2 KORIN 12:20 - Lai (Hakha) Common Language Bible 2006

²⁰ Nan sin ka phak tikah, si hna seh ti kan duhmi hna kha rak si loin kan hmuh sual hna lai ti kha ka phang i, si seh ti nan ka duhmi kha ka si lo sual lai ti zong kha ka phang ve. Pakhat le pakhat i si le i nahchuah le thintawi le mah zawn lawng ruat le i thangchiat i congoih le i porhlaw le ningcanglo khuasa in kan hmuh sual hna lai ti kha ka phang.

Laibaibal Thiang (BSI)

²⁰ Zeitintiah ka rat tikah ka duhning in kan hmu hna lai lo i nan duhning in nanka hmu sual lai lo, ti hi ka phâng ngai, culoahcun i sîknâk le, hnahchuahnâk le, thinhunnâk langhternâk, uanthuannâk le, buaibainâk hna a um sual lai,

2 KORIN 12:20 ပူးပေါင်းရင်းမြစ်များ

SALM 41:7

A ka huami nih khan a thli tein an ka congoih, ka ca i a ṭha lo bik ding kha an ruat.

PHUNGTHLÛKBIA 16:28

Mi lungthin ṭhalo nih rem lonak kha an karhter i Mi dupdap nih hawikom ṭha kha an ṭhen hna.

ROM 1:29

Annih cu ṭhat lonak a phunphun le duhfahnak le puarnak le nahchuahnak in an khat i an lungthin cu lainawnnak le i dohnak le i hlennak le ziarngeihnak in a liam in a liam. Pakhat le pakhat an i congoih,

ROM 1:30

an i thangchiat, Pathian kha zei ah an rel lo, an lung a puam, tla ngialngual in an um, an i porhlaw, ṭhat lo tuahnak lam kha an ruat, nu le pa nawl an ngai lo;

ROM 2:8

Cun mi a cheu cu anmah zawn lawng kha an i ruat i ahmaanmi kha an duh lo i ahmaan lomi tu kha an zulh; cu hna cu Pathian nih a thinhunnak le a thinlinhnak kha a toih hna lai.

1 KORIN 1:11

Ka u le ka nau hna, Khalawi innchungkhar chungmi nih an ka chimh i an i si lengmang an in ti hna.

1 KORIN 14:33

zeicahtiah Pathian nih a kan auh cu ningcang lo piin um awkah si loin daite le rem tein um awk tu ah a si.

1 KORIN 5:2

Zeitindah nan i porhlawt khawh ṭheo rih ee? Ngaihchiatnak in nan khah awk tu a si nain; cu bantuk thil a tuahmi cu nan bu chungin nan chuah awk a si.

2 KORIN 1:23

Pathian cu ka tehte a si — amah nih ka lungthin a hngalh. Korinth khua i ka rat lo cu nanmah zawn kan ruah hna caah a si.

2 KORIN 10:2

Nan sin ka rat tikah ralṭha ngaiin ka um nan herhternak hnga lo thla ka cam lengmang, zeicahtiah an rian ṭuanmi hi, vawlei cung duhnak in pei a si ko cu, a kan timi hna sinah khan ralṭha ngaiin ka um kho ko.

2 KORIN 10:6

Cun zumhawktlak taktak nan si kha nan langhter hnuah zumhawktlak lo a simi tuahnak kha dan kan tat lai.

2 KORIN 12:21

Nan sin ka rat nolh tik cu, ka Pathian nih nan hmaiah ningzak in a ka umter sual lai ti ka phang. Nun thur in a rak nung i nu le pa sualnak pumsa duhnak an tuahmi aa ngaihchih lomi hna ruangah khan ka ṭap lai.

2 KORIN 13:2

Kan hnulei i sualnak a tuahmi hna le midang vialte zong, hihi chimh kan duh hna. Cu chimh kan duhmi hna cu, kan tlawn hna a voi hnihnak i kan chimhmi hna kha a si i atu cu nan sin i ka um lo caah a langin ka hun in chimh hna lai: ka rat nolh cu ahohmanh kaan dinhdorh hna lai lo.

2 KORIN 2:1

Cucaah nanmah lungfahter awkah cun ra ti lo dingin ka lung kaa thlek cang.

GALATI 5:15

Asinain saram bantukin nan um i pakhat le pakhat nan i seh nan i kaoh ahcun, i ralring tuah u, nan i ralrin lo ahcun pakhat le pakhat nan i hlo dih ko lai.

GALATI 5:26

Kan ruam a kai awk a si lo, Pakhat le pakhat kan thin kan i hunter awk a si lo, pakhat le pakhat kan i nahchuah awk a si lo.

JEIM 4:11

Ka u le ka nau hna, pakhat le pakhat i soi hlah u. Ahohmanh a u a nau kha a soi i sual a phaw lengmangmi cu Nawlbia kha a soi i sual a phawmi a si. Nawlbia cu sual na phawt a si ahcun nang cu nawlbia a zulmi kha na si ti lo, Nawlbia sual a phawtu kha na si lehlam.

1 PETER 2:1

Ṭhat lonak vialte kha hlaw cang hna u; ziar ngei ti hlah u, lih chim ti hlah u; hrawkhrol in um ti hlah u, nahchuahnak ngei ti hlah u, zawmhtaihnak bia hmang ti hlah u.

2 PETER 2:18

An holh tikah an bia a puam, an i porhlaw i lawkih mi hna lak i khua a sami hna, an umnak hmun in a chuakka tete pawl foihnak ah khan pumsa duhnak kha an hman.

JUDAS 1:16

Hi mi hna hi a zungzal in an phun an zai i midang kha an mawhchiat zungzal hna; a sualmi an duhnak kha an zulh; anmah le anmah kha an i thangṭhat i anmah duhning paoh in thil a kal khawh nakhnga midang kha heh tiah an fak hna.