai?

2 KORIN 1:15

Hi vialte hi fek tein ka zumh caah nanmah tlawn hmasa kha ka rak i tim, nannih nih thluachuahnak a voi hnih in nan hmuh khawh nakhnga.

2 KORIN 1:23

Pathian cu ka tehte a si — amah nih ka lungthin a hngalh. Korinth khua i ka rat lo cu nanmah zawn kan ruah hna caah a si.

2 KORIN 12:11

Mihrut rianṭuan in rian ka ṭuan ai — nanmah nih cun pei nan ka hruhter ai cu. Nanmah hi a ka thangṭhattu ding nan si nain a ka hruhtertu nan si. Zeihmanh ka si lo nain “lamkaltu” ṭha khun, nan timi hna kha ka tluk lonak hna zeihmanh a um lo.

2 KORIN 12:21

Nan sin ka rat nolh tik cu, ka Pathian nih nan hmaiah ningzak in a ka umter sual lai ti ka phang. Nun thur in a rak nung i nu le pa sualnak pumsa duhnak an tuahmi aa ngaihchih lomi hna ruangah khan ka ṭap lai.

2 KORIN 13:10

Hi ruangah hin a langhlat in ca kan kuat hna hi a si. Ka duhnak cu nan sin ka phak tikah Bawipa nih a ka pekmi nawlngeihnak kha hraang ngaiin hman herh hlah ning ti hi a si — cu nawlngeihnak cu nanmah ṭhehnak nawlngeihnak si loin nanmah saknak nawlngeihnak tu a si deuh.

2 KORIN 2:9

Kha ca kan kuat hna kha, zeitluk fang dah hneksak innak ah hin nan si ti le kan chimhmi hna kha nan zul maw zul lo ti hngalh ka duh caah a si.

2 KORIN 7:12

Cucaah kha ca kha kan kua ko hna nain, sualnak a tuahtupa le a cungah sualnak tuah a simipa kong kha biapi bik in ka ruahmi an si lo. Kaa tinhmi cu, zeitluk in dah nan ka ṭanh ti kha Pathian mithmuh i nan sin i fianter kha a si.

2 KORIN 7:16

Nanmah cu kan bochan khawh hna caah zeitluk in dah kaa lawmh.

2 KORIN 7:6

Sihmanhsehlaw lung a dongmi lung ṭhawnnak a pe tawntu Pathian nih cun, Titas a ratnak thawng khan lung ṭhawnnak a kan pek ṭhan.

2 KORIN 7:8

Zeicahtiah kha ka ca nih khan nan ngaih an chiatter hna hmanh ah ka ṭial kha kaa ngaihchih lo. Nan ngaih an chiatter hna ti ka theih ah khan cun ka ngaih a chia.

2 KORIN 8:22

Cucaah cun hi hna sinah hin kan unau a dang pakhat zong kan thlah fawn rih. Amah cu voi tampi kan hneksak cangmi a si i bawmh duhnak lungthin a ngei zungzal ti kha kan hmuh.

GALATI 5:10

Asinain nan kongah ka lung a hmun ko rih. Bawipa chung i kan i pehtlaihnak nih hin, ruahnak dang an ngei bal lai lo, tiah a ka zumhter i an tuaitamtu hna hi, aho a va si zongah, Pathian nih dan a tat ko lai.

2 THESALON 3:4

Cun Bawipa nih nanmah zumhnak lungthin kha a kan pek caah kan in zumh ko hna; kan in chimhmi hna kha nan tuah lengmang ko i hmailei zongah nan tuah ṭheo lai tiah kan zumh fawn.

FILEMON 1:21

Hi ca ka ṭial pah ah hin, kan fialmi cu na tuah lai, ti cu ka hngalh ko, kan fialmi nak tam deuh hmanh na tuah lai ti kha ka hngalh ko.