2 KORIN 1:9 - Lai (Hakha) Common Language Bible 2006

⁹ Kannih cu thi dingin biakhiah kan si ko cang tiin kan i ruah. Asinain hi ti thil a rak um cu kanmah le kanmah kha i bochan loin, mithi a thawhtertu Pathian kha kan i bochan deuhnak hnga caah a rak si.

Laibaibal Thiang (BSI)

⁹ Asi, thih lawng a si ko cang tiah kan ruah, kanmah ah i hngatchan loin, mi thi tiang a thawhtertu Pathian lawnglawng kan i hngatchan nâkhnga caah a si,

2 KORIN 1:9 ပူးပေါင်းရင်းမြစ်များ

JOB 40:14

Khi tikah nangmah cu, nangmah orhlei kut lila nih an khamh khawh ti kha kan hngalhpi lai.

SALM 22:29

Miporhlaw vialte kha a hmaiah an kun lai, a thi khomi minung, a thi ding a si komi vialte hna kha a hmaiah an kun lai.

PHUNGTHLÛKBIA 14:32

Miṭhalo cu amah ṭhat lonak nih a thluk, sihmanhsehlaw miding cu a dinnak nih khan a huhphenh.

PHUNGTHLÛKBIA 28:26

Mah ruahnak i rinh cu hruh a si, sihmanhsehlaw fimnak lam a zulmi cu him tein a lan ko lai.

ISAIAH 38:10

Ka nunnak hi chantling tein nun thlu loin Ka chan lailing ah mithi khua ah ka kal rua lai tiah ka rak ruah.

EZEKIEL 33:13

Miding mi cu na nunnak khamh a si lai, ka ti tikah ka din ruangah a si, tiin aa ruah sual ko hnga i palhnak kha a tuah ko hnga, cu tikah cun dinnak a rak tuahmi vialte kha pakhat hmanh hngalhpiak a si lai lo; ṭhat lonak a tuahmi ruangah cun a thi ko lai.

LUKA 18:9

Anmah kha kan ṭha tiah aa ruat i midang vialte kha zei a rel lomi hna sinah Jesuh nih hi tahchunhnak bia hi a chim.

ROM 8:36

Cathiang nih, “Nangmah ruangah chun nitlak thah hrulh lengmang in kan um; thah awk i kalpimi tuu bantukin an kan tuah,” tiah a ti bantuk khan a si.

2 KORIN 1:10

Cu tlukin ṭih a nungmi thihnak chungin a kan khamh i hmailei zongah a kan khamh ko lai.

2 KORIN 1:8

U le nau hna, Asia peng chung i harnak kan tonmi kha hngalhter ṭhan kan in duh hna. Kan cung i an kan khinhmi thil kha rak rit tuk, rak ngan tuk kaw, nun lai hmanh kan i ruah lo.

2 KORIN 3:5

Hi rian hi kan ṭuan khawh vun i ti awkah kanmah ah hin zeihmanh i chim awk kan ngei lo. Kan ṭuan khawhnak cu Pathian sinin a rami a si i

2 KORIN 4:7

Asinain hi thlarau rothil a kengtu kannih hi tlak um bantuk men kan si, cu nih cun thil ti khawhnak ṭhawnnak hi kanmah ta si loin Pathian ta a si ti kha a langhter.

HEBRU 11:19

Abraham nih khan, Pathian nih Isak cu thihnak in a thawhter khawh ko, tiah a rak zumh i cu bantuk cun Pathian nih Isak cu thihnak in a thawhter ti awk a si taktak.