2 CHANRELNAK 9:6 - Lai (Hakha) Common Language Bible 2006

⁶ sihmanhsehlaw an chimmi cu keimah hrim ka rat i keimah mit hrim nih a hmuh hlanah cun ka rak zum lo; zohhmanh, na fimnak a ngan ning a cheu hmanh an rak ka chimh ṭung lo; ka rak theihmi bia cu na lonh diam.

2 CHANRELNAK 9:6 ပူးပေါင်းရင်းမြစ်များ

1 SIANGPAHRANG 10:7

sihmanhsehlaw an chimmi cu keimah hrim ka rat i keimah mit hrim nih a hmuh hlanah cun ka zum lo; cun zohhmanh, a cheu hmanh an rak ka chimh ṭung lo; na fimnak le na rumnak nih ka rak theihmi bia cu a lonh diam.

1 SIANGPAHRANG 4:31

Zeitintiah amah cu midang vialte nakin a fim deuh, Ezrah mi Ethan le Mahol fapa hna Heman, Kalkol le Darda nakin a fim deuh; cun a min cu a pawngkam ram dihlak ah a thang.

1 SIANGPAHRANG 4:34

Cun miphun kip chungin le vawlei cung siangpahrang vialte hna sinin a fimnak a theimi paoh nih Solomon fimnak theih awkah cun an ra.

2 CHANRELNAK 9:5

Cun siangpahrang cu a thawh i, “Ka ram chungin, na rian ṭuanning le na fimnak kong ka rak theihmi kha bia dik a si ko,

2 CHANRELNAK 9:7

Na nupi hna hi an van a va ṭha dah! Hi na sinum hna, nangmah hmaiah a dir zungzal i na fimnak a theimi hna hi an van a va ṭha dah!

SALM 31:19

Nangmah an ṭihtu hna caah na chiahmi thil ṭha cu zeitluk in dah khuaruahhar an si. Mi kip hmuh ah na tuahmi thil ṭha cu zeitluk in dah khuaruahhar a si, nangmah an bochanmi cu na huhphenh hna.

ZEKHARIAH 9:17

An rumnak cu zeitluk in a rummi dah a si, an i dawhnak cu zeitluk in aa dawhmi dah a si! Rawl nih tlangval cu an thazang a ṭhawnter hna lai i Mitsur hang thlum nih ngaknu au a ṭhawnter hna lai.

1 KORIN 2:9

Sihmanhsehlaw Cathiang nih, “Ahohmanh nih an hmuh bal lomi le an theih bal lomi, A si kho lai, tiah ahohmanh nih a ruah in an ruah bal lomi, Kha thengte kha Pathian nih amah a dawtu hna ca i a timhmi cu a si,” a ti bang khan a si taktak.

1JOHAN 3:2

Ka dawtmi ka fale hna, atu hin kannih cu Pathian fa kan si cang, asinain zei kan lawh lai cu a fiang rih lo. Sihmanhsehlaw Khrih a langh tikah, amah Khrih bantuk cu kan si lai ti kha kan hngalh, zeicahtiah a sining taktak tein kan hmuh lai.