2 KORIN 11:4 - Lai (Hakha) Common Language Bible 2006

⁴ Zeicahtiah nan sinah a ra i kannih chimmi si loin Jesuh dang a hung chimmi zong kha nan rak pomhlawm duahmah ko hna i kannih nih kan in chimhmi hna Thlarau le Thawngṭha he aa dang rumro komi thlarau le thawngṭha zong kha nan rak cohlan duahmah fawn ko.

Laibaibal Thiang (BSI)

⁴ Zeitintiah kan in chimhmi hna si loin, Jesuh dang chim ah a rami hna kha nan rak cohlan hna, nan co bal lomi thlarau nan co i na cohlan bal lomi thawngṭha dang zong nan rak co hlan ko mu!

2 KORIN 11:4 ပူးပေါင်းရင်းမြစ်များ

MARKA 7:9

Cun Jesuh nih cun a thawh ṭhan hna i, “Nanmah cawnpiaknak tu kha fehter i Pathian nawlbia hlawt kha cu nan thiam ngai ko.

LAMKALTU 4:12

Amah thawng lawnglawng in khamhnak hi hmuh khawh a si. Zeicahtiah vawlei cung dihlak ah hin a kan khamh khotu ding min dang zeihmanh a um lo,” tiah a ti.

ROM 8:15

Pathian nih an pekmi hna Thlarau cu sal i an canter ṭhantu hna ding thlarau a si lo, ther lengmang le phang lengmang i nan rak nunning ah an kalpi ṭhantu hna ding zong a si fawn lo. Pathian fa ah a kan sertu ding tu kha a si i amah nih cun Pathian kha, “Ka Pa, ka Pa,” tiah a kan auhter khawh.

1 KORIN 3:11

zeicahtiah Pathian nih Jesuh Khrih lawnglawng cu a hram caah khan a chiah cang i hram dang zeihmanh chiah awk ding a um ti lo.

2 KORIN 11:1

Ka hruh deuh hmanh ah rak ka ing hram ko u!

2 KORIN 2:12

Khrih kong Thawng Ṭha kha chim awkah Troas khua ka phak tikah, Bawipa nih cu rian ṭuannak caah lam a ka onh ti kha ka hmuh.

GALATI 3:2

Hi thil pakhat te hi ka chim hnek u, “Pathian Thlarau kha, Nawlbia nih tuah u timi nan tuahnak thawngin maw nan rak hmuh, asiloah thawngṭha nan theih le nan zumhnak thawngin dah nan hmuh?”

1TIMOTE 1:3

Masidonia ram lei ka rak kalpah i ka rak in fial bantuk khan, Efesa khua ah um law ti ka duh. Efesa khua ah khan, cawnpiaknak hmaanlo a cawnpiaktu hna an um i kha hna kha ngolter kho hna law ti ka duh.

1TIMOTE 2:5

Pathian cu pakhat lawng a si i Pathian le minung kar ah remnak sertu cu minung Khrih Jesuh lawng a si,