2 KORIN 1:12 - Lai (Hakha) Common Language Bible 2006

¹² Kan i uanmi cu hihi a si: hi vawlei cung kan nunning ah hin le nanmah he kan i pehtlaihnak ning ah hin kan umtu ziaza cu vawlei cung fimnak nih si loin Pathian vel a ṭhawnnak nih a uk i hlangfang le lungthin tak tein nan sinah khua kan sa, hihi kan chiaṭha thleidannak nih fiang tein a kan hngalhpimi a si.

Laibaibal Thiang (BSI)

¹² Kan hmaihngalnâk cu hihi a si. Vawlei ah hin tluangtlam te le zumhtlâk in, minung fimnâk telhchih loin, Pathian zângfahnâk thawngin khua kan sa, nan sinah ṭha chinchin in kan um, ti hi kan chiaṭha hngalhnâk zong nih a pompi.

2 KORIN 1:12 ပူးပေါင်းရင်းမြစ်များ

2 SAMUEL 22:22

Zeitintiah Bawipa lam kha kaa tlaih hna i Ka Pathian sinin, sualnak lam zulh awkah kaa ṭhen lo.

JOB 13:15

Ruahchannak zeihmanh ka ngei ti lo, cucaah Pathian nih a ka thah zong ah zeidah a poi? A hmai hrimhrim ah ka bia cu ka va chim ṭhiamṭhiam ko lai.

ISAIAH 38:3

“Bawipa, na rian zumhawktlakte le lungthin tak tein ka ṭuan kha philh hlah. Cun tuah seh ti na ka duhmi tuah kaa zuam zungzal zong kha philh hlah,” tiah a ti i lunghno ngaiin a ṭap.

LAMKALTU 23:1

Khawngsil pawl cu Paul nih dengteo in a zoh hna i, “Ka u le ka nau hna, nihin ni hrimhrim tiangin Pathian hmaika i ka nunning ah ka chiaṭha thleidannak lungthin a thiang,” tiah a ti.

LAMKALTU 24:16

Cucaah Pathian hmai le minung hmaiah chiaṭha thleidannak thiang ka ngeih khawh nakhnga kaa zuam khawh chungin kaa zuam.

ROM 9:1

Ka chimmi hi ahmaanmi bia a si: Khrih ta ka si i ka lih ka chim lo. Thiang Thlarau nih a ukmi ka chiaṭha thleidannak zong nih lih ka chim lo kha a hngalh.

1 KORIN 1:17

Khrih nih hin, tipil va pe hna, tiah a ka thlah lo, Thawngṭha kha va chim hna, tiah a ka thlah i cucu minung fimnak bia i bochan dingin a si lo. Zeicahtiah vailamtahnak i Khrih a thih kha minung fimnak bia in chim ahcun a hmual a lolak sual hnga.

1 KORIN 12:8

Thlarau nih cun pakhat cu fimnak bia chim thiamnak a pek i pakhat cu hngalhnak biathuk fiang lak in chim thiamnak a pek.

1 KORIN 15:10

Sihmanhsehlaw Pathian vel thawngin atu i ka sining hi ka si, cun ka cung i vel a ka ngeihmi cu alak ka siter ve lo. Lamkaltu a dang hna nakkhan fak deuh in rian ka ṭuan, asinain a ngaingai ti ahcun keimah nih ka ṭuan ti awk a si lo, Pathian vel ka chung i rian a ṭuanmi ṭuannak tu kha a si deuh.

1 KORIN 2:13

Cucaah Thlarau a ngeimi hna sinah thlarau lei biatak kha a sullam kan chim tikah minung cawnpiakmi bia kha hmang loin Thlarau cawnpiakmi bia tu kha kan hman.

1 KORIN 4:4

Ka chiaṭha thleidannak hi a thiang ko, asinain cuti in a thiang ko ti tikah hin ka sual lo tinak a si lo. Ka cung i bia a khiaktu cu Bawipa kha a si.

1 KORIN 5:8

Cucaah kan puai cu thilnu hlun, sualnak le ṭhat lonak thilnu hlun he cawhmi changreu he khan si loin thilnu aa tel lomi changreu, thiannak le biatak changreu he khan tuah u sih.

2 KORIN 1:17

Hiti ka rak i timh tikah hin lungthin reprai ngei loin aa let lelekmi ka rak si maw? Ka rak i timhnak ah hin mah zawn lawng ruahnak lungthin a ngeimi bantukin, “E, e,” ti ṭung in “Ai, ai,” a ti fawnmi ka si maw?

