2 CHANRELNAK 7:1 - Lai (Hakha) Common Language Bible 2006

¹ Solomon nih thla a camnak a dih tikah, van in mei a rung tla i khangh thawinak le raithawinak hna kha a kangh hna i Bawipa sunparnak cu biakinn kha a khat.

2 CHANRELNAK 7:1 ပူးပေါင်းရင်းမြစ်များ

GENESIS 15:17

Cun ni a tlak i khua a muih tikah a khumi mei um pakhat le a alhmi mei tom pakhat kha an hung chuak i sa a chiahmi hna karlak ah khan an kal.

1 SIANGPAHRANG 18:24

Cun nannih nih nan pathian min kha nan auh lai i kei nih Bawipa min kha ka auh lai; mei in a kan lettu Pathian cu, amah cu Pathian cu a si lai,” tiah a ti. Cun mi vialte nih an leh i, “Na chimmi cu a ṭha,” tiah an ti.

1 SIANGPAHRANG 18:38

Cun Bawipa mei cu a rung tla ciammam i khangh thawinak le a thing le lung le leidip kha a kangh dih hirhiar hna i kahcham chung i a ummi ti kha a liah dih.

1 SIANGPAHRANG 9:1

Solomon nih Bawipa inn le siangpahrang inn le Solomon nih sak a duhmi vialte kha a sak dih tikah,

1 CHANRELNAK 21:26

Cun khika ah David nih Bawipa caah biakṭheng a ser i khangh thawinak le daihnak thawinak hna kha a pekchanh hna i Bawipa kha a auh i amah nih cun khangh thawinak biakṭheng cung i vancung in a tlami mei khan amah cu a leh.

SALM 26:8

Bawipa, na umnak inn kha ka tlaihchan i na sunparnak a umnak hmun kha ka duh.

EXODUS 19:18

Bawipa cu Sinai Tlang cungah khan mei in a rung ṭum caah Sinai Tlang cu a dihlak in meikhu nih a zelh. Meikhu cu meiphu meikhu bantuk khin a kai hluahmah i mi zapi cu an dihlak in a ther in an ther.

EXODUS 29:43

Hika hmun ah hin ka mi Israel mi cu ka ton hna lai i cuka hmun cu ka sunparnak nih khan hmun zarh ah a canter lai.

ISAIAH 65:24

Ka sin i thla an cam tikah an thlacam a dih hlan hmanh in ka leh hna lai.

EZEKIEL 43:5

Thlarau nih a ka cawi i chunglei tual ah khan a ka chiah i Bawipa sunparnak cu biakinn cu a khat.

EZEKIEL 44:4

Chaklei kam kutka, biakinn lei a hoihmi ah khan a hun ka kalpi i Bawipa sunparnak nih Bawipa inn chungah a rak i zelh kha ka hmuh i ka bawk.

DANIEL 9:20

Cuticun bia ka chim i thla ka cam i keimah ka sualnak le ka mi hna an sualnak cu ka phuan i Bawipa ka Pathian hmaika ah cun a tlang thiang caah cun nawlnak kha ka tuah.

MALAKHI 3:4

Cuticun hlan lio pi i a rak si bantuk khan, Judah ram le Jerusalem khua chung i raithawinak an pekchanhmi cu Bawipa duhmi thil an si ṭhan lai.

LAMKALTU 4:31

Annih nih thla an cam dih tikah an i pumhnak hmun cu aa hnin. Thiang Thlarau in an khat i Pathian bia cu ralṭha ngaiin an chim.

BIAPHUAN 21:23

Khuapi nih cun ni ceunak siseh, thlapa ceunak siseh a herh lo, zeicahtiah Pathian sunparnak nih cun a ceuh i Tuufa cu a meiinn a si.

BIACEIHTU 6:21

Khi tikah Bawipa vancungmi nih a kut i aa putmi ṭhiangṭhunh par cun, sa le thilnu cawh lo changreu kha a hei sawh hna i a tawngh hna; cun lung cun mei a tho i sa le thilnu cawh lo changreu cu a kangh dih hna; cun Bawipa vancungmi cu a mit hmuh lo ah a lo.