2 KORIN 11:27 - Lai (Hakha) Common Language Bible 2006

²⁷ Rian hrang ṭuan awk a um tawn, zan it loin voi tampi ka um a herh tawn, tihal le rawlṭam voi tampi ka in; rawl ei awk ngei lo le i dornak ngei lo le puan ngei loin ka um tawn.

Laibaibal Thiang (BSI)

²⁷ zânghlei cawi i thabat tuk le buhrinâk ah voitampi, mitkuh vuailonâk ah, rawlṭam tihalnâk ah, voitampi rawlulhnâk ah, taklawng i khuasik temtuarnâk ah,

2 KORIN 11:27 ပူးပေါင်းရင်းမြစ်များ

JEREMIAH 38:9

“Siangpahrang ka bawipa, hi mi hna nih profet Jeremiah cung i an tuahmi hi a ṭha hrimhrim lo. Annih nih khor chungah an hlonh i khua chung i rawl a um ti lo tikah a umnak hmun ah khan rawl ṭam in a thi lai,” tiah a ti.

MATTHAI 17:21

Sihmanhsehlaw hi bantuk cu thlacamnak le rawl ulhnak lawng nih a ṭhawl khawh; zei dang nih cun a ṭhawl kho lo,” tiah a ti.

LAMKALTU 14:23

Khrihfabu kip ah khan khrihfa upa an chiah hna i thlacamnak le rawl ulhnak he, an i bochanmi Bawipa kut chungah khan, an chiah hna.

LAMKALTU 20:31

Cucaah ralring tein um ko u, mitthli he chun zan in kum thum chung nan dihlak in kan cawnpiak hna kha philh hlah u.

1 KORIN 7:5

Kan caan cu thlacamnak ah hman kan duh tiin pakhat le pakhat kha i reem hlah u; nan pahnih in caan khatkhat chung kha cuticun kan um lai tiah hnatlaknak nan ngeih hmasa ṭung lo ahcun; cu hmanh ah nan i sum khawh lo sual i Satan tukforhnak chungah nan tlak nakhnga lo, nu le va sinak kha thawk ṭhan ko u.

2 KORIN 11:23

Khrih sal an si maw? Annih nakin sal ṭha deuh ka si — mihrut ka lo ai ne. Anmah nakin fak deuh piin rian ka ṭuan, thong voi tam deuh ka tla, tuknak voi tam deuh ka ing, thihnak ing dengmang in voi tam deuh ka um.

2 KORIN 6:5

An kan tuk, thong ah an kan thlak, zapi bawmh in an kan bawmh; kan thazang celh lo tiangin an kan ṭuanter, hngilh lo le rawl loin kan um.

FILIPI 4:12

Herhbau in um kha zeidah a lawh ti ka hngalh, cun a hlei a hluat in ngeih kha zeidah a lawh ti zong kha ka hngalh. Cucaah khuazeika hmanh ah, zeitik caan paoh ah, ka paw a khim ah siseh ka rawl a ṭam ah siseh, tam tuk ka ngeih ah siseh, tlawm tuk ka ngeih ah siseh, lungsi hnangam tein um kha ka thiam cang.

1THESALON 2:9

U le nau hna, har lengmang in rian kan ṭuan kha nan hngalh ko. Pathian sinin a rami Thawngṭha kan in chimh hna tikah khan, kannih cu nan caah thilrit kan sinak hnga lo, chun he zan he rian kan ṭuan.

2 THESALON 3:8

Ahohmanh nih alak in nan kan cawm lo. Kanmah te nih rian kan ṭuan, aho nan ca hmanh ah thilrit kan si nakhnga lo chunzan in kan ṭuan.

HEBRU 11:37

Lung in an cheh hna, hluah in cheu hnih ah an chuah hna, vainam in an thah hna. Tuu phaw le meheh phaw i aih in an vak hniapmap i hremnak le serhsatnak kha an ing.