2 KORIN 12:14 - Lai (Hakha) Common Language Bible 2006

¹⁴ Atu hi nanmah tlawn kan timh hna a voi thumnak a si — zeihmanh kan hal hna lai lo. Ka duhmi cu nanmah nan si, nan tangka a si lo. A ngaingai ti ahcun, fale nih pale cu an cawm hna awk a si ṭung lo, pale nih pei fale cu an cawm hna awk a si deuh cu.

Laibaibal Thiang (BSI)

¹⁴ Atu hi nansin rat awk ah timhcia in ka um a voi thumnâk a si. Cun thilrit kan serpiak hna lai lo, zeitintiah nan thil si loin, nanmah kha kan kawlmi hna cu nan si. Zeitintiah fale nih nu le pa caah an chiah piak ballo i nu le pa tu nih fa le caah an chiahpiak tawn hna.

2 KORIN 12:14 ပူးပေါင်းရင်းမြစ်များ

PHUNGTHLÛKBIA 11:30

Dinnak theitlai cu nunnak thingkung a si, sihmanhsehlaw zaang-ennak cu nunnak thah kha a si.

PHUNGTHLÛKBIA 13:22

Miṭha nih cun an fa fa chin tiangin ro an chiahpiak hna, sihmanhsehlaw misual mi nih an pumh luaimaimi chawva cu miding hna sinah a kal ko lai.

PHUNGTHLÛKBIA 19:14

Inn le chawva cu pale sinin hmuhmi ro an si, Sihmanhsehlaw nupi fim cu Bawipa sinin hmuhmi laksawng a si.

EZEKIEL 34:2

A ka thawh i, “Mipa, Israel mi tuukhal hna cu chim hna. Thawh hna law, Nannih tuukhal hna, hihi Bawipa bia an si, ti hna: Anmah zawn lawng aa ruatmi Israel mi tuukhal hna hi ka hei hua hna dah! Tuukhal nih hin tuu kha an zawn ruah awk a si hnga lo maw?

LAMKALTU 20:33

Ahohmanh an ngun zong ka hngar hna lo, an sui zong ka hngar hna lo, an hnipuan zong ka mit an thi bal lo.

1 KORIN 10:24

Ahohmanh nih kanmah ca ṭha ding lawng kha kan zoh awk a si lo, midang ca ṭha ding tu kha kan zoh awk deuh a si.

1 KORIN 10:33

Ka tuahningte khan tuah ve u; ka tuahmi thil paohpaoh ah hin midang lawmhtertu si kha kaa zuam tawn; keimah ca ṭhatnak ding kha ruat loin mi vialte ṭhatnak ding tu kha ka ruat deuh; cu ti ka ruah cu khamhnak an hmuh khawh nakhnga caah a si.

1 KORIN 11:34

Cun nan rawl a ṭam ahcun inn ah i ei ta u, cuticun nan i pumh tikah Pathian biaceihnak nan huat lai lo. Cun thil dang tu cu ka rat tikah kan remhchun te lai.

1 KORIN 16:5

Masidonia ram kha ka tanpah lai caah Masidonia ram ka tlawn dih cun nan sinah ka ra lai.

1 KORIN 4:19

Bawipa duhnak a si ahcun, tuan ah kan tlawng hna lai i hi milungpuam pawl nih hin zeidah an tuah khawhmi taktak a si kha keimah hrimhrim nih ka ra zoh lai, zeidah an chim khawh timi lawng kha si lo in.

1 KORIN 9:12

Midang nih nan sinin cu bantuk hmuh awk kha an i ruahchan ahcun, kannih nih cun kan i ruahchan chinchin awk a si hnga lo maw? Sihmanhsehlaw kannih nih cun, cuticun kan in ti duh hna lo. Khrih kong thawngṭha hi, zeilo nih maw dawn sual lai tiin zeizong vialte kha a in tu in kan in.

1 KORIN 9:18

A si ahcun ṭuan man zeidah ka hmuh? Ka hmuhmi cu, thawngṭha ka chimnak ka rian ah hin, cucu ka hmuh awk, khakha ka hmuh awk ti loin, alak tein ka chim i cu ka chimnak thawngin lungriamhnak ka hmuhmi hi a si.

1 KORIN 9:19

Kei cu miluat ka si, aho sal hmanh ka si lo, asinain mi tam deuh ka lak khawh hna nakhnga ti in mi kip sal ah kaa ser.

2 KORIN 1:15

Hi vialte hi fek tein ka zumh caah nanmah tlawn hmasa kha ka rak i tim, nannih nih thluachuahnak a voi hnih in nan hmuh khawh nakhnga.

2 KORIN 11:9

Nan sin i ka um lioah khan, phaisa ka herh tikah nanmah cu hna kan hnawh hna lo, Masidonia in a rami kan unau pawl nih ka herhmi vialte cu tlamtling tein an rak ka phorh. Kan hnulei i a si cang bantukin kan hmailei zongah siseh ti ka duh: nan caah thilrit ka si bal lai lo.

2 KORIN 12:13

Khrihfabu dang nakin zeitindah chia hlei in kan ti hna? Bawmhnak ka pe u tiin hna kan hnawh hna lo lawng hi chia hlei in kan tinak hna a si ko lo maw? Nan cungah a tlari deuh in ka um rua lo caah ka ngaithiam u.

GALATI 4:19

Ka dawtmi ka fale hna, naunganfah nan caah ka ing ṭhan hoi; nan chung i Khrih sining a um hlan paoh cu ka ing zungzal ko lai.

FILIPI 4:1

Cucaah cun ka dawt i ka ngaihmi ka unaule hna, Bawipa chung i nan nunnak ah khan, cu bantuk cun fek tein dir ko u, nannih cu kaa lawmhnak le ka suiluchin nan si, ka dawtle hna.

FILIPI 4:17

Nan laksawng hmuh ka duh lawng cu a si lo, nan cazin zongah miaknak i ṭial chap ve seh ti ka duh.

1THESALON 2:11

Pa nih a fale a ti hna bantukin kan in ti hna kha nan hngalh.

1THESALON 2:8

Kannih nih kan in dawt hna caah Pathian sinin a rami Thawngṭha lawng hmanh kha si loin kan nunnak tiang hmanh kha hrawm kan in duh hna. Kan dawt ngaingaimi nan si cang.