2 KORIN 1:6 - Lai (Hakha) Common Language Bible 2006

⁶ Temhnak kan in ahcun nanmah hnangamnak le khamhnak caah a si; cun hnangamnak kan hmuh ahcun nannih zong nih nan hmuh ve i kan inmi temhnak kha lungsau in nan in khawh ve nakhnga thazang pek nan si.

Laibaibal Thiang (BSI)

⁶ Harnâk kan tuar ahcun nan caah hnangamnâk le khamhnâk ding a si. Kan tuar cang bangin nannih zong nih lungsau in nan tuar khawh ve nâkhnga san a tlaimi a si. Kan hna a ngam a si le nan caah hnangamnâk le khamhnâk a rak si.

2 KORIN 1:6 ပူးပေါင်းရင်းမြစ်များ

LAMKALTU 21:5

Sihmanhsehlaw anmah sin kan camnak caan cu a dongh tikah kan i thawh i kan kal ṭhan. An dihlak in, an nupile le an fale hna he khua leng tiang an kan thlah. Rilikam ah cun kan dihlak in kan khuk kan i bil i thla kan cam.

ROM 8:28

Pathian nih hin, amah a dawmi hna caah le amah nih aa tinhmi ningin a kawhmi hna caah cun, zeizong vialte hi a ṭha lei ah a serpiak ko hna ti kha kan hngalh.

2 KORIN 1:4

Harnak kan innak kip ah a kan hnemh caah kannih zong nih harnak a phunphun in a ingmi kha kan hnemh khawh ve hna i kan hnemh hnanak ah cun Pathian sinin hnemhnak kan hmuhmi kha kan hman.

2 KORIN 12:15

Nanmah bawmhnak dingah hin ka ngeihmi vialte le ka pum zong hi hman dih ka duh ko. Cu tlukin kan dawt hringhran hna caah cun, daw lo deuh in nan ka um awk a si maw?

2 KORIN 5:5

Cu bantukin i thlennak ding ca i a kan timtu cu Pathian a si i kan ca i a kan chiahpiakmi thil vialte aamahkhan caah a Thlarau cu a kan pek.

EFESA 3:1

Hi thil vialte hi ka lung chungah i chiah in, nanmah Jentail mi hna ruang i Khrih Jesuh ca thongtla a simi keimah Paul nih, Pathian sinah thla ka cam.

EFESA 3:13

Cucaah nan ca i harnak ka in caah hin nan lung dong hlah u, nanmah ca ṭhatnak lawngte ah a si ko.

FILIPI 1:19

Zeicah ti ahcun, nan thlacamnak thawng le Jesuh Khrih sinin a rami thlarau bawmhnak thawngin luatter ka si lai, ti kha ka hngalh.

2TIMOTE 2:10

Cun hi vialte ka innak hi Pathian nih a thimmi hna zawn ka ruah caah a si i Khrih Jesuh thawngin hmuhmi a sunglawimi le zungzal in a hmunmi khamhnak kha hmu hna seh ti ka duh caah a si.