2 KORIN 12:15 - Lai (Hakha) Common Language Bible 2006

¹⁵ Nanmah bawmhnak dingah hin ka ngeihmi vialte le ka pum zong hi hman dih ka duh ko. Cu tlukin kan dawt hringhran hna caah cun, daw lo deuh in nan ka um awk a si maw?

Laibaibal Thiang (BSI)

¹⁵ Cun kei cu lunglawm in nan thlarau caah kâ hmang dih lai, a dihumnâk in ka hman lai. Kan dawtnâk hna a ngan deuh pauh le nanka dawtnâk a zawr deuh lai maw?

2 KORIN 12:15 ပူးပေါင်းရင်းမြစ်များ

2 SAMUEL 13:39

Cun Siangpahrang David cu Absalom kha a ngai hringhran; zeitintiah Amnon kha cu a thi cang ko cu ta, tiin a kong ah khan aa lungsak cang.

2 SAMUEL 18:33

Cun siangpahrang cu a lung a suk i kutka cung dal ah khan a hung kal i a ṭap; cun a kal pah cun, “Maw ka fapa Absalom, ka fapa, ka fapa Absalom! Nangmah can ah khan keimah hi va thi deuh ning law mu, maw Absalom ka fapa, ka fapa,” tiah a ti.

ROM 9:3

Anmah ca i a ṭha ding a si ahcun keimah hi Pathian chiatserhnak in i Khrih he i ṭhen hmanh kha ka duh deuh.

2 KORIN 1:14

Atu cu nan kan hngalhnak hi a tlam a tling lo ngai, sihmanhsehlaw tlamtling tein nan hun kan hngalh te lai ti kha ka zumh i Bawipa Jesuh ni ah cun kan i chawrmi cu nanmah nan si lai bantukin nan i chawrmi zong kanmah kan si ve te lai.

2 KORIN 1:6

Temhnak kan in ahcun nanmah hnangamnak le khamhnak caah a si; cun hnangamnak kan hmuh ahcun nannih zong nih nan hmuh ve i kan inmi temhnak kha lungsau in nan in khawh ve nakhnga thazang pek nan si.

2 KORIN 11:11

Zeicahdah hitihin bia ka chim? Kan dawt hna lo caah a si maw? Pathian nih kan dawt hna cu a hngalh.

2 KORIN 12:14

Atu hi nanmah tlawn kan timh hna a voi thumnak a si — zeihmanh kan hal hna lai lo. Ka duhmi cu nanmah nan si, nan tangka a si lo. A ngaingai ti ahcun, fale nih pale cu an cawm hna awk a si ṭung lo, pale nih pei fale cu an cawm hna awk a si deuh cu.

2 KORIN 12:9

A ka lehnak cu, “Ka vel hi na caah a za ko, zeicahtiah ka ṭhawnnak cu derthawmnak ah hin a lang,” ti a si. Cucaah cun Khrih ṭhawnnak nih a ka huhphenh ti kha ka hngalh nakhnga, ka derthawmnak ah hin lunglawm tein kaa porhlaw cang.

2 KORIN 2:3

Cucaah cun kha ca nan sin i ka rak ṭial kha a si. Nan sin rat i a ka lawmhtertu ding va si nalak i ka ngaihchiattertu si ding cu kaan duh ti hna lo. Zeicahtiah kaa lawmh tikah nannih zong nan dihlak in nan i lawm ti kha ka hngalh.

2 KORIN 4:12

Cu a sullam cu zeidah a si tiah, kannih chungah cun thihnak nih khan rian a ṭuan i nannih chung tu ah cun nunnak nih khan rian a ṭuan.

2 KORIN 7:2

Nan lungthin chungah hmun rak kan serpiak ve u. Aho nan cung hmanh ah sualnak kan tuah lo, ahohmanh kan in hrawk hna lo, ahohmanh kan in ei kan in hmuar hna lo.

2 KORIN 7:3

Hi bantukin ka chim hi nanmah kha sualphawt kan duh hna caah a si lo; ka chim cang bang khan nannih cu kan lungthin chungah nan um tuk hringhran caah a si i kan nun ah nun ṭi, kan thih ah thih ṭi kan si ko lai.

GALATI 4:10

Ni thiang khun, thla thiang khun, caan thiang khun, kum thiang khun ti ulh kha nan hmang.

FILIPI 2:17

Ka nunnak thisen hi nan zumhnak nih Pathian a pekmi raithawinak sa cungah toih a si hmanh ah cucu ka lawmhmi a si ko lai i cu kaa lawmhnak cu nan dihlak in kan hrawm hna.

KOLOSE 1:24

Nan ca i temhinnak ka huahmi ah hin kaa lawm ko. Zeicahtiah ka pum in ka inmi temhinnak ah hin, Khrih nih a pum a simi khrihfabu ca i a inmi temhinnak a baumi kha ka tlinter.

1THESALON 2:8

Kannih nih kan in dawt hna caah Pathian sinin a rami Thawngṭha lawng hmanh kha si loin kan nunnak tiang hmanh kha hrawm kan in duh hna. Kan dawt ngaingaimi nan si cang.

2TIMOTE 2:10

Cun hi vialte ka innak hi Pathian nih a thimmi hna zawn ka ruah caah a si i Khrih Jesuh thawngin hmuhmi a sunglawimi le zungzal in a hmunmi khamhnak kha hmu hna seh ti ka duh caah a si.

HEBRU 13:17

Nan hruaitu pawl kha an bia ngai hna u law an nawl zul hna u. An rianṭuan ningcang kha Pathian hmaiah chim an duh te lai caah, i din loin nannih kha an in zohkhenh hna. An nawl nan ngaih hna ahcun an rian kha lunglawm tein an ṭuan lai, nan ngaih hna lo ahcun ngaihchia in an um lai i cucu nan caah a ṭhahnem lai lo.