2 KORIN 13:9 - Lai (Hakha) Common Language Bible 2006

⁹ Kannih der hmanh u si law nannih nan ṭhawn ah khan kan i lawm. Cucaah mitling nan si khawh nakhnga nan caah kannih zong nih thla kan cam.

Laibaibal Thiang (BSI)

⁹ Zeitintiah kan derthawm lio zongah nannih nan ṭhawn ahcun kan i lawm tawn. Cun tlamtlinter nan si khawh nâkhnga thla kan cam tawn.

2 KORIN 13:9 ပူးပေါင်းရင်းမြစ်များ

ROM 15:2

Kan unau hna cu an ṭhatnak ding kha kan tuah awk a si, zumhnak ah an ṭhan khawh nakhnga kan ruah awk a si.

1 KORIN 1:10

Ka u le ka nau hna, kan Bawipa Jesuh Khrih min in kan nawl hna: nan dihlak in pakhat le pakhat lungnge tein um tuah u, i ṭhen hlah u. Lungthin khat, ruahnak khat in um u.

1 KORIN 2:3

Cucaah nan sin i ka rat ah khan tla hnimhniamte le therphang lengmang in ka um i

1 KORIN 4:10

Kannih cu Khrih ruangah mihrut kan si; nannih tu cu Khrih chungah mifim nan si! Kannih cu kan der, nannih cu nan ṭhawng, kannih cu nautatnak kan hmu, nannih cu upatnak nan hmu.

2 KORIN 11:30

Kaa porhlawt awk a herh a si ahcun zeitluk in dah a derthawmmi ka si a langhtertu kha kaa porhlaw lai.

2 KORIN 13:11

Atu cu ka u le ka nau hna, dam tein rak um u. Nan umtuning kha rak i remh u. Kan nawlnak hna hi rak ngai u; pakhat le pakhat i rem u law dai tein rak um u. Cun dawtnak le remnak Pathian cu nan sinah a um lai.

2 KORIN 13:4

Asi, a derthawm caah vailam ah an tah taktak, sihmanhsehlaw Pathian ṭhawnnak in a nung. Kannih zong amah derthawmnak i hrawm in kan der, asinain nanmah he kan i pehtlaihnak ah a nunnak Pathian ṭhawnnak cu kan in hrawm hna.

2 KORIN 4:12

Cu a sullam cu zeidah a si tiah, kannih chungah cun thihnak nih khan rian a ṭuan i nannih chung tu ah cun nunnak nih khan rian a ṭuan.

2 KORIN 7:1

Ka dawtmi ka hawile hna, hi biakamnak vialte hi kanmah pei pek kan si cu. Cucaah pum siseh, thlarau siseh, a thurhnawmhtertu paohpaoh kha i thianh u sih law Pathian ṭih bu tein um u sih.

KOLOSE 1:28

Cucaah Khrih kong cu mi vialte kha ka chimh hna. Cucaah a mi kip kha kan fimnak nih a phanh khawh chungin ralrinnak kha kan pek hna i kan cawnpiak hna, cucu zeicahdah kan tuah ti ahcun Khrih he i pehtlai in ahopaoh kha nutling patling in Pathian hmaika ah chuahpi hna u sih ti kan duh caah a si.

KOLOSE 4:12

Nanmah mi a simi Epafras zong nih nan kut an tlaih hna, amah cu Khrih Jesuh sal a si. Nan caah thla a cam zungzal i fek tein nan dir nakhnga le nutling patling nan si nakhnga le nan zumhmi kha fiang tein nan hngalh nakhnga le a nawl kha tling tein nan zulh khawhnak hnga Pathian cu a hal zungzal.

1THESALON 3:10

Nanmah cu kan pum in kan in hmuh khawh hna nakhnga le zumhnak lei i nan herhmi kha kan in pek khawh hna nakhnga chun le zan in kan hal lengmang.

2TIMOTE 3:17

Cucaah cun Pathian rianṭuantu a simi cu zeizong zeizong ah tlamtlingmi a si awk le thil ṭha phun zakip tuah khawh awkah thilthuam tling tein a ngeimi a si awk a si.

HEBRU 12:23

Pathian fapa upa bikbik, vancung ah an min aa ṭial cangmi hna lunglawm in an i pumhnak kha nan phan cang. Mi vialte biaceihtu a simi Pathian le mitling i sermi hna miding mi thlarau hna sin kha nan phan cang.

HEBRU 13:21

Cun Jesuh thihnak in a thawhtertu daihnak Pathian nih cun amah duhnak nan tuah khawhnak dingah a herhmi thil vialte cu in pe hna seh law Jesuh Khrih thawngin kan chungah a duhmi paoh cu tuah ko seh. Cun Khrih cungah zungzal in zungzal tiang sunparnak cu um ko seh. Amen.

HEBRU 6:1

Cucaah hmailei ah fong u sih, Khrihfa cawnpiaknak a hram kan i domhnak kha hnulei ah kaltak u sih law a tlam a tlingmi cawnpiaknak kha fuh u sih. Santlai lomi rian kaltak kha a hram in i domh ṭhan lengmang ti hlah u sih, cun Pathian zumh zong kha a hram in i thawk ṭhan lengmang ti hlah u sih;

1 PETER 5:10

Sihmanhsehlaw caan tlawmpal nan in hnuah cun, velngeihnak in a khatmi Pathian, Khrih he nan i pehtlaihnak thawngin zungzal a hmunmi a sunparnak i hrawm dingin aan kotu hna nih cun tlinnak an pek hna lai i fehnak le thazang le a fekmi hram bunhnak an pek hna lai.