2 KORIN 11:3 - Lai (Hakha) Common Language Bible 2006

³ Evi cu rul nih a zernak le lih in a hlen bantuk khan nannih zong nan lungthin kha a thu sual lai i thiang tein Khrih nan tlaihchannak kha nan ngol sual lai ti ka phang.

Laibaibal Thiang (BSI)

³ Asinain rulnih a fimzernâk in Evi a hlen bantukin Krih i tluangtlam te i nan umnâk chungin nan ruahnâk kha a hrawh sual lai ti kha ka phang.

2 KORIN 11:3 ပူးပေါင်းရင်းမြစ်များ

GENESIS 3:1

Bawipa Pathian nih a sermi saram hna lakah rul hi a zer bik. Rul nih cun minu kha a thawh i, “Dum chung i a ummi thingthei hi a zeihmanh nan ei lai lo tiah Pathian nih an ti taktak hna maw?” tiah a hal.

GENESIS 3:13

Bawipa Pathian nih minu cu a thawh i, “Zeicahdah hihi na tuah?” tiah a hal. Minu nih cun, “Rul nih a ka hlen i a ka eiter,” tiah a leh.

GENESIS 3:20

Mipa nih a nupi cu a min ah Evi a sak, zeicahtiah amah cu minung vialte nu a si.

GENESIS 3:4

Rul nih cun, “Cucu ahmaan lo; nan thi lai lo.

SALM 119:53

Miṭhalo nih na phunglam an hrawh ka hmuh tikah ka thin a hung.

MATTHAI 24:24

Zeicahtiah nal messiah le nal profet kha an chuak lai i Pathian mithim hna hmanh kha a si khawh ahcun hlen khawhnak ding caah hmelchunhnak le khuaruahhar nganngan an ser hna lai.

JOHAN 8:44

Nannih cu nan pa Khuachia fa kha nan si i tuah nan duhmi cu nan pa duhnak kha a si. Amah cu a hramthawk tein lainawng a rak si. Biatak kha zeitikhmanh ah a ṭanh bal lo, zeicahtiah a chungah biatak zeihmanh a um lo. Lih a chim tikah a tuah tawn zungzalmi kha a tuah a si ko, zeicahtiah anih cu milihchim a si i lih vialte pa a si.

ROM 12:8

midang thazang pek kha a si ahcun kan pek hna awk a si, kan ngeihmi thil midang hrawm ve kha a si ahcun siang tein kan hrawm hna awk a si, nawl ngeihnak kha kan laksawng hmuhmi a si ahcun, fak piin rian kan ṭuan awk a si; midang zaangfah kha a si ahcun lunglawm tein kan zaangfah hna awk a si.

2 KORIN 1:12

Kan i uanmi cu hihi a si: hi vawlei cung kan nunning ah hin le nanmah he kan i pehtlaihnak ning ah hin kan umtu ziaza cu vawlei cung fimnak nih si loin Pathian vel a ṭhawnnak nih a uk i hlangfang le lungthin tak tein nan sinah khua kan sa, hihi kan chiaṭha thleidannak nih fiang tein a kan hngalhpimi a si.

2 KORIN 11:20

A uk in an in uk hna tikah, an in hlen hna tikah, an in foih hna tikah, an in zohchuk hna tikah, nan hmai i an in bengh hna tikah, nan in ko hna.

2 KORIN 11:29

Pakhatkhat an derthawm ah, kei zong ka derthawm ve, pakhat khat sualnak chung i an tlak ah lungretheih in ka thi.

2 KORIN 2:17

Kannih cu Pathian bia kha, thil man fawi bantuk men in a tawngthammi hna bantuk kan si lo; kannih cu Pathian nih khan a kan thlah caah, amah hmaiah Khrih sal bantukin lungthin tak tein bia kan chim.

2 KORIN 4:2

Ningzak a simi thil, a thli tein tuahmi thil vialte kha kan hlawt hna i ahohmanh hleng lo tein kan um, Pathian bia zong kha hlennak ah kan hmang bal lo. Biatak kha hlangfang tein kan chim i cuticun Pathian hmaika ah kan minung hawi cu nanmah nih nan chiaṭha thleidannak ningin kan chiat le kan ṭhat cu ruat ko u, kan ti hna.

GALATI 1:6

Ka khuaruah nan har ko. Luklak ah Khrih velngeihnak in an autu hna kha nan hlawt i thawngṭha dang kha nan zuan.

GALATI 2:4

a cheu nan unau ka si ve aa titermi hna, kan bu chung i aa fon vemi hna bel nih i tan seh ti an duh. Hi hna hi kan bu chungah a thli in a rung lutmi an si i annih nih dothlat an duhmi cu Khrih Jesuh he kan i pehtlaihnak thawngin kan hmuhmi luatnak kong kha a si. Kannih cu sal i ser kha an kan duh.

GALATI 3:1

Galati mi mihrut hna! Aho nih dah an in hamh hna? Jesuh Khrih vailam cung i a thihnak cu fiang tein kan in hmuhter ko ṭung hna!

GALATI 4:11

Nan ca i har lengmang in ka ṭuanmi vialte kha pakpalawng ah nan canter sual lai ti ka phang ko.

EFESA 4:14

Midang a palhter tawntu hlenthiammi hna cawnpiaknak tilet le thlichia bantuk a simi nih a kenkip ah a choihmi ngakchia bantuk hna si ti loin,

EFESA 4:22

Cucaah nan rak nun tawnning in an nuntertu hna nan mihring hlun kha hlaw u, cu mihring hlun cu pumsa duhnak hlenhmang nih a hrawh lengmang tawnmi kha a si.

