2 KORIN 13:11 - Lai (Hakha) Common Language Bible 2006

¹¹ Atu cu ka u le ka nau hna, dam tein rak um u. Nan umtuning kha rak i remh u. Kan nawlnak hna hi rak ngai u; pakhat le pakhat i rem u law dai tein rak um u. Cun dawtnak le remnak Pathian cu nan sinah a um lai.

Laibaibal Thiang (BSI)

¹¹ A donghnâk ah ule nau hna, dam tein. Tlamtling tein um u. Hnangam tein um u, ruahnâk pakhat ngei ulaw, daihnâk he nung u, cun dawtnâk le daihnâk Pathian nih an umpi hna lai.

2 KORIN 13:11 ပူးပေါင်းရင်းမြစ်များ

GENESIS 37:4

An pa nih annih nakin Josef a dawt deuh kha a unau hna nih cun an hmuh tikah an huat ngaingai i a chawnh hmanh ṭhiṭha in an chawn duh lo.

GENESIS 45:24

A unau hna cu a hei thlah hna i, “Lampi ah lungrethei in va um hlah u,” tiah a ti hna.

MATTHAI 5:48

Vancung khua i a ummi nan Pa a tlin bantukin nannih zong nan tlin awk a si.

MARKA 10:49

Jesuh cu a dir i, “Hei au u,” tiah a ti. Cucaah mitcawpa cu an hei auh i, “Na thanuam ko, tho, an kawh cuh,” an ti.

MARKA 9:50

Cite hi a ṭha. Sihmanhsehlaw a alnak kha a loh ahcun zeitindah na alter ṭhan khawh ti lai? Nan chungah cite kha i ngeih u law pakhat le pakhat kha i rem tein um u,” tiah a ti.

LUKA 9:61

A dang pakhat nih a thawh ve i, “Bawipa kan zulh lai, sihmanhsehlaw ka chungle kha dam tein, va ti ta hna ning,” tiah a ti.

JOHAN 17:23

Kei an chungah um in nang ka chungah um law, annih cu pakhat taktak an si lai; cun pakhat an sinak thawng cun vawlei nih cun keimah cu nangmah thlahmi ka si le nangmah nih annih cu keimah na ka dawt bantukin na dawt hna kha a hngalh lai.

LAMKALTU 15:29

siasal pekchanhmi rawl kha ei i sum u, thi ei kha i sum u, hngawngdih sa ei i sum u, cun nu le pa sualnak kha i sum u. Hi thil hna tuah hi nan i sum ahcun nan caah a ṭha lai. Dam tein,” tiah an ti.

LAMKALTU 18:21

Efesa khua in a chuahpah ah cun a thawh hna i, “Pathian hnatla a si ahcun, nan sinah ka ra kir ṭhan lai,” tiah a ti hna.

LAMKALTU 23:30

Cun Judah mi a cheukhat nih amah thah khawhnak ding khua an khang ti kha ka theih tikah nangmah sinah ka rak kuat ahcun a ṭha lai tiah ka ruah. Cun sual a phawtu hna cu ka thawh hna i amah cu nangmah hmaika ah taza va cuai u, tiah ka ti hna,” tiah a ti.

ROM 12:16

Pakhat le pakhat nan zawn i ruat dih u. Lungpuam in um hlah u, rian hme tete ṭuan duhnak lungthin kha ngei u. Ka fim tiah vaa ruat hlah u.

ROM 12:18

Mi vialte he i rem awk kha nan i zuam khawh chungin i zuam u.

ROM 14:19

Cucaah daihnak a chuahtertu thil le pakhat le pakhat thazang i peknak a bawmtu thil kha kan i tinh awk an si.

ROM 15:13

Thiang Thlarau ṭhawnnak thawngin nan i ruahchannak cu a ṭhan lengmang nakhnga, ruahchannak hram Pathian nih cun, amah nan zumhnak thawngin lunglawmhnak le daihnak he in khahter ko hna seh.

ROM 15:33

Cun kan daihnak tihna Pathian cu nan dihlak sinah um ko seh. Amen.

ROM 16:20

Cun Pathian, kan daihnak tihna nih cun, Satan kha nan ke tangah a rial tuan lai. Kan Bawipa Jesuh vel cu nan sinah um ko seh.

1 KORIN 1:10

Ka u le ka nau hna, kan Bawipa Jesuh Khrih min in kan nawl hna: nan dihlak in pakhat le pakhat lungnge tein um tuah u, i ṭhen hlah u. Lungthin khat, ruahnak khat in um u.

2 KORIN 1:4

Harnak kan innak kip ah a kan hnemh caah kannih zong nih harnak a phunphun in a ingmi kha kan hnemh khawh ve hna i kan hnemh hnanak ah cun Pathian sinin hnemhnak kan hmuhmi kha kan hman.

2 KORIN 13:9

Kannih der hmanh u si law nannih nan ṭhawn ah khan kan i lawm. Cucaah mitling nan si khawh nakhnga nan caah kannih zong nih thla kan cam.

EFESA 4:12

Khrih pum kha ṭhanter awkah Pathian mi vialte cu hi bantukin Khrihfa rianṭuan awkah a timh hna.

