2 KORIN 11:11 - Lai (Hakha) Common Language Bible 2006

¹¹ Zeicahdah hitihin bia ka chim? Kan dawt hna lo caah a si maw? Pathian nih kan dawt hna cu a hngalh.

Laibaibal Thiang (BSI)

¹¹ Zeiruangah? kan dawt hna lo ruangah maw? Pathian nih a hngalh!

2 KORIN 11:11 ပူးပေါင်းရင်းမြစ်များ

SALM 44:21

nangmah nih na hmuh ṭheoṭheo hnga, zeicahtiah minung lungthin chung biathli cu na hngalh dih.

JOHAN 21:17

Cun Jesuh nih cun, “Johan fapa Simon, na ka daw maw?” tiah a ti ṭhan hoi. Jesuh nih, voi thum tiang, na ka daw maw, tiah a hal caah khan Peter cu a ngaih a chia i, “Bawipa, nangmah nih zeizong vialte na hngalh dih, kan dawt cu na hngalh ko hen cu,” a ti. Jesuh nih cun, “Ka tuu kha zohkhenh hna.

LAMKALTU 15:8

Cun minung lungthin a hngaltu Pathian nih Jentail mi a cohlan hnanak cu, kanmah a rak kan pekmi bantuk tein Thiang Thlarau a pek ve hnanak ah hin a lang.

ROM 1:9

Ka chimmi bia hi ahmaan tiah Pathian cu tehte ah kaa lak ngam — cu Pathian rian, a Fapa kong Thawngṭha chim hi ka lungthin dihlak in ka ṭuanmi cu a si.

2 KORIN 11:10

Hi kaa porhlawtnak hi Grik ram chung khuazeihmanh ah ahohmanh nih an daihter kho lai lo tiah Khrih biatak ka chung i a ummi hin kaa kam.

2 KORIN 11:31

Bawipa Jesuh i a Pathian le a Pa nih lih ka chim lo cu a hngalh — a min cu zungzal in thangṭhat si ko seh.

2 KORIN 12:15

Nanmah bawmhnak dingah hin ka ngeihmi vialte le ka pum zong hi hman dih ka duh ko. Cu tlukin kan dawt hringhran hna caah cun, daw lo deuh in nan ka um awk a si maw?

2 KORIN 2:17

Kannih cu Pathian bia kha, thil man fawi bantuk men in a tawngthammi hna bantuk kan si lo; kannih cu Pathian nih khan a kan thlah caah, amah hmaiah Khrih sal bantukin lungthin tak tein bia kan chim.

2 KORIN 7:3

Hi bantukin ka chim hi nanmah kha sualphawt kan duh hna caah a si lo; ka chim cang bang khan nannih cu kan lungthin chungah nan um tuk hringhran caah a si i kan nun ah nun ṭi, kan thih ah thih ṭi kan si ko lai.

HEBRU 4:13

Pathian sinin thuh khawhmi thil zeihmanh a um lo. Sermi thil vialte hi an dihlak in a hmaika ah an lang dih hirhiar i amah sinah cun kan kong cu kan i chim cio lai.

JOSHUA 22:22

Bawipa cu pathian hna Pathian a si, Amah nih a hngalh dih, Israel zong nih hngal seh. Bawipa kan doh ruang a si ah maw Amah cung i zumhawktlak lo kan si ruangah maw

BIAPHUAN 2:23

Cun a zultu hna zong kha ka thah hna lai i Khrihfabu vialte nih khan keimah cu minung lungthin le duhnak a hngal dihtu ka si kha an hngalh lai. Nannih cu nan tuahmi ning cio ah kan cham hna lai.