2 CHANRELNAK 9:1 - Lai (Hakha) Common Language Bible 2006

¹ Siangpahrangnu Sheba nih Solomon minthannak kha a theih tikah, amah cu a harmi biahalnak in hneksak awkah Jerusalem ah a ra; mizul tampi, zihmui phormi kalauk hna le sui tampi le lung mansung tampi aa phorh hna. Solomon sin a phak tikah a lung chung i a ummi vialte cu a chim dih.

2 CHANRELNAK 9:1 ပူးပေါင်းရင်းမြစ်များ

GENESIS 10:28

Obal, Abimael, Sheba,

GENESIS 10:7

Kush fapa cu Seba, Havilah, Sabtah, Raamah le Sabteka an si. Raamah fapa cu Sheba le Dedan an si.

GENESIS 25:3

Jokshan cu Sheba le Dedan pa a si, cun Dedan fapa hna cu Asshurim, Letushim, le Leummim an si.

1 SIANGPAHRANG 4:31

Zeitintiah amah cu midang vialte nakin a fim deuh, Ezrah mi Ethan le Mahol fapa hna Heman, Kalkol le Darda nakin a fim deuh; cun a min cu a pawngkam ram dihlak ah a thang.

2 CHANRELNAK 1:1

David fapa Solomon cu a ram chungah khan fek tein a um i Bawipa a Pathian cu a sinah khan a um i fak piin a nganter.

2 CHANRELNAK 1:12

fimnak le hngalhnak cu kan pek. Nangmah hlan i a rak ummi siangpahrang hna nih an rak ngeih bal lo i nangmah hnu i a um laimi zong nih an ngeih bal lai lomi rumnak le chawva le upatnak zong kan pek fawn lai,” tiah a ti.

2 CHANRELNAK 9:2

Solomon nih a biahalnak vialte cu a leh dih; Solomon nih a sullam a chimh khawh lomi thil, Solomon sinin aa thupmi zeihmanh a um lo.

2 CHANRELNAK 9:9

Cun siangpahrang cu sui talen za khat le kul le zihmui tampi le lungvar man sung hna kha a pek: Siangpahrangnu Sheba nih Siangpahrang Solomon a pekmi zihmui bantuk cu a dang a um ti lo.

SALM 142:2

Ka harnak vialte kha amah ka chimh dih i ka retheihnak vialte kha ka hngalhter.

SALM 49:4

Bia thuk kha ka ruat hna lai i tingtang tum pah in a sullam kha ka fianter hna lai.

SALM 72:10

Spain ram siangpahrang le tikulh ram siangpahrang hna nih khan laksawng an rak put lai; Arabia ram siangpahrang le Ethiopia ram siangpahrang hna nih khan laksawng an ra ṭhenh lai.

SALM 72:15

Siangpahrang cu saupi nung ko seh! Arabia ram in sui rak pe hna seh; a zungzal in thlacampiak hna seh; Pathian nih a zungzal in thluachuahnak pe seh.

SALM 78:2

Nan sinah bia ka chim lai i hlanlio thil khuaruahhar kha a sullam kan chimh hna lai.

PHUNGTHLÛKBIA 1:6

Phungthluk bia hna le tahchunhnak bia hna le Mifim mi hna an bia le an biahar kha an hngalh khawh hna lai.

ISAIAH 60:6

Kalauk bu ngan ngan cu an ra lai, Midian le Efah in an ra lai. Sheba in an ra lai i sui le zihmui kha an rak phorh hna lai. Pathian nih a tuahmi thil kong thawng ṭha kha mi nih an chim lai.

MATTHAI 12:34

Rul hna, zeitindah miṭhalo nan si ahcun nan kaa in bia ṭha cu a chuah khawh lai? Kaa nih cun lungchung i a khatmi kha pei a chim cu.

MATTHAI 12:42

Biaceih Ni ah cun Thlanglei Siangpahrangnu kha a dir lai i sual an phawt hna lai, zeicahtiah anih cu vanhramdeng in a ra riangmang i Solomon fimnak kha a hung zoh; atu hi Solomon nakin a ngan deuhmi hika ah hin a um,” tiah a ti hna.

MATTHAI 13:11

Annih cu a leh hna i, “Vancung Pennak kong biathli hngalhnak cu nannih cu pek nan si cang, sihmanhsehlaw hi hna cu pek an si lo.

MATTHAI 13:35

Hiti in a chimh hna cu, profet nih a rak chimmi tlinternak caah khan a si. Profet nih a rak chimmi cu: ‘An sin i bia ka chim tikah tahchunhnak bia ka hman lai; Vawlei ser hramthawk in hngalh bal lomi thil cu ka chimh hna lai,’ ti hi a si.

MATTHAI 2:11

Inn chungah khan an vung lut i ngakchia kha a nu Mary sinah cun an vung hmuh. An khuk an i bil i an biak. Cun an zal chung khan laksawng an i chuah i an pek, cu an laksawng cu sui le frankinsen zihmui le mura zihmui an si.

LUKA 11:31

Biaceih Ni ah cun Chimlei Siangpahrangnu kha a dir te lai i atu chan mi hna hi sual a phawt te hna lai, zeicahtiah Solomon fimnak bia ngaih duh ah khan anih cu lamhla piin a ra i asinain hika ah hin Solomon nakin a ngan deuhmi a um ko ṭung.

1 SAMUEL 1:15

Sihmanhsehlaw Hannah nih a leh i, “Asilo, ka bawipa, lung rethei ngaingai in a ummi nu ka si; mitsur hang siseh, zu siseh ka ding lo, sihmanhsehlaw Bawipa hmaiah ka lungthin ka bungh a si.