2 KORIN 1:3 - Lai (Hakha) Common Language Bible 2006

³ Kan Bawipa Jesuh Khrih i a Pa le a Pathian, zaangfahnak in a khatmi kan Pa, zeizong vialte ah a kan bawmtu Pathian cu lawm u sih!

Laibaibal Thiang (BSI)

³ Kan Bawipa Jesuh Krih Pathian le Pa, velngeihnâk Pa le hnangamnâk vialte Pathian cu thangṭhat in um seh.

2 KORIN 1:3 ပူးပေါင်းရင်းမြစ်များ

GENESIS 14:20

Na ral an teitertu Cung Nung Bik Pathian cu thangṭhat si ko seh,” a ti. Cun Abram nih hranchaw a lakmi vialte cheuhra cheukhat a pek.

1 CHANRELNAK 29:10

Cucaah David nih Bawipa cu aa pummi vialte hmaiah cun a thangṭhat i David nih cun, “Maw Bawipa, kan pu Israel i Pathian, nangmah cu zungzal thluangthluan in thangṭhat na si ko.

NEHEMIAH 9:5

Cun Levi mi Jeshua, Kadmiel, Bani, Hasshabneiah, Sherebiah, Hodiah, Shebaniah le Pethahiah nih hi bangin an thangṭhat: “Dir u law Bawipa nan Pathian cu ‘Zungzal in zungzal tiang, sunparnak na min cu thangṭhat a si i thangṭhatnak vialte le hlorhnak vialte nakin a cungnung deuh.

JOB 1:21

Cun aa thawh i, “Ka nu paw chungin taklawng in ka chuak i taklawng in ka kir ṭhan lai; Bawipa nih a ka pek i Bawipa nih a lak ṭhan; Bawipa min cu thangṭhat si ko seh,” tiah a ti.

SALM 18:46

Bawipa cu a nungmi Pathian a si, ka khamhnak lungpi cu thangṭhat ko u! Pathian cu ka khamhtu a si, a lianhngannak kha thanh tuah u!

SALM 68:35

Pathian, Israel Pathian, a hmunthiang chung in a rami cu zeitluk in dah ṭihnung a si! A mi cu ṭhawnnak le lianhngannak a pek hna. Pathian cu thangṭhat ko u!

SALM 72:19

A sunglawimi a min cu zungzal in thangṭhat ko u, a sunparnak cu vawleicung dihlak ah khat seh. Amen, Amen.

SALM 86:15

Bawipa, nang cu zaangfahnak le dawtnak in a khatmi Pathian na si; thin a fual i zaangfahnak a ngei zungzal i zumhawktlak a si zungzalmi na si.

SALM 86:5

Nangmah sin i thla a cammi hna cungah cun na ṭha i ngaihthiamnak le a fekmi dawtnak in na khat, Maw Bawipa.

ISAIAH 66:13

Nu nih a fa a hnemh bantukin Jerusalem khua chungah kan hnemh hna lai.

DANIEL 4:34

Caan tinhmi cu a tlin dih tikah keimah Nebukhadnezzar nih van lei khi ka hun zoh i ka lungthin kel ah khan ka kir ṭhan. Cung Nung Bik cu ka conglawmh i Zungzal Hmunmi Pathian cu ka hlorh i ka thangṭhat: Bawi a sinak cu a dong bal lo i a uknak cu chan vialte tiangin a hmun;

DANIEL 9:9

Bawipa kan Pathian cu kan in do nain nangmah nih cun na kan zaangfah i na kan ngaihthiam.

MIKAH 7:18

Bawipa, nangmah bantuk Pathian ahodah a um? Nang nih cun kan ṭhat lonak kha na kan ngaihthiam i na mi a tangmi hna kan sualnak kha na lanhtak, Na thinhunnak kha a zungzal in linhter loin, Aa thleng lomi na dawtnak tu kha na kan hmuhsak.

JOHAN 10:30

Ka Pa le keimah cu pakhat kan si,” tiah a ti.

JOHAN 20:17

Jesuh nih cun, “Ka tlai peng ko tuah hlah, zeicahtiah ka Pa sinah ka kir rih lo. Sihmanhsehlaw ka unau pawl sinah khan va kal law, ‘Ka Pa le nan Pa, ka Pathian le nan Pathian a simi sinah khan ka kal lai,’ a ti tiah va chim hna,” tiah a ti.

2 KORIN 11:31

Bawipa Jesuh i a Pathian le a Pa nih lih ka chim lo cu a hngalh — a min cu zungzal in thangṭhat si ko seh.

2 KORIN 7:6

Sihmanhsehlaw lung a dongmi lung ṭhawnnak a pe tawntu Pathian nih cun, Titas a ratnak thawng khan lung ṭhawnnak a kan pek ṭhan.

EFESA 1:17

Kan Bawipa Jesuh Khrih i a Pathian, a liannganmi kan Pa cu, nanmah kha Thlarau pek awkah ka hal lengmang, thlarau nih cun an fimter hna lai i Pathian kha nan sinah a phuan lai i Pathian cu nan hngalh lai.

EFESA 1:3

Kan Bawipa Jesuh Khrih i a Pa le a Pathian cu lawm ko u sih. Zeicahtiah Khrih he kan i pehtlaihnak thawngin kannih cu vancung ram ah hin thlarau laksawng phun kip kha a kan pek.

FILIPI 2:11

Pathian kan Pa sunparnak caah cun lei vialte nih Jesuh cu Bawipa a si, an ti lai.

KOLOSE 1:3

Nan ca i thla kan cam tikah, kan Bawipa Jesuh Khrih i a Pa kan Pathian sinah lawmhnak bia kan chim zungzal.

1 PETER 1:3

Kan Bawipa Jesuh Khrih i a Pathian le a Pa cu lawm ko u sih. Zeicahtiah a zaangfahnak a nganmi ruangah kannih cu Jesuh Khrih thihnak in a thawhternak khan, nunnak thar a kan pek. Cucaah kannih cu zumhnak nung in kan khat i

2 JOHAN 1:4

Kan Pa nih a kan fial bantukin na fale cheukhat cu biatak in an nung ti kha ka theih tikah ka lung aa lawm tuk hringhran.

2 JOHAN 1:9

Khrih cawnpiaknak chungah um peng loin kar hlei a lammi nih cun Pathian kha an ngei lo. Cawnpiaknak chungah khan a um pengmi nih cun Pa he Fapa he an ngeih hna.