2 KORIN 1:17 - Lai (Hakha) Common Language Bible 2006

¹⁷ Hiti ka rak i timh tikah hin lungthin reprai ngei loin aa let lelekmi ka rak si maw? Ka rak i timhnak ah hin mah zawn lawng ruahnak lungthin a ngeimi bantukin, “E, e,” ti ṭung in “Ai, ai,” a ti fawnmi ka si maw?

Laibaibal Thiang (BSI)

¹⁷ Cucaah cubantuk thil ka timh lio ah khan foi tein ka timh lamhmi a si maw? Asilo ah hi ka timhmi hi thisa duhnâk men i ka timhmi; ‘Asi, asi, ka timi cu, A silo a silo, a ti ṭhanmi maw ka si?

2 KORIN 1:17 ပူးပေါင်းရင်းမြစ်များ

JEREMIAH 23:32

Lih kha mang i a manh i a zuar ṭhan i ka mi hna kha hrokhrawl le pakpalawng in a pingah a hruaitu profet cu ka ralchanh hna, tiah Bawipa nih a ti. Annih a thlahtu hna kha keimah ka si lo, a fialtu hna zong ka si lo, cucaah hi profet hna nih hin hi mi hna hi zeihmanh an ṭhathnem hna lai lo. Mah hihi Bawipa bia hrimhrim a si.

ZEFANIAH 3:4

A profet hna cu mihrokhrawl, profet taktak a si lomi an si, A tlangbawi hna nih hmunthiang kha an thurhhnawmh i phung kha an duhnak leiah an merh.

MATTHAI 1:19

A hamtu Josef cu thil a hmaanning in tuah a duh zungzalmi a si; sihmanhsehlaw Mary cu zapi hmaiah ningzahter a duh lo caah an i hamnak kha a thli tein ka let lai, tiah khua a ruat lengmang.

MATTHAI 5:37

‘Asi,’ ‘Asilo,’ ti lawng kha chim ko u, cu pin cu Mi Ṭhalopa sinin a rami thil an si.

JOHAN 8:15

Nannih nih cun minung phungning lawnglawng in biakhiahnak nan tuah, kei tu nih cun aho cung hmanh ah biakhiahnak ka tuah lo.

2 KORIN 1:12

Kan i uanmi cu hihi a si: hi vawlei cung kan nunning ah hin le nanmah he kan i pehtlaihnak ning ah hin kan umtu ziaza cu vawlei cung fimnak nih si loin Pathian vel a ṭhawnnak nih a uk i hlangfang le lungthin tak tein nan sinah khua kan sa, hihi kan chiaṭha thleidannak nih fiang tein a kan hngalhpimi a si.

2 KORIN 11:18

Asinain minung sining kong ah aa porhlawmi tam tuk an um caah kei zong kaa porhlaw ve ko lai.

GALATI 1:16

a Fapa cu ka sin i a phuan tikah, ahohmanh ruahnak hal awkah ka fuh hna lo,

GALATI 2:2

Zeicahdah ka kal ti ahcun Pathian nih na kal awk a si tiah ka sinah a phuan caah a si. Hruaitu pawl he kanmah lawng kan i tonnak ah Jentail mi sin i thawngṭha bia ka chimnak kong kha ka chimh hna. Kan hnulei i ka rak tuahmi rian kha siseh, atu i ka tuahmi rian hi siseh, pakpalawng siter kha ka duh lo.

1THESALON 2:18

Nanmah rak in tlawn ṭhan hna kha kan duh i keimah Paul zong hi nanmah tlawn ṭhan cu kaa tim lengmang, asinain Satan nih a ka onh lo.

JEIM 5:12

Cun cu pinah biakamnak nan tuah tikah chiatsernak hmang hlah u; vancung cemchih in siseh, vawlei cemchih in siseh, zei thil paoh cemchih in siseh, chiatser hlah u. A si ti nan duh ahcun, a si, ti ko; a si lo, ti na duh ahcun, a si lo, ti ko; cu ti na tuah lo ahcun Pathian biaceihnak na ing sual lai.

BIACEIHTU 9:4

Cun Baal-berith inn chungin ngun phar sawm sarih an pek i cu cun Abimelek nih cun mitoktawlol le mikhongkhol kha aa roih hna i amah kha an zulh.