EFESA 4:3

Pum khat sinak, Thlarau nih an pekmi hna kha, ngeih peng awkah an funtu hna daihnak hri khan fek tein i ṭem u.

EFESA 6:23

Daihnak le dawtnak cu zumhnak he, Bawipa Jesuh Khrih i a Pa le a Pathian nih in pe ko hna seh.

FILIPI 1:27

A biapimi cu hi tu hi a si: Khrih Thawngṭha nih si hna seh ti an duhmi hna kha nan nuncan a si awk a si. Cucaah kan hmuh khawh hna ah siseh, kan hmuh khawh hna lo ah siseh, tinhmi pakhat he fek tein nan dir i Thawngṭha zumhnak ah hmunkhat i ral a do ṭimi nan si kha theih ka duhmi cu a si.

FILIPI 3:16

A zei a si hmanh ah, atu tiang kan zulhmi phung ningin hmailei ah kal ko u sih.

FILIPI 4:2

Euodia le Sintikhe, zaangfahnak in kan nawl hna, Bawipa chungah unau bantuk tein lungkhat in um i zuam u.

FILIPI 4:4

Bawipa chung i nan nunnak ah khan i lawm zungzal ko u ti kan duh hna. I lawm ko u, tiah ka nolh ṭhan rih ko lai.

FILIPI 4:9

Keimah sinin nan hngalhmi le nan hmuhmi kha tuah i zuam hna u, ka chimmi nan theihmi si hna seh, ka tuahmi nan hmuhmi si hna seh, tuah i zuam hna u. Daihnak a kan petu Pathian nih cun an umpi hna lai.

1THESALON 3:10

Nanmah cu kan pum in kan in hmuh khawh hna nakhnga le zumhnak lei i nan herhmi kha kan in pek khawh hna nakhnga chun le zan in kan hal lengmang.

1THESALON 4:1

A donghnak ah ka u le ka nau hna, zeitindah Pathian duhning in kan nun awk a si lai ti kha nannih nih kan sinin nan hmuh cang. Hitihin nan rak nun awk a si i atu hi Bawipa Jesuh min in tam chinchin in nan nun nakhnga kan in nawl hna.

1THESALON 4:18

Cucaah pakhat le pakhat hi bia hin nan tha i nuamter cio u.

1THESALON 5:13

An rian an ṭuan ruangah khan hmaizahnak a sang bik le dawtnak a ngan bik kha pe hna u. Cun pakhat le pakhat i rem niahmah tein khuasa u.

1THESALON 5:16

A zungzal in i lawm u,

1THESALON 5:23

Daihnak a kan petu Pathian nih cun amah ta ah in ser hna seh law nan sining piin, nan thlarau he nan nunnak he nan pum he, kan Bawipa Jesuh rat ni ah cun, palhnak um loin, in chia hna seh.

2 THESALON 2:16

Kannih a kan daw i vel a kan ngeih caah hnangamnak le ruahchannak a ṭhami a kan pe zungzaltu Bawipa Jesuh Khrih le Pathian kan Pa nih cun

2 THESALON 3:1

U le nau hna, a donghnak ah, Bawipa bia cu nan lakah a rak karhter bantuk khan, khulrang in a karh chin lengmang i sunparnak kha a hmuh nakhnga, thla kan campiak u.

2 THESALON 3:16

Daihnak hram a simi Bawipa nih lam phunphun in daihnak kha in pe ko hna seh. Bawipa cu nan dihlak sinah um ko seh.

2TIMOTE 2:22

Tlanval lio pumsa duhnak kha zamtak i zuam hna law, kan bawm ko tiah Bawipa sinah thla a cam lengmangmi hna he dinnak le zumhnak le dawtnak le daihnak kha kawl i zuam u.

HEBRU 12:14

Midang he rem i zuam u law nunnak thiang in nun i zuam u, zeicahtiah nunnak thiang ngeih loin ahohmanh nih Pathian cu an hmu kho lai lo.

HEBRU 13:20

Pathian nih kan Bawipa Jesuh cu thihnak in a thawhter i Jesuh cu a thihnak thawng khan Tuukhal Ngan le zungzal biakamnak a fehtertu a si.

JEIM 1:4

Zeihmanh bau loin a tlingmi nan si nakhnga, a karlak ah ing kho loin um sual loin a dongh tiangin ing ko u.

1 PETER 3:11

Chiatnak kha a mer tak lai i ṭhatnak kha a tuah lai; daihnak kha a kawl lai i a zulh lai.

1 PETER 3:8

A donghnak ah ka chim duhmi cu, ruahnak khat le lungthin khat in um u, u le nau bantukin i daw u law pakhat le pakhat i zaangfah u law toidor tein um u.

1 PETER 5:10

Sihmanhsehlaw caan tlawmpal nan in hnuah cun, velngeihnak in a khatmi Pathian, Khrih he nan i pehtlaihnak thawngin zungzal a hmunmi a sunparnak i hrawm dingin aan kotu hna nih cun tlinnak an pek hna lai i fehnak le thazang le a fekmi hram bunhnak an pek hna lai.

BIAPHUAN 22:21

Nan dihlak cungah Bawipa Jesuh vel cu um ko seh. Amen.