2 KORIN 11:3

Evi cu rul nih a zernak le lih in a hlen bantuk khan nannih zong nan lungthin kha a thu sual lai i thiang tein Khrih nan tlaihchannak kha nan ngol sual lai ti ka phang.

2 KORIN 2:17

Kannih cu Pathian bia kha, thil man fawi bantuk men in a tawngthammi hna bantuk kan si lo; kannih cu Pathian nih khan a kan thlah caah, amah hmaiah Khrih sal bantukin lungthin tak tein bia kan chim.

2 KORIN 4:2

Ningzak a simi thil, a thli tein tuahmi thil vialte kha kan hlawt hna i ahohmanh hleng lo tein kan um, Pathian bia zong kha hlennak ah kan hmang bal lo. Biatak kha hlangfang tein kan chim i cuticun Pathian hmaika ah kan minung hawi cu nanmah nih nan chiaṭha thleidannak ningin kan chiat le kan ṭhat cu ruat ko u, kan ti hna.

2 KORIN 8:8

Phung zeihmanh kaan chiahpiak hna lo. Sihmanhsehlaw midang nih zeitluk in dah bawmhnak lei ah an lung a thawh ti ka langhternak nih hin, nan dawtnak hi a tak maw tak lo ti kha fianter seh ti ka duh.

GALATI 6:4

Kan rian ṭuanmi cu kanmah cio nih a ṭhat a chiat a cuaithlaining kan thiam awk a si; cucaah tuah awk aa tlakmi thil kan tuah tikah, midang nih a ṭha a ṭhalo ti hau loin, kan lung aa lawm kho lai.

EFESA 6:14

Cucaah timhcia tein dir u: nan taisawm caah biatak kha fek tein i sawmh u; nan ṭangphaw caah dinnak kha i benh u;

FILIPI 1:10

cuticun a ṭha bik i thim awk kha nan hngalh lai, ti hi a si. Cun thurhhnawmhnak vialte le mawhchiatnak in Khrih Ni ah cun nan luat lai.

1THESALON 2:10

Kan tehte cu nanmah kha nan si i cu bantukin Pathian zong a si ve. Nannih a zummi hna cung i kan ziaza cu a thiangmi le ahmaanmi le palhnak zeihmanh a um lomi a si.

1TIMOTE 1:5

Hi bantukin bia kan cah tikah kaa tinhmi cu, a thiangmi lungthin le a thiangmi chiaṭha thleidannak le zumhnak taktak a simi chungin a chuakmi dawtnak kha a si.

TITAS 2:7

Cun nangmah hrimhrim zong, thil ṭha tuahnak lei paohpaoh ah, an i zohchun awk tlak na si lai. Na cawnpiak hna tikah lungtak te le biatak tein cawnpiak hna.

HEBRU 13:18

Thla kan campiak lengmang ko u. A hmaanmi thil kha tuah kan duhmi a si zungzal caah kan chiaṭha thleidannak kha a thiang ko.

JEIM 4:6

Sihmanhsehlaw Pathian pekmi vel cu cu nak hmanh cun a ṭhawng deuh chinchin. Cathiang nih a ti bangin, “Pathian nih aa porhlawmi cu a doh hna i mi toi i aa dormi kha vel a ngeih hna.”

JOSHUA 24:14

“Cucaah atu cu Bawipa kha ṭih u law, amah rian kha lungtak te le zumhawktlak tein ṭuan tuah u; Tiva khattelei ral le Izipt ram ah nan pupa hna nih an biakmi pathian hna kha hlaw hna u law, Bawipa kha bia tuah u.

1 PETER 3:16

Cun cu bantukin nan chim tikah nemnak le hmaizahnak in chim u. Nan chiaṭha thleidannak kha thiang tein umter u, cu ti nan um ahcun, Khrih zultu nan si ruang i nan ziaza ṭha a soimi hna nih khan nan ziaza cu an hmuh tikah anmah tu an ning a zak lai.

1 PETER 3:21

cucu atu i nanmah an khamhtu hna tipil innak a rak sawhtu hi a si. Tipil innak cu pum hnawm kholh hi a si lo, chiaṭha thleidannak thiang nih Pathian sin i biakamnak a tuahmi tu hi a si. Tipil innak nih cun Jesuh Khrih thihnak in a thawh ṭhannak thawngin an khamh hna i