2 CHANRELNAK 7:14 - Lai (Hakha) Common Language Bible 2006

¹⁴ ka min in kawhmi ka mi hna nih khan an lung an ṭhumh i thla an cam i ka hmai kha an kawl i an lam ṭhalo khan an i mer ahcun, van khin ka run theih lai i an sualnak cu ka ngaihthiam hna lai i an ram cu ka damter lai.

2 CHANRELNAK 7:14 ပူးပေါင်းရင်းမြစ်များ

2 CHANRELNAK 20:3

Khi tikah Jehoshafat cu a thin a phang i Bawipa kawl awk kha aa tim i Judah ram chung vialte ah khan rawl ulhnak a thanh.

2 CHANRELNAK 20:4

Cun Judah ram mi cu Bawipa sinin bawmhnak kawl awkah an i pum; Judah ram chung khua dihlak khan Bawipa kawl awkah cun an ra.

2 CHANRELNAK 6:27

nangmah nih an kalnak hnga ding lam ṭha kha na cawnpiak hna tikah, van ah khin rak thei law, na mi Israel mi, na sal hna an sualnak kha rak ngaithiam ko hna; cun na mi hna sinah ro caah na pekmi na ram cungah cun ruah cu surter ko.

2 CHANRELNAK 6:30

khi tikah nang nih na umnak van khin rak theihpiak hna law, ngaithiam hna law, an zulhmi lam vialte ning cio ah an lungthin nangmah nih na hngalh komi hna cu pe ko hna, zeitintiah nangmah lawnglawng nih minung fa hna an lung cu na hngalh;

2 CHANRELNAK 6:33

na umnak van khin rak theihpiak law, ramdangmi nih an in auhnak vialte ning in tuahpiak ko hna; zeitintiah vawleicung mi vialte nih na mi Israel mi bangin, na min kha an theih i nangmah kha an in ṭih i hi inn ka sakmi hi nangmah min in kawh a si kha an hngalh nakhnga, theihpiak ko hna.

SALM 27:8

“Ka sinah ra tuah,” tiah na ti. Bawipa, na sinah ka ra lai;

SALM 60:2

Vawlei kha na hninhter i na kahter; atu cu a hma kha damter ṭhan ko, zeicahtiah kuai dih aa zal cang.

PHUNGTHLÛKBIA 28:13

A palhnak kha a thupmi cu khua-awng a tong lai lo, sihmanhsehlaw a phuang i a hlawmi nih cun zaangfahnak a hmuh lai.

ISAIAH 45:19

A thlithup in bia ka chim lo, kaa tinhmi zong kha ka thup lo. Thil aa tuaitamnak hmun ah khan ka kawl u, tiah Israel mi kha ka ti hna lo. Keimah hi Bawipa cu ka si i biatak kha ka chim; a hmaanmi kha ka langhter,” a ti.

ISAIAH 59:20

Bawipa nih a mi cu a thawh hna i, “Nan sualnak a mertakmi vialte, nan dihlak in ven awkah le khamh awkah Jerusalem ah ka ra lai.

ISAIAH 63:19

Nangmah cu a kan uktu a rak si bal lomi bantukin kan cungah naa umter i kannih cu na mi a rak si bal lomi bantukin na kan tuah.

JEREMIAH 14:9

Chikkhatte i teimi bantuk maw na si ko hnga? Amah le amah aa khamh kho lomi bantuk maw na si ko lai? Maw Bawipa, nang cu kan lakah na um i Kannih cu, Ka ta nan si, tiah na kan ti; Kan kaltak sawh hlah.

JEREMIAH 33:6

Sihmanhsehlaw hi khua cu ka damter ṭhan lai i a mi hna cu ka damter hna lai i lawmhnak le daihnak le himnak kha ka pek hna lai.

JEREMIAH 50:4

Khi ni le khi caan ah cun Israel mi hna le Judah mi hna cu hmun khat ah an ra ṭi lai i Bawipa an Pathian cu mitthli he an kawl lai;

JEREMIAH 51:9

Khika i a ummi ramdangmi hna nih, “Babilon cu bawmh awk kan i zuam, sihmanhsehlaw a tlai tuk cang. Cucaah ra u law kaltak u si law kan inn cio ah tlung u sih. Pathian nih a ṭhawnnak dihlak in Babilon cu dan a tat cang i a hrawh cikcek cang,” tiah an ti.

JEREMIAH 8:22

Gilead ah damnak si-ai a um ti lo maw? Khika ah sibawi pakhat tal an um lo maw? Zeicahdah ka mi hna hi an dam lo?

EZEKIEL 33:11

Cucaah annih cu, ‘Ka nun bangin ka chim, miṭhalo mi an thih cu ka duhmi a si lo. Miṭhalo mi nih an ziaza kha an ṭhinh i an nun kha ka duh deuh. Nan ziaza ṭhalo kha hlaw hna u, hlaw hna u; maw Israel mi hna, zeicahdah nan thih lai?’ a ti, tiah chim hna, a ka ti.

EZEKIEL 33:12

Mipa, na mi cu chim hna law, hi bangin ti hna: Miding mi cu a palh tikah a dinnak nih khan a khamh lai lo, miṭhalo mi nih a ziaza kha a ṭhinh ahcun a ṭhat lonak nih khan sual a phaw lai lo. Miding mi cu a sual tikah a dinnak vialte nih a nunnak kha an khamh kho lo.

NAMBAR 6:27

“Cu bangin ka min cu Israel mi hna cungah an chiah lai i thluachuahnak ka pek hna lai,” tiah a ti.

LAMKALTU 9:11

Bawipa nih cun a thawh i, “I tim law Lam Ding timi ah khan va kal law Judas inn ah khan Tarsas khuami pakhat Saul an timi cu a um maw um lo tiah va hal hna. Amah cu thla a cam lio a si i

DEUTERONOMI 28:10

Cun vawleicung mi vialte nih Bawipa min in kawh nan si kha an hngalh lai i, an in ṭih hna lai.