2 KORIN 10:4 - Lai (Hakha) Common Language Bible 2006

⁴ Raldohnak i kan hmanmi hriamnam cu vawlei cung hriamnam an si lo, ralhruang fekfek a hrawk khotu Pathian hriamnam tu kha an si. A hmaan loin bia i alnak kha kan hrawh,

Laibaibal Thiang (BSI)

⁴ Kannih ral dohnâk ralthuam hna cu taksa thil an si lo, a fekmi ralhruang chimkhotu Pathian ṭhawnnâk tu a si,

2 KORIN 10:4 ပူးပေါင်းရင်းမြစ်များ

SALM 110:2

Zion in a rami Bawipa nih, uknak nawl cu an pek tikah, “Na ral cu uk hna,” an ti lai i na nawl ngeihnak cu hmun dang tiangin a karh lai.

ISAIAH 30:25

Nan ral hna cu an ralhruang nan chuh hna i an mi nan thah hna ni ah tlang kip le fing kip in ti an luang lai.

JEREMIAH 1:10

Zohhmanh nihin ah hin nangmah cu miphun hna cung le pennak hna cungah, phawi awk le ṭheh awkah, hrawh awk le hral awkah, sak awk le phun awkah kan chiah cang,” tiah a ti.

JEREMIAH 23:29

Ka bia cu mei bantuk i kangh hmang a si lo mei? Lungpi a cheutu sobul bantuk a si lo mei?

LAMKALTU 7:22

Moses cu Izipt fimnak vialte kha an cawnter i bia ah siseh, thil tinak ah siseh, mingan ngaingai ah a hung cang.

ROM 13:12

Zan cu a dih dengmang cang, khua a ceu dengmang cang. Muihnak thil a simi tuah kha ngol cang u si law ceunak chung i raldoh awkah hriamnam kha i lak u sih.

ROM 6:13

Cun nan pum a zeihmanh kha thil ṭhalo tuahnak ding caah sualnak kha pe ti hlah u. Thihnak in nunnak ah thawhter ṭhanmi bantukin Pathian sin tu ah i pe u law dinnak tuahnak ding caah nan pum cu a ningpi in Pathian cu pe ko u.

1 KORIN 2:5

Cucaah cun nan zumhnak cu minung fimnak ah aa bunhmi si loin Pathian ṭhawnnak i aa bunhmi tu a si deuh.

1 KORIN 9:7

Ralkap aho nih dah ralkap chung i an um lioah anmah tein an paw an i cawm bal? Lothlopa ahodah a lo chungin a chuakmi mitsur thei ei loin a um bal? Tuukhal ahodah a tuurun chungin a hmuhmi tuu hnuk ding loin a um bal?

2 KORIN 10:8

Bawipa nih a ka pekmi nawlngeihnak cu a hlei deuh in ka hman a si zong hmanh ah ka ning a zak lo, cu nawlngeihnak ka hmuhmi cu nanmah ṭhehnak nawlngeihnak si loin nanmah saknak nawlngeihnak tu a si.

2 KORIN 13:10

Hi ruangah hin a langhlat in ca kan kuat hna hi a si. Ka duhnak cu nan sin ka phak tikah Bawipa nih a ka pekmi nawlngeihnak kha hraang ngaiin hman herh hlah ning ti hi a si — cu nawlngeihnak cu nanmah ṭhehnak nawlngeihnak si loin nanmah saknak nawlngeihnak tu a si deuh.

2 KORIN 3:5

Hi rian hi kan ṭuan khawh vun i ti awkah kanmah ah hin zeihmanh i chim awk kan ngei lo. Kan ṭuan khawhnak cu Pathian sinin a rami a si i

2 KORIN 4:7

Asinain hi thlarau rothil a kengtu kannih hi tlak um bantuk men kan si, cu nih cun thil ti khawhnak ṭhawnnak hi kanmah ta si loin Pathian ta a si ti kha a langhter.

2 KORIN 6:7

biatak kan chimnak le Pathian ṭhawnnak nih khan Pathian sal kan sinak cu an langhter fawn. Raldohnak caah siseh, kanmah ralvennak caah siseh kan hmanmi cu dinnak a si.

1THESALON 5:8

Sihmanhsehlaw kannih cu chun mi kan si caah lung fim tein kan um awk a si. Zumhnak le dawtnak cu kan phaw ah kan i hruk awk a si i khamh kan i ruahchannak cu luchin ah kan i chinh awk a si.

1TIMOTE 1:18

Ka fa, Timote, hi bantukin mi va chimhhrinnak ding rian hi na kut chungah ka chiah. Hi ka chiahmi cu nangmah kongah rak chimchungmi bia ning khan a si. Kha bia kha raldohnak hriam ah i hman hna law na zumhnak le na lungthin kha fek tein umter hna.

2TIMOTE 2:3

Khrih Jesuh ralkap zumh awk tlak bantukin sifah innak ah khan ing ve ko.

HEBRU 11:30

Israel mi nih ni sarih chung an vel hnuah Jeriko khua kulhnak vampang a cimhtertu kha zumhnak a si.

JOSHUA 6:20

Cucaah mi cu an au i muko cu tum an si. Mi nih muko thawng kha an theih cangka tein, mi cu fak piin an au i ralhau cu a tlu, cu caah anmah le an hmai zawn cio khan mi cu khua chungah cun an hung lut i khua cu an lak.