2 KORIN 1:13 - Lai (Hakha) Common Language Bible 2006

¹³ Ca kan in kuatmi hna cu nan rel khawhmi vial le nan hngalh khawhmi vial kha a si ko.

Laibaibal Thiang (BSI)

¹³ Nan rel i nan hngalh ciami dah ti lo zeihmanh nan sinah ṭial ṭhân kan tim lo. Atu ah cun a dongh tiangin nan hngalhthiam lai tiah kan bochan hna,

2 KORIN 1:13 ပူးပေါင်းရင်းမြစ်များ

LAMKALTU 27:39

Khua a hung dei tikah lawngcawng hna nih khan titlang cu khuazei a si kha an hngal kho lo, sihmanhsehlaw ti fonghlei pakhat kha an hei hmuh i a si khawh ahcun khika ah khan lawng cu kan dinhter lai an ti.

1 KORIN 1:8

Amah nih cun a dongh tiangin fek tein an umter hna lai i kan Bawipa Jesuh Khrih Ni ah cun ahohmanh nih sual an in phaw kho hna lai lo.

2 KORIN 13:6

Hneksaknak i kan rak tluk lo kha nan hngalh ko lai, tiah ka ruah.

2 KORIN 4:2

Ningzak a simi thil, a thli tein tuahmi thil vialte kha kan hlawt hna i ahohmanh hleng lo tein kan um, Pathian bia zong kha hlennak ah kan hmang bal lo. Biatak kha hlangfang tein kan chim i cuticun Pathian hmaika ah kan minung hawi cu nanmah nih nan chiaṭha thleidannak ningin kan chiat le kan ṭhat cu ruat ko u, kan ti hna.

2 KORIN 5:11

Bawipa ṭih cu zeidah a sullam a si ti kha kan hngalh i cucaah mi kha lem kan i zuam lengmang hna. Pathian nih tling cikcek tein a kan hngalh; cu bantukin nannih zong nih nan lung chungte cun nan ka hngalh ve tiah ka ruah.

FILEMON 1:6

Khrih chung i kan nunnak ah thluachuahnak kan hmuhmi vialte hna hi, a zummi kan si ca i kan i hawikomhnak nih hin thuk deuh in a sullam kan hngalhter seh, ti hi ka thlacamnak a si tawn.