2 CHANRELNAK 9:2 - Lai (Hakha) Common Language Bible 2006

² Solomon nih a biahalnak vialte cu a leh dih; Solomon nih a sullam a chimh khawh lomi thil, Solomon sinin aa thupmi zeihmanh a um lo.

2 CHANRELNAK 9:2 ပူးပေါင်းရင်းမြစ်များ

1 SIANGPAHRANG 3:12

zohhmanh, na bia bangin ka tuah lai. Zohhmanh, a fim le thil a thleidang khomi lungthin kan pek, cucaah nangmah bantuk ahohmanh an rak um bal lo i nangmah bantuk hi a chuah zong an chuak bal ti fawn lai lo.

1 SIANGPAHRANG 4:29

Cun Pathian nih Solomon cu fimnak le hngalhthiamnak tah cawk loin le lungkauhnak rilikam thetse zat in a pek.

2 CHANRELNAK 9:1

Siangpahrangnu Sheba nih Solomon minthannak kha a theih tikah, amah cu a harmi biahalnak in hneksak awkah Jerusalem ah a ra; mizul tampi, zihmui phormi kalauk hna le sui tampi le lung mansung tampi aa phorh hna. Solomon sin a phak tikah a lung chung i a ummi vialte cu a chim dih.

2 CHANRELNAK 9:3

Cun Siangpahrangnu Sheba nih Solomon fimnak le a inn sakmi le

PHUNGTHLÛKBIA 13:20

Mifim hna sinah i chawk ve lengmang law na fim lai, mihrut hna he i kom law a ping ah an in hruai lai.

PHUNGTHLÛKBIA 18:4

Minung holh hi fimnak hram a si kho, rili bantukin a thuk kho i a luang lengmangmi tiva bantukin a thar lengmang kho.

MARKA 4:11

Jesuh nih cun a leh hna i, “Pathian Pennak biathli cu nannih cu pek nan si cang, sihmanhsehlaw lenglei i a ummi hna cu bianabia lawnglawng in cawnpiak an si.

MARKA 4:34

Annih cu tahchunhnak hmang loin a chim hna lo, sihmanhsehlaw a zultu he lawng an um tikah cun zeizong vialte kha an sullam fiang tein a chimh hna.

JOHAN 15:15

Nannih cu sinum kan ti ti hna lo, zeicahtiah sinum nih cun a bawipa tuahmi kha a hngal lo. Sihmanhsehlaw ka Pa sinin ka theihmi vialte kha kan chimh dih hna caah, ka hawile, ti tu ah kan ti cang hna.

KOLOSE 2:3

Khrih cu Pathian fimnak le hngalhnak aa thupmi hunnak tawh a si.

HEBRU 4:12

Pathian bia cu a nung i a ṭhawng. Kap hnih har vainam nakin a haar deuh. Hlang lak in a cheu khawh, nunnak le thlarau an i tonnak tiang, hliahcang le thlik an i tonnak tiang a cheu khawh. Minung lungthin duhnak le ruahnak vialte kha a hngalh dih.

JEIM 1:5

Sihmanhsehlaw fimnak a baumi nan um ahcun, Pathian sinah thlacam seh law Pathian nih a pek ko lai; Pathian nih cun ahopaoh kha zaangfah ngai le siang ngaiin a pek ko hna.