2 KORIN 12:1 - Lai (Hakha) Common Language Bible 2006

¹ A ṭhathnemnak zeihmanh a um lo hmanh ah kaa porhlawt a hau ko. Atu cu Bawipa nih a ka pekmi langhnak le biathlam kong kha ka chim cang hna lai.

Laibaibal Thiang (BSI)

¹ Hmaihngal hi ka caah hlawknâk a um hrimhrim lo. Bawipa sinin langhnâk le phuannâk kong ka chim rih lai.

2 KORIN 12:1 ပူးပေါင်းရင်းမြစ်များ

EZEKIEL 11:24

Cun thlarau nih a ka cawi i Khaldia-ram i saltangmi hna sinah khan a ka kalpi. Hi thil vialte hi Pathian nih a run thlahmi langhnak khan a rami a si i ka hmuhmi langhnak nih cun a ka kaltak.

NAMBAR 12:6

Cun amah nih, “Ka bia ngai tuah u: Nannih lakah profet an um tikah Bawipa keimah nih langhnak in an sinah kaa hngalhter i mang in ka chawnh hna.

JOHAN 16:7

Sihmanhsehlaw biatak kan chimh hna: ka kal hi nan caah a ṭha deuh, zeicahtiah keimah ka kal lo ahcun Bawmtu kha nan sinah a ra kho lai lo. Ka kal ahcun amah cu nan sinah ka ratter lai.

JOHAN 18:14

Mi vialte caah mi pakhat a thih cu a ṭha deuh tiin Judah mi ruahnak a petu hna kha Kaiafas cu a si.

LAMKALTU 18:9

Zan khat cu Paul nih cun langhnak a hmuh i cu ah cun Bawipa nih a thawh i, “Na thinphang hlah; chim lengmang ko, ngol lai cih,

LAMKALTU 23:11

Cu zan ah Bawipa cu Paul pawngah khan a dir i, “Na lung ṭhul hlah. Jerusalem khua ah keimah tehte na sinak kha na chim cang, cu bantuk ṭhiamṭhiam in Rom khua zongah na tuah hrimhrim lai,” tiah a ti.

1 KORIN 10:23

“Zeipaoh kan tuah khawh ko,” an ti. Asi, an tuah khawh ko, sihmanhsehlaw zeipaoh hi an ṭha dih lo. “Zeipaoh kan tuah khawh ko,” asinain zeipaoh hi kan caah an ṭhahnem dih lo.

1 KORIN 14:6

Cucaah ka u le ka nau hna, nan sin i ka rat tikah holhtheihlo cun bia in chim hna ning law nan caah ka ṭhathnemnak zeital a um hnga maw? Um hlah. Pathian nih a phuanmi bia siseh, hngalhnak bia siseh, biatak fianter khawhnak siseh, cawnpiaknak siseh, kan chimhmi hna chungah khan aa tel ṭung lo ahcun zeihmanh kan ṭhathnem hnanak a um lai lo.

1 KORIN 6:12

Mi cheu nih nan i thawh lai i, “Kei cu zeipaoh tuah onh ka si ko,” nan ti. Asi, zeipaoh tuah onh na si ko lai, sihmanhsehlaw zeipaoh kha na caah a ṭha dih lo. Kei zong nih, “Zeipaoh tuah onh ka si,” ka ti khawh ve, sihmanhsehlaw zeihmanh kaa salter lai lo.

2 KORIN 12:11

Mihrut rianṭuan in rian ka ṭuan ai — nanmah nih cun pei nan ka hruhter ai cu. Nanmah hi a ka thangṭhattu ding nan si nain a ka hruhtertu nan si. Zeihmanh ka si lo nain “lamkaltu” ṭha khun, nan timi hna kha ka tluk lonak hna zeihmanh a um lo.

2 KORIN 12:5

Cucaah cu pa cu kaa porhlaw tuah lai — keimah kong tu cu kaa porhlaw lai lo, zeitluk in dah a derthawmmi ka si a langhtertu thil hna kha dah ti lo cu, zeihmanh kaa porhlaw lai lo.

2 KORIN 12:7

Sihmanhsehlaw ka hmuhmi thil khuaruahhar a tam ruangah porhlaw ruamkai in ka um sualnak hnga lo ka pum ah hin hling pakhat a ka chiah i cu hling Satan lamkaltu cu porhlaw in ka um sualnak hnga lo a ka dawntu dingah a hman.

2 KORIN 12:9

A ka lehnak cu, “Ka vel hi na caah a za ko, zeicahtiah ka ṭhawnnak cu derthawmnak ah hin a lang,” ti a si. Cucaah cun Khrih ṭhawnnak nih a ka huhphenh ti kha ka hngalh nakhnga, ka derthawmnak ah hin lunglawm tein kaa porhlaw cang.

2 KORIN 8:10

Hi rian kong ah hin ka ruahnak cu hi bantuk hin a si: Nikum i nan rak thawk cangmi kha atu cu nan lim ahcun a ṭha deuh ka ti. A ṭuannak lawngah si loin ṭuan thawk duhnak zongah khan lungthin a ngei hmasa bik cu nanmah kha nan rak si.

GALATI 1:12

Cu thawngṭha cu minung sinin ka hmuhmi a si lo i minung nih an ka cawnpiakmi zong a si lo. Ka sinah a phuangtu cu Jesuh Khrih hrimhrim kha a si.

GALATI 2:2

Zeicahdah ka kal ti ahcun Pathian nih na kal awk a si tiah ka sinah a phuan caah a si. Hruaitu pawl he kanmah lawng kan i tonnak ah Jentail mi sin i thawngṭha bia ka chimnak kong kha ka chimh hna. Kan hnulei i ka rak tuahmi rian kha siseh, atu i ka tuahmi rian hi siseh, pakpalawng siter kha ka duh lo.

EFESA 3:3

Pathian nih a thuhmi a khuakhannak cu ka sinah a phuan i a ka hngalhter. (Hi kong hi tawi tein nan sinah ka rak ṭial cang,

1THESALON 4:15

Zeicahtiah kan in chimhmi hna hi Bawipa nih a kan cawnpiakmi a si: Bawipa a rat ni ah kannih a nungmi hna nih hin a thimi kha kan chawhkanh hna lai lo.

1JOHAN 5:20

Pathian Fapa cu a ra cang i hngalhnak a kan pek caah Pathian taktak kha kan hngalh. Kan nunnak cu Pathian taktak a simi a Fapa Jesuh Khrih chungah khan a um; amah cu Pathian taktak le zungzal nunnak cu a si.