EFESA 6:24

A thi kho lomi dawtnak in kan Bawipa Jesuh Khrih a dawmi nan dihlak cungah Pathian vel cu um ko seh.

KOLOSE 2:18

Langhnak a sang khunmi kan hmu i cucaah hawi nakin kan cungnung deuh, tiah aa ruat i kanmah le kanmah nih kan pum hi kan hrem awk a si, tiah a ti i vancungmi kha kan biak hna awk a si, a timi hna nih khan, sual zeihmanh in phaw hna hlah seh. Cu bantuk mi nih cun, sullam zei set um ṭung loin, minung ruahning in thil an ruahmi kha an i porhlaw i

KOLOSE 2:4

Cucaah hihi kan chimh hna: ahmaan lomi bia in ahohmanh i hlenter hna hlah u, an bia cu zeitluk hmanh in a ṭhami lo ko hmanh seh law i hlenter hna hlah u;

KOLOSE 2:8

Khrih chungin si loin, van le vawlei uktu thlarau hna sinin le minung nih pakhat le pakhat an i cawnpiak chin lengmangmi chungin a chuakmi minung fimnak, santlaihnak zeihmanh a ngei lomi fimnak, hlennak menmen a simi cu hmang in, ahohmanh nih sal ah in ser hna hlah seh.

1THESALON 3:5

Cucaah Timote cu nan sinah ka hun thlah. Um sawhsawh cu ka ing kho ti lo i nan zumhnak zeidah a lawh hnga ti hngalh duh ah amah cu ka ratter. Khuachia nih an tukforh hna zong a si kho ko i kan rian ṭuanmi kha pakpalawng ah a cang dih sual lai ti zong ka phang.

1TIMOTE 1:3

Masidonia ram lei ka rak kalpah i ka rak in fial bantuk khan, Efesa khua ah um law ti ka duh. Efesa khua ah khan, cawnpiaknak hmaanlo a cawnpiaktu hna an um i kha hna kha ngolter kho hna law ti ka duh.

1TIMOTE 2:14

Hlen khawhmi cu Adam kha a si ṭung lo, nu kha pei a si i Pathian nawl zong a buar kha.

2TIMOTE 3:13

sihmanhsehlaw miṭhalo le chungthu lengnal pawl cu a ṭhalo chin lengmang khan an um lai i midang kha an hlen lengmang hna lai i anmah le anmah zong kha an i hleng lengmang lai.

TITAS 1:10

Uk khawh lomi tam tuk an um i Judah phung in Khrihfa phung i a hung lutmi hna lakah hin an tam khun; an duhduh in bia an chim i mi ruahnak kha a ping a pang ah an kalter.

HEBRU 13:9

Cawnpiaknak hmaan lo a phunphun kha a pingah i hruaiter hna hlah u. Pathian vel nih nan lung kha a ṭhawnter ahcun a ṭha, rawl kong phunglam zulh nih cun zeihmanh ṭhathnemnak a chuahpi lo; hi bantuk phunglam a zulmi hna cu an zulhmi phunglam nih khan zeihmanh a bawm hna lo.

2 PETER 3:17

Sihmanhsehlaw ka hawile hna, nannih nih cun hihi cu nan hngalh cang. Cucaah cun nawlbia zeihmanh ah a rel lomi pawl an palhnak nih khan a pingah an hruai sual hna nakhnga lo le him tein nan umnak hmun ah khan nan um i nan tlak sual nakhnga lo, ralring tein um ko u.

2 PETER 3:3

A hmasa bik ah nan hngalh awk i ka duhmi cu, caan donghnak caan ah cun, an pumsa duhnak nih a ukmi hna kha an hung chuak lai. Nannih cu an in nihsawh hna lai i

1JOHAN 2:18

Ka dawtmi ka fale hna, caan donghnak cu atu hi a si. Khrih Ral kha a ra lio, tiah nan theih i atu ah hin Khrih ral tampi an hung chuak cang; cucaah cun caan donghnak cu atu hi a si cang ti kha kan hngalh.

1JOHAN 4:1

Ka fale hna, Thlarau kan ngei, aa timi paoh khan va zum hna hlah u. An ngeihmi Thlarau cu Pathian sinin a rami a si maw si lo ti kha va hlathlai hmasa u. Zeicahtiah profet deu kha vawlei cung a kenkip ah an kal cang.

JUDAS 1:4

Zeicahtiah kan lakah hin Pathian zei i a rel lomi kha kan hngalh loin an lut i anmah ziaza ṭhalo thuhphenhnak caah khan Pathian vel kong kha ahmaan loning in an chim i kan Uktu le kan Bawipa a simi Jesuh Khrih kha an hlawt. Hi bantuk mi hna cu sualphawt an si lai ti kha Cathiang nih hlanpi in a rak chimchung cang.

BIAPHUAN 12:15

Cun minu cu fenh seh tiah limkeng nih khan a kaa chungin tilian a chuahter.

BIAPHUAN 12:9

Limkeng nganpi cu lengah an hlonh. Cu limkeng cu rulpi tar, Khuachia, asiloah, Satan timi, vawleicung mi vialte a hleng dihtu hna kha a si. Amah cu a vancungmi vialte hna he vawlei ah an thlak hna.

BIAPHUAN 20:2

Rulhreu, limkeng kha a tlaih i kum thong khat a hren — cu limkeng cu Khuachia, asiloah, Satan kha a si.