2 KORIN 11:1 - Lai (Hakha) Common Language Bible 2006

¹ Ka hruh deuh hmanh ah rak ka ing hram ko u!

Laibaibal Thiang (BSI)

¹ Ka hruhdeuh hmanh ah ka ing hram u, asi in zong nanka in ko.

2 KORIN 11:1 ပူးပေါင်းရင်းမြစ်များ

2 SIANGPAHRANG 5:3

Cun a bawinu sinah cun, “Samaria i a ummi profet sinah ka bawipa hi va kal seh law ka hei duh dah! A thinghmui zawtnak hi a hei damh ko hnga,” tiah a ti.

NAMBAR 11:29

Sihmanhsehlaw Moses nih anih cu, “Keimah ca lawngin dah ra na ruah hi? Bawipa mi vialte hi profet si dih in, annih cungah Bawipa nih a thlarau chia seh law ka hei tinak lakah cun!” tiah a ti.

MATTHAI 17:17

Jesuh nih cun a leh i, “Nannih cu a zum kho lomi le a palhmi nan si hrimhrim ko. Zei can dah nan sinah ka um awk a herh lai? Zei can dah kan umpi hna a herh lai? Ngakchiapa cu ka sinah hin ratpi u,” tiah a ti hna.

LAMKALTU 18:14

Paul nih bia chim a hun i zalh hnek lioah khin Gallio nih cun Judah mi cu a thawh hna i, “Judah mi hna, hi thil hi ṭhat lonak le sualnak tuahnak kongah a si ahcun, nan cungah hin lungsaunak ka ngeih awk cu aa dawhmi zong a si ko hnga.

LAMKALTU 26:29

Paul nih cun, “A fawi ah siseh, a har ah siseh, Pathian sinah ka thlacamnak cu nangmah le nihin i ka bia a theimi vialte hi keimah bantuk si ve u law ti hi a si — hi thir cincik bel chim lo hin,” tiah a ti.

1 KORIN 1:21

Minung nih anmah fimnak in Pathian hngalh khawh lo ding kha Pathian nih a fimnak in a rak tuahmi a si. Kan chimmi “hruh bia” tu hin Pathian nih zumhnak a ngeimi cu khamh a duh hna.

1 KORIN 3:18

Hi kong ah hin palh sual hrimhrim hlah u: nan lakah ka fim ti aa ruatmi nan um ahcun, — ka chim duhmi cu hi vawlei cung fimning in ka fim ti aa ruatmi nan um ahcun ka ti duhnak a si — mifim ngaingai a si khawh nakhnga mihrut ah i cang seh.

1 KORIN 4:10

Kannih cu Khrih ruangah mihrut kan si; nannih tu cu Khrih chungah mifim nan si! Kannih cu kan der, nannih cu nan ṭhawng, kannih cu nautatnak kan hmu, nannih cu upatnak nan hmu.

1 KORIN 4:8

Nan herhmi paohpaoh cu nan ngeih dih ko cang. Nannih cu nan lian in nan rum ko cang. Nannih cu siangpahrang nan si cang, kannih bel kan si lo. Siangpahrang hei si taktak u law ka hei duh dah, kannih zong nan sinah siangpahrang kan si ve hnga!

2 KORIN 11:19

Nannih cu fim tuk u cikaw, mihrut cu nan in khawh zungzal ko hna cu ta.

2 KORIN 11:21

Cu bantuk kan tuah ngam ve lo cu, ningzak kan si taktak ko! Asinain aa porhlaw ngammi an um ahcun, kaa porhlaw ngam ve ko — mihrut biachim in hei chim ko ning law.

2 KORIN 11:4

Zeicahtiah nan sinah a ra i kannih chimmi si loin Jesuh dang a hung chimmi zong kha nan rak pomhlawm duahmah ko hna i kannih nih kan in chimhmi hna Thlarau le Thawngṭha he aa dang rumro komi thlarau le thawngṭha zong kha nan rak cohlan duahmah fawn ko.

2 KORIN 12:11

Mihrut rianṭuan in rian ka ṭuan ai — nanmah nih cun pei nan ka hruhter ai cu. Nanmah hi a ka thangṭhattu ding nan si nain a ka hruhtertu nan si. Zeihmanh ka si lo nain “lamkaltu” ṭha khun, nan timi hna kha ka tluk lonak hna zeihmanh a um lo.

2 KORIN 5:13

Mihrut cu kan si taktak ko maw? Kan si ahcun Pathian ruangah a si ko lai. Kan fim a si ahcun nanmah ca dingah a si.

HEBRU 5:2

Amah zong cu phun tam piin tlin lonak a ngeimi a si ve caah khan a hrutmi le a palhmi cungah khan lungnemnak a ngei kho.

JOSHUA 7:7

Cun Joshua nih, “Aize, maw Bawipa Pathian, kannih cu hrawh awk men i Amor mi kut chung i pek awkah zeicahdah hi mi hna cu Jordan tiva ral ah na kalpi hna? Jordan tiva ral i khua rak sak kha kan lung rak tling ko seh law mu!