2 CHANRELNAK 8:14 - Lai (Hakha) Common Language Bible 2006

¹⁴ A pa David nih a rak chiahmi phunglam ning khan, tlangbawi hna cu an rian cio caah khan a bubu in a thiah hna i ni fate rian nih a hlam cio ning khan Levi mi hna cu tlangbawi hna hmai i thangṭhatnak rian le rianṭuannak an tuah awk a simi ah khan a thiah fawn hna, cun kutka cawngtu pawl zong kha kutka hna caah khan an bubu in a thiah hna; zeitintiah cuticun Pathian mi David nawl pekning cu a si.

2 CHANRELNAK 8:14 ပူးပေါင်းရင်းမြစ်များ

2 SAMUEL 23:2

“Bawipa thlarau nih keimah kha hmang in a chim, Amah bia cu ka lei cungah a um.

1 SIANGPAHRANG 13:1

Cun zohhmanh, Judah ram chungin Pathian mi pakhat, Bawipa bia thawngin Bethel ah a ra. Jeroboam kha zihmui khangh awkah biakṭheng pawngah khan a rak dir ko.

1 CHANRELNAK 16:37

Cuticun David nih Asaf le a unau rual hna cu khika ah, Bawipa biakamnak kuang hmaiah cun, ni fate a herhnak bantukin rianṭuan zungzal awkah a chiahtak hna,

1 CHANRELNAK 16:42

Heman le Jeduthun nih hlasaknak caah khan muko le sumsel an ngeih hna i hla thiang caah khan hlasaknak thilri an ngeih hna. Jeduthun fapa hna cu kutka cawngh kha an thiah hna.

1 CHANRELNAK 23:1

Cun David cu a upa i a tar ngaingai tikah a fapa Solomon cu Israel mi siangpahrang ah a ser.

1 CHANRELNAK 24:1

Aaron fapa hna an i ṭhenning cu hi bangin a si. Aaron fapa hna: Nadab, Abihu, Eleazar le Ithamar.

1 CHANRELNAK 24:3

Eleazar fapa hna chung i Zadok le Ithamar fapa hna chung i Ahimelek bawmhnak thawngin, David nih an rian ṭuan awkah an thiah ning hna bantuk khan rian a phawt hna.

1 CHANRELNAK 25:1

David le rianṭuannak i upa bikbik hna nih cun rianṭuannak ca dingah khan Asaf fapa hna le Heman fapa hna le Jeduthun fapa hna lak khan tingtang le thonglawi le sumsel hna he bia a chimtu dingah mi kha an thleidan hna. Cu rian a ṭuantu hna le an rian cazin cu mah hihi a si:

1 CHANRELNAK 26:1

Kutka cawngtu pawl an i phawtning cu hi bangin a si: Korah mi hna chungin, Meshelemiah; amah cu Kore fapa a si, Kore cu Asaf fapa hna lak i pakhat a si.

1 CHANRELNAK 28:19

Cun David nih aa thawh i, “Bawipa hrimhrim nih na tuah lai, tiah a ka fialmi tuahnak ding caah a ṭial in ṭialmi timhtuahnak chungah hi thil vialte hi an um dih,” tiah a ti.

1 CHANRELNAK 9:17

Kutka cawngtu hna cu: Shallum, Akkub, Talmon, Ahiman, le an rualchan an si; (Shallum cu an bawi bik a si),

1 CHANRELNAK 9:24

Kutka cawngtu hna cu a kam lei ah khan an um, nichuahlei, nitlaklei, chaklei, thlanglei kamah khan;

2 CHANRELNAK 23:19

Ahohmanh zei bantuk thian lonak hmanh in a thiang lomi paoh cu an luh nakhnga lo, Bawipa inn kutka ah khan kutka hngaktu a chiah hna.

