2 KORIN 12:6 - Lai (Hakha) Common Language Bible 2006

⁶ Porhlawt ka duh vekvek a si ahcun mihrut porhlawt in kaa porhlaw lai lo, zeicahtiah biatak pei ka chim lai cu. Sihmanhsehlaw kaa porhlaw lai lo, zeicahtiah ka tuahmi in mi nih an ka hmuhnak le ka chimmi in mi nih an ka theihnak nak sang in ka cungah ahohmanh nih ruahnak an ngeih ding kha ka duh lo.

Laibaibal Thiang (BSI)

⁶ Zeitintiah hmalngal pi hmanh ninglaw mihrut ka si lai lo, zeitintiah biatak lawng ka chim lai. Asinain kâ sûm lai; culoahcun a ka hmutu le, ka chimmi a theitu hna nih sâng tuk ah anka ruah sual lai.

2 KORIN 12:6 ပူးပေါင်းရင်းမြစ်များ

JOB 24:25

Mah hihi a si lo, tiah a ti khotu aho tal an um maw? Ka bia cu ahmaan lo, tiah a ti khotu an um maw?” tiah a ti.

ROM 9:1

Ka chimmi hi ahmaanmi bia a si: Khrih ta ka si i ka lih ka chim lo. Thiang Thlarau nih a ukmi ka chiaṭha thleidannak zong nih lih ka chim lo kha a hngalh.

1 KORIN 3:5

A ngaingai ti ahcun, Apollo cu ahodah a si? Paul cu ahodah a si? Pathian sal pei kan va si ko cu, Pathian an zumhtertu hna kha. Bawipa nih a kan pekmi rian cio kha pei kan hei ṭuan ko cu:

2 KORIN 1:18

Pathian cu zumh awk tlak a si bantukin nan sin i ka biakam cu “E, e,” le “Ai, ai,” aa cawhmi a si lo.

2 KORIN 11:16

Ka nolh ṭhan rih ko lai: ahohmanh nih mihrut ah ka ruat hna hlah seh. Asinain nannih nih cun, na si, nan ka ti ahcun, mihrut bantuk tal in ka cohlang u, i porhlawt awk tlawmte tal ka ngeih nakhnga.

2 KORIN 11:31

Bawipa Jesuh i a Pathian le a Pa nih lih ka chim lo cu a hngalh — a min cu zungzal in thangṭhat si ko seh.

2 KORIN 12:11

Mihrut rianṭuan in rian ka ṭuan ai — nanmah nih cun pei nan ka hruhter ai cu. Nanmah hi a ka thangṭhattu ding nan si nain a ka hruhtertu nan si. Zeihmanh ka si lo nain “lamkaltu” ṭha khun, nan timi hna kha ka tluk lonak hna zeihmanh a um lo.

2 KORIN 12:7

Sihmanhsehlaw ka hmuhmi thil khuaruahhar a tam ruangah porhlaw ruamkai in ka um sualnak hnga lo ka pum ah hin hling pakhat a ka chiah i cu hling Satan lamkaltu cu porhlaw in ka um sualnak hnga lo a ka dawntu dingah a hman.

2 KORIN 5:13

Mihrut cu kan si taktak ko maw? Kan si ahcun Pathian ruangah a si ko lai. Kan fim a si ahcun nanmah ca dingah a si.

2 KORIN 7:14

Amah sinah khan nanmah kongah ka vaa porhlaw i nannih zong nih nan ka deuh ve lo. Nannih cu biatak kha kan in chimh zungzal ko hna. Cu bantukin nanmah kong ah Titas sin i kan i porhlawtnak cu bia hmaan ah a cang.