2 KORIN 2:17 - Lai (Hakha) Common Language Bible 2006

¹⁷ Kannih cu Pathian bia kha, thil man fawi bantuk men in a tawngthammi hna bantuk kan si lo; kannih cu Pathian nih khan a kan thlah caah, amah hmaiah Khrih sal bantukin lungthin tak tein bia kan chim.

Laibaibal Thiang (BSI)

¹⁷ Zeitintiah mi tampi nih Pathian bia hi chawlehnâk i an hman bangin kannih nih cun kan hmang ve lo; biatak tein; Pathian thlahmi kan si bangin Pathian mithmuh ah Krih ah bia kan chim tawn.

2 KORIN 2:17 ပူးပေါင်းရင်းမြစ်များ

JEREMIAH 5:31

Profet hna nih lih in bia an chim i tlangbawi hna zong nih anmah tining paoh kha an zulh ve; Ka mi hna nih cu ti i tuah cu an duhning a si ko, Sihmanhsehlaw a donghnak a phak tikah, zeitindik nan um te fang lai.

MATTHAI 24:24

Zeicahtiah nal messiah le nal profet kha an chuak lai i Pathian mithim hna hmanh kha a si khawh ahcun hlen khawhnak ding caah hmelchunhnak le khuaruahhar nganngan an ser hna lai.

LAMKALTU 20:20

Nannih kha zapi lakah siseh, nan inn cio ah siseh, phung kan chimh hna i kan cawnpiak hna tikah nan ca i a ṭha dingmi kha zeihmanh ka nganhtakmi a um lo ti kha nan hngalh.

LAMKALTU 20:27

Zeicahtiah Pathian nih aa tinhmi kha a dihumnak in kan chimh dih cikcek hna i ka nganhmi zeihmanh a um lo.

1 KORIN 5:8

Cucaah kan puai cu thilnu hlun, sualnak le ṭhat lonak thilnu hlun he cawhmi changreu he khan si loin thilnu aa tel lomi changreu, thiannak le biatak changreu he khan tuah u sih.

2 KORIN 1:12

Kan i uanmi cu hihi a si: hi vawlei cung kan nunning ah hin le nanmah he kan i pehtlaihnak ning ah hin kan umtu ziaza cu vawlei cung fimnak nih si loin Pathian vel a ṭhawnnak nih a uk i hlangfang le lungthin tak tein nan sinah khua kan sa, hihi kan chiaṭha thleidannak nih fiang tein a kan hngalhpimi a si.

2 KORIN 1:18

Pathian cu zumh awk tlak a si bantukin nan sin i ka biakam cu “E, e,” le “Ai, ai,” aa cawhmi a si lo.

2 KORIN 11:11

Zeicahdah hitihin bia ka chim? Kan dawt hna lo caah a si maw? Pathian nih kan dawt hna cu a hngalh.

2 KORIN 12:19

Kan hmaiah anmah le anmah humhak an i zuam tiah ruah zong nan kan ruah sual ko lai. Cucu a si lo. Khrih nih chim hna seh ti a kan duhning in Pathian hmaiah kan chim i ka dawtmi ka hawile hna, kan tuahmi thil vialte hi nanmah bawmhnak caah si seh ti kan duh.

2 KORIN 4:2

Ningzak a simi thil, a thli tein tuahmi thil vialte kha kan hlawt hna i ahohmanh hleng lo tein kan um, Pathian bia zong kha hlennak ah kan hmang bal lo. Biatak kha hlangfang tein kan chim i cuticun Pathian hmaika ah kan minung hawi cu nanmah nih nan chiaṭha thleidannak ningin kan chiat le kan ṭhat cu ruat ko u, kan ti hna.

2 KORIN 6:7

biatak kan chimnak le Pathian ṭhawnnak nih khan Pathian sal kan sinak cu an langhter fawn. Raldohnak caah siseh, kanmah ralvennak caah siseh kan hmanmi cu dinnak a si.

GALATI 1:6

Ka khuaruah nan har ko. Luklak ah Khrih velngeihnak in an autu hna kha nan hlawt i thawngṭha dang kha nan zuan.

1THESALON 2:4

Pathian nih cuticun chim hna seh ti a kan duhning tu khan kan chim zungzal i cuti kan chim cu Pathian nih khan kanmah hman kha a hna a tla i Thawngṭha cu kan kut ah a kan pek caah a si. Minung lungton kha i zuam loin kan i tinhmi a hngaltu Pathian lungton tu kha kan i zuam.

TITAS 1:11

Kha hna pawl kha kham an hau, zeicahtiah an chim awk a si lomi thil an chimmi nih khan innchungkhar hna an dihlak in a tuaiter hna i cu zong cu ningzah awk tlak a simi thil, tangka hmuh duh men caah khan a si.

HEBRU 11:27

Siangpahrang thinhunnak kha ṭih loin Moses cu Izipt ram khan a chuak i cu a chuahtertu cu zumhnak a si; hmuh khawh lomi Pathian kha hmu seh law cu bang, a kir in a kir duh ti lo.

1 PETER 4:11

Zeizong kip ah Jesuh Khrih thawngin Pathian nih thangṭhatnak a hmuh nakhnga, phung a chimmi nih Pathian bia kha chim u, rian a ṭuanmi nih Pathian pekmi thazang khan ṭuan u, sunparnak le lianhngannak cu zungzal in zungzal tiang amah ta a si. Amen.

1JOHAN 4:1

Ka fale hna, Thlarau kan ngei, aa timi paoh khan va zum hna hlah u. An ngeihmi Thlarau cu Pathian sinin a rami a si maw si lo ti kha va hlathlai hmasa u. Zeicahtiah profet deu kha vawlei cung a kenkip ah an kal cang.

JUDAS 1:4

Zeicahtiah kan lakah hin Pathian zei i a rel lomi kha kan hngalh loin an lut i anmah ziaza ṭhalo thuhphenhnak caah khan Pathian vel kong kha ahmaan loning in an chim i kan Uktu le kan Bawipa a simi Jesuh Khrih kha an hlawt. Hi bantuk mi hna cu sualphawt an si lai ti kha Cathiang nih hlanpi in a rak chimchung cang.

BIAPHUAN 12:9

Limkeng nganpi cu lengah an hlonh. Cu limkeng cu rulpi tar, Khuachia, asiloah, Satan timi, vawleicung mi vialte a hleng dihtu hna kha a si. Amah cu a vancungmi vialte hna he vawlei ah an thlak hna.

BIAPHUAN 19:20

Sahrang cu an tlaih i thong ah an thlak, cun a hmaika i khuaruahharnak a tuah tawntu nal profet zong kha an tlaih chih. (Sahrang hmelchunhnak a ngeimi hna le sahrang milem a biami hna kha, khuaruahharnak a tuahmi khan a hlen hna). Cun sahrang le nal profet cu an pahnih in kat meialh tili ah a nung in an paih hna.

BIAPHUAN 2:20

Sihmanhsehlaw na cung i ka lungtlin lonak cu hihi a si. Pathian lamkaltu ka si, aa timi Jezebel kha na dawn lo. Amah nih cun ka salle kha a cawnpiak hna i a ping ah a hruai hna i nu le pa sualnak kha an tuah i siasal pekchanhmi rawl kha an ei.