2 CHANRELNAK 23:4

Mah hihi nan tuah awk thil cu a si lai: Nannih tlangbawi le Levi mi sabbath ni i rian a ṭuanmi hna, cheu thum cheu khat cu kutka hngaktu nan si lai,

2 CHANRELNAK 29:25

Cun David le siangpahrang i a hmutu Gad le profet Nathan nawl peknak ning khan, Levi mi cu Bawipa inn chungah khan sumsel le tingtang le thonglawi he tiah a chiah hna; zeitintiah nawlbia cu Bawipa sinin a profet hna hmang in a ra.

2 CHANRELNAK 31:2

Cun Hezekiah nih tlangbawi hna le Levi mi hna kha a phuphu in a ṭhen hna, a phuphu in an rianṭuanning cio khan Levi mi hna le tlangbawi hna cu khangh thawinak ca le daihnak thawinak ca le Bawipa riahhmun kutka i rianṭuantu ding hna le lawmhnak le thangṭhatnak petu hna tiin a chiah hna.

2 CHANRELNAK 35:10

Cun rianṭuannak cu timhtuah a si tikah, siangpahrang nawl peknak bangin, tlangbawi cu an hmun ah khan an dir i Levi mi cu an i ṭhenning khan an dir.

2 CHANRELNAK 35:15

Cun David le Asaf le Heman le siangpahrang i a hmutu Jeduthun hna nawl peknak bangin, hlasatu, Asaf fapale hna cu an hmun ah khan an um; cun kutka cawngtu hna kha kutka ah cun an um cio; an unau Levi mi hna nih an timhtuahpiak hna caah an rianṭuannak khan an kal ta a herh lo.

2 CHANRELNAK 35:4

Israel siangpahrang David hmuhsaknak le a fapa Solomon hmuhsaknak kha zul in nan pale chung cio ning le nan bu nan i cheuning khan i tim tuah u.

2 CHANRELNAK 5:11

Cun tlangbawi hna cu hmun thiang chung khan an hung chuah tikah (cuka i a ummi tlangbawi vialte hna cu an i thianh dih ko cang, an i ṭhenning kha cu ruah loin;

2 CHANRELNAK 8:15

Siangpahrang nih tlangbawi hna le Levi mi hna, zei thil paoh kong le chawhlawn khonnak kong ah nawl a pekmi hna cu annih nih an pialtak lo.

EZRA 6:18

cun Moses cauk chungah aa ṭial bangkhan, tlangbawi hna cu an i cheu ningin, Levi mi hna cu an phu an phu in, Jerusalem i Pathian rianṭuan awkah khan an thiah hna.

NEHEMIAH 12:24

Pathian mi David nawl peknak ning khan, phu khat le phu khat nih aa chaang lengmang in thangṭhatnak le lawmhnak pek awk ah; an unau hna he hmaitonh in a ummi Levi mi upa bikbik hna cu Hashabiah, Sherebiah le Kadmiel fapa Jeshua an si.

NEHEMIAH 12:25

Mattaniah, Bakbukiah, Obadiah, Meshullam, Talmon le Akkub cu kutka conghnak inn i ral a vengtu kutka cawngtu kha an si.

LUKA 1:5

Herod kha Judea Siangpahrang a si lioah, Abijah tlangbawi phu chungah aa telmi tlangbawi pakhat a min Zekhariah an timi kha a rak um. A nupi min cu Elizabeth a si i amah zong cu tlangbawi hrinthlak a si ve.

LUKA 1:8

Ni khat cu Zekhariah kha, nifate an rianṭuannak ah a caan a hung phan ve i Pathian hmaiah khan tlangbawi rian cu a ṭuan.

LAMKALTU 13:22

Amah cu a phuah hnuah Pathian nih cun David kha an siangpahrang ah a ser. Amah kongah Pathian nih a chimmi cu, ‘Jesse fapa David hi ka duhmi phun a si, amah hi tuah tiah ka fialmi a tuah duh dingmi a si,’ ti hi a rak si.

LAMKALTU 13:36

David nih khan amah a caan ah khan Pathian rian cu a rak ṭuan; cun a thi i a hringsortu hna sinah khan vui a si i thutnak kha a in.

DEUTERONOMI 33:1

Hi thluachuahnak hi Pathian mi Moses nih a thih hlanah Israel fale thluachuah a pek hnanak cu a si.