2 KORIN 10:18 - Lai (Hakha) Common Language Bible 2006

¹⁸ Zeicahtiah mi cu amah le amah kha ka ṭha tiin aa ruah tikah hin Pathian nih a cohlan a si lo i Bawipa nih a ṭha ti in a ruah lawngah hin a cohlan a si.

Laibaibal Thiang (BSI)

¹⁸ Zeitintiah mah le mah i thangṭhat cu conglomh an tong bal lo. Bawipa nih a thangṭhat ahcun conglomh a tong deuh lai.

2 KORIN 10:18 ပူးပေါင်းရင်းမြစ်များ

PHUNGTHLÛKBIA 12:8

Na fim ahcun thangṭhatnak na hmuh lai, na hruh ahcun mi nih an in zohchuk lai.

PHUNGTHLÛKBIA 21:2

Mi kip nih mahle umtuning cio hi mahle mit cio ah cun a dik in hmuh a si, Sihmanhsehlaw lungthin cuai a thlaitu cu Bawipa a si.

PHUNGTHLÛKBIA 27:2

Nangmah kaa nih si loin midang tu nih in thangṭhat deuh hna seh, nangmah hmur nih si loin khual tu nih in thangṭhat deuh hna seh.

LUKA 16:15

Jesuh nih a thawh hna i, “Nannih hi minung mithmuh i miding aa lawhtermi pawl nan si, sihmanhsehlaw Pathian nih cun nan lungthin cu a hngalh ko. Zeicahtiah minung nih man sung ngai i an ruahmi cu Pathian mithmuh ah cun pakpalawng a si ko.

JOHAN 12:43

Minung sinin mithmai ṭha hmuh kha Pathian sin i hmuh nakkhan an duh deuh.

LAMKALTU 2:22

“Israel mi hna, hi ka bia hi ngai tuah u. Nazareth khuami Jesuh cu Pathian nih rian a fialmi a si ti kha, Pathian nih amah thawngin a tuahmi khuaruahharnak tehna, hmelchunhnak tehna le thil lianngan hna nih khan an langhter ko; hi ka chimmi hi nanmah hrimhrim nih nan hngalhmi an si, zeicahtiah nanmah lak hrimhrim ah a rak tuahmi thil an si.

ROM 14:18

Cu bantukin Khrih rian a ṭuanmi paoh cu Pathian nih a lawmh hna i minung nih an thangṭhat hna.

ROM 16:10

Khrih zumhnak ah a fel ngaingaimi Apelles kha na kut kan tlaih. Aristobulus innchungkhar kha nan kut kan tlaih hna.

ROM 2:29

chunglei in Judah mi a si i a lung chungin cuarpar aa tanmi kha Judah mi taktak cu a si. Cucu ṭialmi Nawlbia rian ṭuannak kha si loin Pathian Thlarau rianṭuannak kha a si. Cu bantuk mipa cu minung sinin si loin Pathian sinin thangṭhatnak kha a hmu.

1 KORIN 11:19

(Aho hi dah ahmaan ti hngalhnak caah a si ahcun, i ṭhen zong cu a ṭha ve sawk.)

1 KORIN 4:5

Cu a si caah a caan a phak hlanah ahohmanh na sual, na thiam va ti hna hlah u. Donghnak biaceihnak cu Bawipa a rat tik lawnglawng ah a si te lai, zeicahtiah mi nih an lungthli tein an rak i tinhmi le a muihnak ah an thuhmi an biathliruk vialte kha amah nih cun a phuan dih hna lai i cu tikah cun mi vialte nih hmuh awk an i tlakmi thangṭhatnak kha Pathian sinin an hmuh cio te lai.

2 KORIN 10:12

Cu tluk sang i aa chiami hna he cun kan i tahchunh ngam in kan i rel chih ngam taktak lai lo! An va hrut thiam dah. Anmah tahnak dingah khan anmah lila nih pei tahnak tlangrel cu an i ser ko cu.

2 KORIN 13:7

Kanmah kha a hlawhtlingmi kan si ti langhnak ding caah si loin, santlailo kan si ko hmanh ah nannih nih cun ahmaan lomi thil kha tuah loin ahmaanmi thil kha nan tuah nakhnga Pathian sinah thla kan cam.

2 KORIN 3:1

Hiti kan ti tikah hin mah thangṭhat kan lo hoi hnga maw? Midang bantukin kannih zong nanmah ṭialpiakmi siseh, nanmah sin kuatmi siseh, thangṭhatnak ca i ken kan herh ve dahra?

2 KORIN 5:12

Kanmah le kanmah kha nanmah sin i i thangṭhat kan i zuam ṭhan a si lo, nanmah tu nih kan thangṭhat u tiah caan ṭha kan in pek hna a si. Cuticun lenglei thil lawng a duh i lungchung thil a ruat set ṭung lomi pawl kha an bia nan leh khawh hna lai.

2 KORIN 6:4

Kan i zuammi tu cu zei kan tuahnak hmanh ah Pathian sal kan si ti langhter kha a si i hnahnawhnak le harnak le retheihnak kha lungsau thinfual in kan in hna.

2TIMOTE 2:15

A rian a zahpi lomi, Pathian biatak hmaan tein mi a cawnpiaktu saya bantukin Pathian hnatlaknak kha na hmuh khawh nakhnga fak piin i zuam.

1 PETER 1:7

Hneksaknak nan inmi cu nan zumhnak kha a tak maw tak lo ti hngalhnak caah a si lai. Hrawh khawh a simi thil cu, sui hmanh hi hneksak a hau, cucaah sui nakin let tam piin a sung deuhmi nan zumhnak cu, hneksaknak kha chuak lakin a in khawh nakhnga, hneksak a hau ve. Cun Jesuh Khrih a langh Ni ah cun thangṭhatnak le upatnak le sunparnak kha nan hmuh lai.