2 CHANRELNAK 7:13 - Lai (Hakha) Common Language Bible 2006

¹³ Van cu ka phih hna i ruah a um lo tikah siseh, khaubawk hna cu vawlei ei awkah nawl ka pek hna tikah siseh, ka mi hna lakah rai ka tlunter tikah siseh,

2 CHANRELNAK 7:13 ပူးပေါင်းရင်းမြစ်များ

JOB 11:10

Pathian nih an tlaih i biaceihnak ah an chuahpi ahcun, Aho nih dah amah cu a dawnh khawh lai?

JOB 12:14

Pathian nih a ṭheh ahcun, ahohmanh nih an sa ṭhan kho ti lo, Amah nih mi cu a kharkhumh ahcun, ahohmanh nih an hunpiak ṭhan kho ti lo.

SALM 105:34

Nawl a pek hna i khaubawk kha an hung chuak, a rel rel cawk loin an hung chuak;

SALM 107:34

Vawlei ṭhatnak hmun cu, cite vawlei, vawlei ṭhalo ah a canter, zeicahtiah cuka i a ummi hna cu an ṭha lo.

JOEL 2:25

Khaubawk bu ngan pipi nih nan ti le nan rawl an ei kum i nan sunghmi kha kan pek ṭhan hna lai. Hi ralkapbu an thlahhnawhtu hna kha keimah ka si.

AMOS 4:7

Rawl ṭuannak caan tiangah thla thum a duh rih lioah, Nan cungah ruah sur loin a khamtu cu keimah ka si; Khua pakhat cungah cun ruah cu ka surter ko lai i Khua dang pakhat cungah cun sur loin ka umter ko lai; Lo pakhat cu ruah nih a surh ko lai i Sihmanhsehlaw lo dang pakhat cu a surh lo caah a car ko lai.

NAMBAR 14:12

Rai in ka hrem hna lai i ka hlawt hna lai, nangmah chung hin annih nak i a ngan deuh le a ṭhawng deuh miphun ka ser lai,” tiah a ti.

LUKA 4:25

Cucaah ka bia hi ngai hmanh u. Elijah chan i kum thum le a cheu khua a khen i Israel ram chung dihlak ah pam a tlun ah khan, cu ram chungah nuhmei tampi an rak um taktak ko,

DEUTERONOMI 11:17

cu ti nan tuah ahcun Bawipa thinhunnak cu nan cungah a alh lai i, van khi a khar hna lai i, ruah a sur lai lo i, vawlei nih a theitlai a chuahter lai lo i, Bawipa nih an pekmi hna ram ṭha hin khulrang tein nan lo sual ko lai.

BIAPHUAN 11:6

Van kharnak nawl kha an ngei i cucaah cun Pathian bia an chim chung cu ruah a sur lai lo. Cerhti put zong kha thi i canternak nawl an ngei fawn. Cun vawlei zong kha an duh tik caan paoh ah hremnak a phunphun in hremnak nawl an ngei.

BIAPHUAN 3:7

“Filadelfia khua i a ummi Khrihfabu vancungmi sinah hi bangin va ṭial tuah: Hi bia hi a thiangmi le a taktak a simi, David tawh a tlaitu, innka a hun tikah ahohmanh nih an khar khawh ti lomi, a khar tikah ahohmanh nih an hun khawh ti lomi bia kha a si.