2 CHANRELNAK 7:6 - Lai (Hakha) Common Language Bible 2006

⁶ Tlangbawi cu an umnak hmun cio ah khan Levi mi hna he hmaitonh in an dir. Levi mi hna cu Bawipa thangṭhatnak caah David nih a rak sermi aw dawh tumnak thilri hna he khan an dir i David nih an rian ah a rak thiah hna bang khan, “A fekmi a dawtnak cu zungzal in a hmun,” timi hla kha lawmhnak in an sa. Tlangbawi hna nih khan mi zapi an dir ah khan muko kha an tum hna.

2 CHANRELNAK 7:6 ပူးပေါင်းရင်းမြစ်များ

1 CHANRELNAK 13:8

Cun David le Israel mi vialte kha Pathian hmaiah cun an thazang dihlak le hla le tingtang le thonglawi le khuang tete le sumsel le muko he tiah thanuam in an um.

1 CHANRELNAK 15:24

Shebaniah, Joshafat, Nethanel, Amasai, Zekhariah, Benaiah le Eliezer, tlangbawi hna nih Pathian kuang hmaiah muko kha an tum hna lai. Obededom le Jehiah zong kuang ca i kutka cawngtu an si ve lai.

1 CHANRELNAK 16:34

Bawipa cu lawm tuah u, zeitintiah amah cu a ṭha; Zeitintiah a fekmi a dawtnak cu zungzal in a hmun!

2 CHANRELNAK 23:18

Cun Moses phungbia chungah aa ṭial bangin, lawmhpah le hlasak pah in David nawl pekning in Bawipa sin i khangh thawinak pekchanh awkah David nih Bawipa inn zohkhenhtu ah a chiahmi Levi tlangbawi hna le Levi mi hna kut tangah khan, Jehoiada nih Bawipa inn cawngtu kha a chiah hna.

2 CHANRELNAK 29:25

Cun David le siangpahrang i a hmutu Gad le profet Nathan nawl peknak ning khan, Levi mi cu Bawipa inn chungah khan sumsel le tingtang le thonglawi he tiah a chiah hna; zeitintiah nawlbia cu Bawipa sinin a profet hna hmang in a ra.

2 CHANRELNAK 29:27

Khi tikah Hezekiah nih, khangh thawinak cu biakṭheng cungah pekchanh si seh tiah nawl a pek. Cun khangh thawinak cu thawk a si tikah, Bawipa sin hlasak le muko tum cu David nih a sermi hlasaknak thilri he khan an thawk ve.

2 CHANRELNAK 5:12

cun Levi mi hlasa pawl vialte, Asaf, Heman le Jeduthun, an fapa hna le an rualchan hna kha puan hmang ṭhia in an i thuam i sumsel le tingtang le thonglawi he biakṭheng in nichuahlei ah khan muko tumtu tlangbawi za khat le pakul hna he khan an dir;)

2 CHANRELNAK 5:13

muko tumtu hna le hlasatu hna an rian cu Bawipa lawmhnak hla le thangṭhatnak hla kha aw khat tein thanter kha a si caah, muko hna le sumsel hna le awdawh tumnak thilri dang hna he cun: “Zeitintiah amah cu a ṭha, A fekmi a dawtnak cu zungzal in a hmun,” tiin Bawipa thangṭhat in hla cu an hun sak tikah, inn kha, Bawipa inn kha, minmei in a khah

2 CHANRELNAK 7:3

Israel fale vialte nih mei a rung ṭum le biakinn cung i Bawipa sunparnak kha an hmuh tikah, vawlei lei hoih in lung phahmi cungah khan an lu an i khun i Bawipa cu an biak i an lawmh i, “Zeitintiah amah cu a ṭha, A fekmi a dawtnak cu zungzal in a hmun,” tiah an ti.

2 CHANRELNAK 7:5

Siangpahrang Solomon nih raithawinak caah cawtum sang hnih le thong hnih le tuu sing khat le sang hnih a pekchanh. Cuticun siangpahrang le mi vialte nih khan Pathian inn cu an pekchanh.

EZRA 6:18

cun Moses cauk chungah aa ṭial bangkhan, tlangbawi hna cu an i cheu ningin, Levi mi hna cu an phu an phu in, Jerusalem i Pathian rianṭuan awkah khan an thiah hna.

SALM 106:1

Bawipa cu thangṭhat ko u! Bawipa sinah lawmhnak bia chim tuah u, zeicahtiah amah cu a ṭha, a dawtnak cu zungzal in a hmun.

SALM 107:1

Bawipa cu lawm tuah u, zeicahtiah amah cu a ṭha. a fekmi a dawtnak cu zungzal in a hmun.

SALM 138:8

Na ka kamhmi thil vialte kha tlinter ko hna, Bawipa, na dawtnak cu zungzal in a fek ko; na thawk ciami rian cu liim ko.

SALM 87:7

Hlasa mi pawl le milam mi pawl nih khan an dihlak in na thangṭhatnak hla kha an sak lai. Selah

ISAIAH 52:6

Sihmanhsehlaw hmailei caan ah cun, keimah cu Pathian ka si i nanmah sin i biachimtu ka si kha nan hngalh lai,” a ti.

AMOS 6:5

Tingtang kha nan i tum i David bantukin hlasaknak thilri kha nan i ser hna;

JOSHUA 6:4

Cun tlangbawi pasarih nih tuukawng ki muko pasarih kuang hmaiah cun an i put lai; cun ni sarihnak ni ah cun khua cu voi sarih nan vel lai, tlangbawi nih muko cu an tum hna lai.