2 KORIN 12:21 - Lai (Hakha) Common Language Bible 2006

²¹ Nan sin ka rat nolh tik cu, ka Pathian nih nan hmaiah ningzak in a ka umter sual lai ti ka phang. Nun thur in a rak nung i nu le pa sualnak pumsa duhnak an tuahmi aa ngaihchih lomi hna ruangah khan ka ṭap lai.

Laibaibal Thiang (BSI)

²¹ culoahcun ka rat tikah, nan mit hmuh ah ka Pathian nih a ka mualphoh lai i sualnâk an tuah cang na in â ngaihchih lomi, thûrhnawmhnâk le, nupa sualnâk le, a hormi hna ruangah ka ṭap sual lai.

2 KORIN 12:21 ပူးပေါင်းရင်းမြစ်များ

EZRA 10:1

Ezra cu thla a cam i sual phuannak a tuah i a ṭah i Pathian inn hmaiah cun a rilh ko lioah khan, mibu nganpi, nu he ngakchia he Israel mi chungin amah sinah khan an i pum i mi cu lunghno ngaiin an ṭap.

EZRA 9:3

Mah hi ka theih tikah ka puan hna le ka angki kha ka thleh hna i ka lu sam le ka khahmul kha ka bawh hna i awlokchong in ka ṭhu.

SALM 119:136

Mi nih na phunglam kha zulh an duh lo caah an mitthli cu tiva bangin a luang.

EXODUS 32:31

Moses cu Bawipa sinah khan a hung kal ṭhan i, “Hi mi hna nih hin a ṭhalo hringhranmi sualnak an tuah ko cang! An caah sui pathian an i ser.

JEREMIAH 13:17

Cu bantukin a thukmi muihnak chung i nan um hmanh i nan ngaih duh lo ahcun, Lungthin fah tuk ah a ṭah lawng ka ṭap lai i ka mitthli lawng a tla ko lai; Zeicahtiah Bawipa tuurun cu sal ah kalpi an si cang.

JEREMIAH 9:1

Ka lu hi tikhor hei si seh law, Ka mit hi mitthli cerhtiput hei si seh law ka hei duh dah, Cuticun ka mi a thimi hna kha chunzan in ka ṭah khawh hna hnga.

ROM 13:13

Chun ceu i a ummi bantukin nuncan dawh in nung u sih, aukhuang cercur in um hlah u sih, rihai in um hlah u sih, nu le pa sualnak tuah hlah u sih, zah hngal loin um hlah u sih, i si hlah u sih, i nahchuah hlah u sih.

ROM 9:2

Ka miphun, ka thi le ka sa a simi hna caah ka ngaih a chia hringhran ko i ka lung chung fahnak cu a dong lo.

1 KORIN 5:1

Nan lakah nu le pa sualnak, lawkihmi hmanh nih an i zahpi dingmi sualnak a um ti kha ka theih. Mipa pakhat cu a pa nupi he an um ṭi, an ti.

2 KORIN 10:6

Cun zumhawktlak taktak nan si kha nan langhter hnuah zumhawktlak lo a simi tuahnak kha dan kan tat lai.

2 KORIN 12:7

Sihmanhsehlaw ka hmuhmi thil khuaruahhar a tam ruangah porhlaw ruamkai in ka um sualnak hnga lo ka pum ah hin hling pakhat a ka chiah i cu hling Satan lamkaltu cu porhlaw in ka um sualnak hnga lo a ka dawntu dingah a hman.

2 KORIN 13:2

Kan hnulei i sualnak a tuahmi hna le midang vialte zong, hihi chimh kan duh hna. Cu chimh kan duhmi hna cu, kan tlawn hna a voi hnihnak i kan chimhmi hna kha a si i atu cu nan sin i ka um lo caah a langin ka hun in chimh hna lai: ka rat nolh cu ahohmanh kaan dinhdorh hna lai lo.

2 KORIN 8:24

An cungah nan dawtnak kha rak langhter u law khrihfabu vialte nih cucu fiang tein an hngalh lai i nanmah kong i kan i porhlawtnak kha ahmaan tiah an hmuh lai.

GALATI 5:19

Minung sining nih a tuah tawnmi cu a fiang ko: nu le pa sualnak tehna, a thurhnawmmi thil tehna, aa dawhcah lomi thil tehna,

DEUTERONOMI 9:15

Cucaah kaa mer i tlang in ka rung ṭum i tlang cu mei in a kang; cun biakamnak lungtlap pahnih hna cu ka kut pahnih chungah an um.

DEUTERONOMI 9:25

“Bawipa nih nannih cu ka hrawh hna lai tiah a ti caah, cucaah Bawipa hmaiah hi ni sawm li le zan sawm li cu ka bawk.

KOLOSE 3:5

Nan chung i rian a ṭuanmi vawlei pum duhnak: nu le pa sualnak tehna, dawhcah loin umtu khuasak tehna, hornak tehna, thin ṭhat lo tehna le hakkauhnak tehna hi nan thah hrimhrim awk an si (hakkauhnak hi siasal biakning phun khat a si).

HEBRU 13:4

Ṭhitumnak hi mi vialte nih kan hmaizah awk a si i nu le va hi zumh awk tlak an si veve awk a si. Nu le pa sualnak a tuahmi hna le va cungin pa aa duhmi hna cu Pathian nih an bia a ceih hna lai.

2 PETER 2:18

An holh tikah an bia a puam, an i porhlaw i lawkih mi hna lak i khua a sami hna, an umnak hmun in a chuakka tete pawl foihnak ah khan pumsa duhnak kha an hman.

JUDAS 1:23

mei chung khan chuah hna u law khamh hna u. Cun midang zong kha ṭih le hmaizah kemh hna u, sihmanhsehlaw an pumsa duhnak an nehmi puan hrimhrim kha cu hua hna u.

JUDAS 1:7

Cun Sodom le Gomorrah le an pawngkam i a ummi khua hna kha philh hna hlah u. Cu khua mi hna nih cun, kha vancungmi hna bantuk khan, nu le pa sualnak kha an tuah i hawi ningkel hmanh in an tuah lo. Annih nih mei hremnak kha zungzal in an huah i cucu mi vialte ca in ralrin peknak a fiang komi thil a si.

BIAPHUAN 21:8

Sihmanhsehlaw miralchia le mirawi hmang le fih awk lungthin a ngeimi le lainawngmi le horduhcuaimi le camh hmangmi le siasal biami le lihchimmi vialte hna an umnak ding cu, mei le kat in a alhmi tili, thih voi hnihnak kha a si,” a ti.

BIAPHUAN 22:15

Sihmanhsehlaw uico bantuk a simi hna le eih thiammi hna le horduhcuaimi hna le lainawngmi hna le siasal biami hna le bia in siseh tuahnak in siseh lih a chimmi hna kha cu, khuapi lengah cun an um lai.

BIAPHUAN 22:20

Hi thil vialte hi ahmaan dih tiah tehte a khaangtu nih, “Tuan ah ka ra hrimhrim lai,” a ti. Cu bantuk cun si ko seh. Bawipa Jesuh, ra ko cang!

1 SAMUEL 15:35

Samuel nih Saul cu a thih ni tiangin a hmu ṭhan ti lo, sihmanhsehlaw Samuel cu Saul kongah khan a ngaih a chia ko. Cun Bawipa cu, Israel mi hna siangpahrang i Saul a rak ser kha, aa ngaihchih.